A Ch'an̈ Schab'il Libro Yic Yab'ixal Eb' Rey 7:1 - Chuj San Sebastian Bible

¹ Xlajw cha, 'ix yaln Eliseo 'ixtic: —'Ab'c wal spaxti Jehová. 'Ixtc 'ix yutj yalni: Yab'n 'icha hora tic q'uic'an, a 'a sti spuertail chon̈b' Samaria tic, a junc 'almu 'ixm harina mto chab'oc 'almu 'ixm cebada, jun jab' yune tumn plata 'oj stojloc, xchi Dios, xchi.

Chuj San Mateo Bible

¹ Ix lajvi chi' ix yalan vin̈aj Eliseo chi' icha tic: —Ab'ec val tas syal Jehová: A q'uic'an yab' icha tic, a d'a spuertail Samaria tic, a junoc almul ixim harina, jun ciclo plata stojol ixim. Chab' almul pax ixim cebada d'a jun ciclo q'ueen, xchi Jehová, xchi vin̈.

A Ch'an̈ Schab'il Libro Yic Yab'ixal Eb' Rey 7:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:19

Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

A Ch'an̈ Schab'il Libro Yic Yab'ixal Eb' Rey 20:16

—'Ab' tas tzyal spaxti Jehová:

A Ch'an̈ Schab'il Libro Yic Yab'ixal Eb' Rey 4:42

Xlajw cha, 'ix c'och jun win 'aj Baal-salisá 'a Eliseo, yet' win junc'l pan cebada 'a 'ixm b'ab'l sat cebada cha, yet' 'ixm sjolm trigo to 'unn to sat. 'Ix yaln Eliseo 'a win schecb' chi 'ixtic: —'Ac' wa eb' 'anma tic, xchi 'a winac.

A Ch'an̈ Schab'il Libro Yic Yab'ixal Eb' Rey 6:25

Yuj cha, 'ix jaw wal jun niwquil wejl 'a Samaria. 'Ix q'ue stojl smasnil tas. A junc no sjolm b'uru 80 q'uen tumn plata x'aj stojol, ax junc 'echb'al stza no parama, o'e q'uen tumn plata x'aj stojol.

A Ch'an̈ Schab'il Libro Yic Yab'ixal Eb' Rey 6:33

Wanto wal spaxtin Eliseo yet' eb' cha, 'ix c'och win rey yet' win schecb' cha, 'ix yaln win rey 'ixtic: —Wal yel a jun tu tic, a 'a Jehová tzcoti. ¿Tas tzat in tan̈wj 'a 'a, yic tzon̈ scolni? xchi winac.

A Ch'an̈ Schab'il Libro Yic Yab'ixal Eb' Rey 7:16

Xlajw cha, 'ix 'elt smasnil eb' 'anma', 'ix 'at yi'nc eb' smasnil tastc 'ay 'a yol scamplamento eb' sirio. 'Ix 'el'ch 'icha 'ix yutj Jehová yalni, to tztac' smanx junc 'almu 'ixm harina mto chab'oc 'almu 'ixm cebada yet' junc tumn plata.

Salmos 46:5

A Dios 'ayc'n̈ej 'a jun chon̈b' cha, a tz'a'n yip; a tz'och yet'oc yic tzsacb' pax 'eli.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Ex 16:12

—'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

Ex 8:23

A eb' in chon̈b' tic, chuc yel eb' 'a yib'n̈ eb' a chon̈ab', man̈ lajnoc yilx eb' 'a in sat. Q'uic'an tz'ec' can no tzac' cha, xchi Jehová, xa chi 'a win rey cha, xchi Dios.

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

Ez 37:4

Xlajw cha, xyaln pax 'ixtic: Al 'a jun tzo'n̈ tacn̈ b'ac tic to tzchaj yab' eb' in paxti'.

Jn 6:9

—'Ay jun win 'unn 'ayc' 'a tic, yet' o'e span cebada, yet' chac'otn̈ schay. Palta ¿tom 'oj 'e'choc jab' tic 'a scal eb' smasnil? 'In caw niwn eb', xchi 'a Jesús.

Josué 3:5

'Ix yaln Josué 'ixtc 'a eb': A ticnec sacb'tzejc e b'a, yujto q'uic'an 'oj sch'ox Jehová quilc tas satjub'tac yilx 'a qui calc tic, xchi 'a eb'.

Apoc 6:6

'Ix wab'n yoch jun 'aw 'a snan̈l eb' querubín schan̈wn̈il, xyaln 'ixtic: —Cojn chab' libra trigo 'a jun c'ul munljelal, mto waque libra cebada. Man̈ extc aceite yet' yal uva, xchi 'a 'a.

A Ch'an̈ B'ab'el Libro Samuel 11:9

'Ix yaln Saúl 'a eb' checb' yic Jabes chi 'ixtic: —Alc 'a eb' 'aj Jabes cha, to a q'ui'n 'a chimc'ual, 'oj 'at qui col eb' on̈, xchi. Xlajw cha, 'ix 'at eb' checb' chi 'at yal jun tzo'n̈ tic 'a eb' 'aj Jabes cha; yuj cha, caw 'ix tzalj chan̈ eb'.

A Ch'an̈ B'ab'el Libro Samuel 15:1

'Ay jun 'ejm xyal Samuel 'a Saúl 'ixtic: —A Jehová in checn coti, yic xwul ach wa'nc 'och reyl 'a yol schon̈ab', atn Israel. A ticnec chaj ab' tas tzyal 'ayach.