A Ch'an̈ Schab'il Libro Yic Yab'ixal Eb' Rey 8:5 - Chuj San Sebastian Bible

⁵ Ya' sb'a wanto yaln Guiezi chi yab'xil tas 'ix yutj Eliseo ya'n pitzwc pax yune jun 'ix 'ix cha, 'ix jaw 'ix wul sc'an yatut yet' slu'um. Yuj cha, 'ix yaln Guiezi 'a win rey 'ixtic. —Mamin rey, atn jun 'ix tic tzwala, atn pax jun yune 'ix tic ya'jnac pitzwc Eliseo, xchi.

Chuj San Mateo Bible

⁵ A val yic van yalan vin̈aj Giezi chi' yab'ixal tas ix aj yac'anxi pitzvoc jun yune' jun ix ix chi' vin̈aj Eliseo chi', ix javi ix yal yuj sluum yed' spat. Yuj chi' ix yalan vin̈aj Giezi chi' d'a vin̈ rey chi' icha tic: —Mamin rey, aton val jun ix ix tic svala', aton jun yune' ix tic pitzvinacxi yuj vin̈aj Eliseo chi', xchi vin̈ d'a vin̈ rey chi'.

A Ch'an̈ Schab'il Libro Yic Yab'ixal Eb' Rey 8:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:1

Ax Ben-adad sreyl Siria, 'ix yac' syam sb'a smasnil eb' soldado, yet' pax 32 eb' rey to swach'c'ojl sb'a yet'oc, yet' eb' schej, yet' eb' scaruaje yic owal, xlajw cha, 'ix 'at eb' yac' owl 'a chon̈b' Samaria, 'ix 'och oyn eb' 'a jun chon̈b' cha.

A Ch'an̈ Schab'il Libro Yic Yab'ixal Eb' Rey 4:12

Xlajw cha, 'ix yaln Eliseo 'ixtc 'a jun schecb' cha: —'Awtj cot 'ix sunamita cha, xchi. A yic 'ix 'awtx cot 'ix, xjaw 'ix.

A Ch'an̈ Schab'il Libro Yic Yab'ixal Eb' Rey 4:35

Xlajw cha, 'ix 'el Eliseo 'a yib'an̈, 'ix b'eyc' 'a yol n̈a cha, 'ix 'atx pacn 'a yib'n̈ jun 'unn chi jun 'ejm xo. Ax jun 'unn cha, uc 'ejm 'ix 'at'isjwji, 'ixta to b'i'an 'ix 'el 'a sat.

A Ch'an̈ Schab'il Libro Yic Yab'ixal Eb' Rey 6:12

'Ix yaln jun win schecb' chi 'a 'ixtic: —May mamin rey. Palta a Eliseo win schecb' Dios 'ayc' 'a chon̈b' Israel cha, a tzaln yab' win rey cha, yuj smasnil tas tzala, wach'xam c'ultacl tzal 'a yol atut, xchi 'a 'a.

A Ch'an̈ Schab'il Libro Yic Yab'ixal Eb' Rey 6:26

A yic wan sb'eyc' win sreyl chon̈b' Israel 'a yib'n̈ muro, 'ix 'awj 'at jun 'ix 'ix 'a 'a, xyaln 'ixtic: —¡Mamin rey colin! xchi 'ix.

A Ch'an̈ Schab'il Libro Yic Yab'ixal Eb' Rey 8:6

'Ix sc'anb'n win rey chi 'a 'ix, 'ix yaln 'ix jun 'ab'x chi 'a winac. Xlajw cha, 'ix schecn win junc eb' 'aych yopiso yet'oc, 'ix yaln 'ixtic: 'A'x meltzjoc smasnil tas 'a 'ix yet' smasnil tastc 'ix 'el 'a sat slu'um, yictax 'ix 'el 'ix 'a yol snacion̈, masnto ticnec, xchi win rey cha.

Ester 5:14

Yuj cha, 'ix yaln 'ix yistzil win cha, yet' pax eb' swach'c'ojl win chi 'a 'ixtic: —'Ac' b'o junc te 'oy, jun ch'an̈l tz'aj ste'il, ax q'ui'n 'a sq'uin̈b'ial, tza c'ann 'a win rey to tzq'ue locn win Mardoqueo chi 'a te', yic wach' caw tzaljc'ojlal 'oj a wa yet' win rey chi q'uic'an, xchi eb'. A wal jun nab'en cha, caw schaj sc'ojl win Amán, yuj cha, 'ix ya'n win b'o jun te 'oy cha.

Salmos 145:1

Ach in Diosal, 'oj wal-li to niwn ton wal el'chi, Reych paxi, 'oj wal wach' paxti 'ayach.

Pr 16:9

An̈ 'anman̈ec tic, si'mb'il tzqui nac tas tzqui b'o'o, ax Jehová a tztac' yalni tas tzon̈ 'ajc 'el'chi.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Rt 2:3

Xlajw cha, 'ix 'at 'ix Rut 'a 'aj wan spolx cebada cha. 'Ix 'ec' si'nc chan̈ 'ix 'ixm sjolm xlaj can yuj ewin polm cebada cha. Ticni yic win Booz jun munljel 'aj xc'och 'ix cha, atn win 'ayt yuj sb'a yet' win Elimelec.

A Ch'an̈ B'ab'el Libro Samuel 26:17

A yic 'ix yab'n Saúl sjaj David, 'ix 'awj 'a win 'ixtic: —¿Tom ach David ach, ach tic 'icha wunnal aji? ¿tom ach tzach paxtin 'ayin? xchi Saúl. —N', an ton ach wajlil.