A Ch'an̈ Schab'il Libro Yic Yab'ixal Eb' Rey 8:22 - Chuj San Sebastian Bible

²² Ax eb' 'aj Edom cha, 'ix yac' ganar eb' yi'n 'el sb'a 'a yaln̈ schecnb'il eb' 'aj Judá, 'ix yique'ej sb'a eb' sch'ocoj, masnto ticnec. An̈jtona 'a jun tiempoal cha, 'ix yique'ej can pax sb'a chon̈b' Libna.

Chuj San Mateo Bible

²² Atax ta' ix yiquej sb'a eb' aj Edom chi'. An̈eja' pax d'a jun tiempoal chi' ix yiq'uel sb'a chon̈ab' Libna d'a Judá chi'.

A Ch'an̈ Schab'il Libro Yic Yab'ixal Eb' Rey 8:22 ပူးပေါင်းရင်းမြစ်များ

Gn 27:40

Cojn yet' a espada 'oj stac' a coln a b'a, schecb' pax ni o'tac 'oj ajcn 'ochi. Palta ax yic 'ayx ep, 'oj a col-l a b'a 'a yol sc'ab' na, xchi Isaac cha.

A Ch'an̈ Schab'il Libro Yic Yab'ixal Eb' Rey 19:8

'Ix yab'n win syajlil eb' soldado sreyl Asiria, chajtlto man̈x 'ayc 'ec' win rey chi 'a chon̈b' Laquis. Yuj cha, 'ix meltzji, 'ix schaj sb'a yet' win rey chi 'a chon̈b' Libna, wan ya'n win owl yet' jun chon̈b' cha.

A Ch'an̈ Schab'il Libro Yic Yab'ixal Eb' Rey 8:20

A 'a yol stiempoal Joram, 'ix yij 'el sb'a chon̈b' Edom 'a yaln̈ schecnb'il eb' 'aj Judá, 'ix ya'ch eb' sreyl 'a yol yico'.

A Ch'an̈ Schab'il Libro Yic Yab'ixal Eb' Rey 8:23

A jantc to yab'xil Joram yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

2 Cr 21:10

Palta a eb' 'aj Edom, 'ix ya'n̈j ganar eb' yi'n 'el sb'a 'a yaln̈ schecnb'il eb' 'aj Judá. An̈jtona 'a jun tiempoal cha, 'ix yique'ej sb'a chon̈b' Libna, yujto 'ix yactj can yaln sb'a Joram chi 'a Jehová, atn sDiosal yet' eb' smam yicham.

2 Cr 28:17

yujto a eb' 'aj Edom, 'ix jaw eb' wul yac' owl yet' eb' 'aj Judá jun 'ejm xo. Til wal eb' x'ijx 'at 'a 'icha presoal yuj eb'.

Jeremías 52:1

A Sedequías junschawinquil ab'il sq'uinal yic yoch reyal, uxlche ab'il ya'jnac reyl 'a Jerusalén, Hamutal sb'i snun, yisl win Jeremías 'aj Libna.

Josué 21:13

A sb'isl chon̈b' x'ajx 'a eb' yin̈tl Aarón, eb' ya'mal 'och sti eb' 'anma 'a Dios, 'ay 'oxlajn̈e chon̈b' 'a smasnil yet' swalab' no cajb'en noc' 'a junjn chon̈b' cha. A 'a yol smacb'en eb' yin̈tl Judá yet' Simeón, ata 'ay b'aln̈e chon̈b' x'ajx 'a eb': Atn chon̈b' Hebrón 'aj tz'at scol sb'a eb' tzmiln junc yit 'anma'il. X'ajx pax chon̈b' Libna, Jatir, Estemoa, Holón, Debir, Aín, Juta, yet' Bet-semes. Ax 'a yol smacb'en eb' yin̈tl Benjamín, ata 'ay chan̈e xo chon̈b' x'ajx 'a eb': Atn chon̈b' Gabaón, Geba, Anatot yet' Almón.