A Ch'an̈ Schab'il Libro Yic Yab'ixal Eb' Rey 8:28 - Chuj San Sebastian Bible

²⁸ Junn̈j 'ix yutj Ocozías snab'en yet' Joram yunnal Acab, yic 'ix ya'n eb' owl yet' Hazael sreyl chon̈b' Siria 'a Ramot, 'a yol yic Galaad. Palta 'ix lajw Joram yuj eb' sirio cha,

Chuj San Mateo Bible

²⁸ A vin̈aj Ocozías chi', junn̈ej ix yutej spensar vin̈ yed' vin̈aj Joram yuninal vin̈aj Acab, ix yac'an oval eb' vin̈ d'a Ramot d'a yol yic Galaad yed' vin̈aj Hazael sreyal Siria, palta ix lajvi vin̈aj Joram chi' yuj eb' sirio chi'.

A Ch'an̈ Schab'il Libro Yic Yab'ixal Eb' Rey 8:28 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:17

A tas 'oj ujoc, toto 'ay mach 'oj 'at 'elc 'a yol sc'ab' Hazael, ax win Jehú chi 'oj milnoc, ax mach 'oj 'at 'elc 'a yol sc'ab' Jehú, ax Eliseo chi 'oj milnoc.

A Ch'an̈ B'ab'el Libro Yic Yab'ixal Eb' Rey 22:29

Xlajw xoj cha, 'ix 'at win sreyl eb' israel chi yet' win Josafat, win sreyl Judá. 'Ix c'och eb' yac' owl 'a chon̈b' Ramot, 'a yol yic Galaad.

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

A Ch'an̈ Schab'il Libro Yic Yab'ixal Eb' Rey 3:7

Yajn̈ej x'at ya'nc alxc 'ixtc 'a Josafat sreyl Judá: 'Ix yij 'el sb'a sreyl Moab 'a yaln̈ in checnb'il. ¿Tzam yal a c'ojl tzach 'at wet'oc, yic tzca'n owl yet'oc? xchi. 'Ix ta'w sreyl Judá 'a 'ixtic: 'Oj in 'at yet' eb' in soldado yet' e no 'in chej.

A Ch'an̈ Schab'il Libro Yic Yab'ixal Eb' Rey 8:15

Ax 'a junx c'u 'ix yi'n cot Hazael jun te pim nip, slab'n 'ejm win te 'a scal a', 'ix slich'n 'ejm 'a sat Ben-adad, yuj cha, 'ix tup yic', 'ix chami. Xlajw xoj cha, ax Hazael chi 'ix 'ochx can reyl sjeloc.

A Ch'an̈ Schab'il Libro Yic Yab'ixal Eb' Rey 8:29

yuj cha, 'ix meltzj can rey Joram, 'ix jaw 'a Jezreel yuj yan̈tn sb'a. Yujto ya'ay win Joram cha, yuj cha, 'ix 'at Ocozías 'at yil 'a Jezreel cha.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

A Ch'an̈ Schab'il Libro Yic Yab'ixal Eb' Rey 9:14

A win Jehú yunnal Josafat yixchicn Nimsi, caw tu 'ix sna 'a spatquil win rey Joram. A win rey cha, xit'c yet' eb' yit israelal yic tzcolx 'el chon̈b' Ramot 'a yol yic Galaad 'a yol sc'ab' win Hazael sreyl chon̈b' Siria yalni.

A Ch'an̈ Schab'il Libro Yic Yab'ixal Eb' Rey 9:15

'Ayx am sjayloc c'u smeltzj 'a Jezreel yic tzyan̈tn sb'a 'aj 'ix lajw yuj eb' sirio, yic 'ix 'och owl yet' Hazael cha. 'Ix yaln Jehú 'ixtc 'a eb' yitb'eym ajun yet'oc: Toto caw yel tze nib'j tzin 'och e reyloc, may cab' junc mach tz'el 'a yol chon̈b' tic, sec wach' may mach tz'at alnoc 'a eb' 'aj Jezreel yuj jun 'ab'x tic, xchi Jehú.

A Ch'an̈ Schab'il Libro Yic Yab'ixal Eb' Rey 9:16

Xlajw cha, 'ix 'och Jehú 'a yol scaruaje yic owal, 'ix 'at 'a Jezreel 'a 'aj wan yan̈tn sb'a rey Joram. Ata 'ayc' pax Ocozías sreyl Judá.

2 Cr 18:31

Ax eb' scapitan̈il jun tzo'n̈ caruaje cha, a yic xyiln eb' Josafat, a snan eb' to a sreyl Israel, yuj cha, 'ix yoyn 'och sb'a eb' 'a spatquil, yic tzya'n eb' owl yet' snani. Yuj cha, caw 'ix 'el yaw Josafat sc'ann colwal, 'ix colwj Jehová yet'oc. A Dios chi 'ix 'i'n 'el eb' capitan̈ chi 'a 'a.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

2 Cr 22:5

'Ix sb'eylb'ej snab'en eb' cha, 'ix mol 'at 'a owl yet' Joram yunnal Acab, sreyl chon̈b' Israel. 'Ix ya'n eb' owl yet' Hazael sreyl Siria 'a chon̈b' Ramot 'a yol yic Galaad. Ax Joram cha, 'ix lajw yuj eb' 'aj Siria cha.

Josué 20:8

Ax 'a junx sc'axpil 'ec' a Jordán, 'a stojlal 'aj tzq'uel c'u 'a Jericó, ata si'l eb' 'oxe xo chon̈b' tic: Béser 'ay 'a lum span̈nil yic cusltac lu'um, 'a yol yic eb' yin̈tl Rubén. Ramot 'a yic Galaad, 'a yol smacb'en eb' yin̈tl Gad. Golán 'a yol yic Basán, 'a yol smacb'en eb' yin̈tl Manasés.