A Ch'an̈ Schab'il Libro Yic Yab'ixal Eb' Rey 8:6 - Chuj San Sebastian Bible

⁶ 'Ix sc'anb'n win rey chi 'a 'ix, 'ix yaln 'ix jun 'ab'x chi 'a winac. Xlajw cha, 'ix schecn win junc eb' 'aych yopiso yet'oc, 'ix yaln 'ixtic: 'A'x meltzjoc smasnil tas 'a 'ix yet' smasnil tastc 'ix 'el 'a sat slu'um, yictax 'ix 'el 'ix 'a yol snacion̈, masnto ticnec, xchi win rey cha.

Chuj San Mateo Bible

⁶ Ix sc'anb'an vin̈ rey chi' d'a ix, ix yalan jun ab'ix chi' ix d'a vin̈. Ix lajvi chi' ix schecan junoc eb' schecab' vin̈ rey chi' yic b'at ac'jixi smacb'en ix ix chi' yed' masanil sat avb'en ix el d'a luum yictax ix el ix d'a yol nación chi' masanto ix meltzajxi ix.

A Ch'an̈ Schab'il Libro Yic Yab'ixal Eb' Rey 8:6 ပူးပေါင်းရင်းမြစ်များ

Gn 37:36

Ax yic xc'och ewin madianita 'a Egipto, xchon̈n can ewin José 'a win Potifar, win syajlil eb' soldado win sreyl Egipto cha.

A Ch'an̈ Schab'l Libro Samuel 9:7

'Ix yaln David 'a win 'ixtic: —Man̈ ach xiwoc, yujto wach' 'oj 'ach wutoc, yuj in chamc'ojlal 'a Jonatán win a mam. 'Oj wac' meltzjoc smasnil lum slum a mam 'ichm Saúl 'ayach, ax a wa wet' 'a in mexa 'a junjn 'ejem, xchi.

A Ch'an̈ Schab'il Libro Yic Yab'ixal Eb' Rey 8:5

Ya' sb'a wanto yaln Guiezi chi yab'xil tas 'ix yutj Eliseo ya'n pitzwc pax yune jun 'ix 'ix cha, 'ix jaw 'ix wul sc'an yatut yet' slu'um. Yuj cha, 'ix yaln Guiezi 'a win rey 'ixtic. —Mamin rey, atn jun 'ix tic tzwala, atn pax jun yune 'ix tic ya'jnac pitzwc Eliseo, xchi.

A Ch'an̈ Schab'il Libro Yic Yab'ixal Eb' Rey 8:7

Xlajw cha, 'ix 'at Eliseo 'a Damasco scapitalil chon̈b' Siria. A yic jun tiempoal cha, caw wal ya'ay win Ben-adad sreyl chon̈b' cha. 'Ix alx 'a 'a chajtlto tox 'ix c'och win schecb' Dios 'a jun chon̈b' cha,

A Ch'an̈ Schab'il Libro Yic Yab'ixal Eb' Rey 9:32

'Ix q'ue q'ueln Jehú 'a jun ventnu cha, 'ix yaln q'ue 'ixtic: —¿Mach 'aych wet'oc? xchi winac. 'Ay chawn̈ 'oxwn̈ eb' 'ay yopiso 'a yatut 'ix, 'ix 'elt t'an̈n eb',

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

Pr 21:1

A snab'en eb' rey, a 'a yol sc'ab' Jehová 'ayq'ui, a tz'i'n b'ey snab'en eb' 'icha tzyac' junc a a tzjelx sb'e 'aj tzb'eyi.

Dt 22:2

Q'uinloc a mach 'ay yic no cha, man̈ e tz'eyc e b'a yet'oc, mto man̈ eyojcoc mach 'ay yic no'. Tztac' eyi'n 'at no 'a eyatut, wach'n̈j cab' yaj no 'a eyatut cha, masnto tzsayx 'ec' no yuj mach 'ay yico'. Tzlajw cha, tzeya'n meltzjoc no 'a 'a.

Jueces 11:13

Ax win sreyl eb' amonita cha, 'ix spacn cot win 'ixtc 'a eb' schecb' win Jefté: —A yic ex cot ax israel ex chi 'a Egipto, 'ix wul e to'nc 'ec' qui lum on̈, atn lum tzcot 'a sti a Arnón masnto tzc'och lum 'a sti a Jaboc yet' lum 'ay 'a sti a Jordán. A ticnec, 'actjn̈ej can pax lum 'a yib'n̈ 'a'nc'ojlil, xchi.