A Ch'an̈ Schab'il Libro Yic Yab'ixal Eb' Rey 6:18 - Chuj San Sebastian Bible

¹⁸ Ax eb' sirio cha, a yic wan ya'n lista sb'a eb' yoch 'a owl cha, 'ix leslwi Eliseo 'ixtic: —Mamin Jehová, tzin c'an 'ayach to tzac' somchjoc snab'en eb', sec man̈xtzac cab' stac' yiln eb' tic, xchi. Yuj cha, man̈x 'ic stac' yiln eb' yuj Jehová, 'icha 'ix yutj Eliseo sc'anni.

Chuj San Mateo Bible

¹⁸ Ayic van sjavi eb' vin̈ sirio chi' yac' oval, ix sc'anan vin̈aj Eliseo chi' d'a Jehová: Mamin tzin c'an d'ayach to tza mac sat eb' vin̈ tic, xchi vin̈. Axo Jehová ix macan sat eb' vin̈ soldado ajc'ol chi', icha ix aj sc'anan vin̈aj Eliseo chi'.

A Ch'an̈ Schab'il Libro Yic Yab'ixal Eb' Rey 6:18 ပူးပေါင်းရင်းမြစ်များ

Gn 19:11

Xya'n eb' ángel chi somchjc 'el snab'en ewinac, yuj cha, smasnil eb' 'ayc' 'a spatc n̈a cha, man̈xtoc stac' yiln xon eb'. Smasnil eb' quelem yet' eb' 'ichmtac winac, man̈x 'a junc mach tztac' yilni, caw 'ix c'unb' eb' sayn 'ec' smac te n̈a cha.

A Ch'an̈ Schab'il Libro Yic Yab'ixal Eb' Rey 6:19

Xlajw cha, 'ix 'at Eliseo 'at yal 'a eb' 'ixtic: —Man̈oc jun b'e tic tze sayq'ui, yet' jun chon̈b' tic. 'Ochn̈ec tza'n wu'uj, ax ex wi'n 'at 'a 'aj 'ayc' jun winc tze sayc' cha, xchi 'a eb'. Axta xyij 'at eb' 'a Samaria.

Job 5:14

Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Zacarías 12:4

A 'a yic jun c'ul cha, an Jehová in, an 'oj in xib'tc smasnil schej eb' 'ajc'ojl cha, 'icha 'owya 'oj wutc can eb' soldado 'ay q'ue 'a yib'n̈ no'. Caw 'oj in tan̈wc eb' yin̈tl Judá, ax smasnil schej jun tzo'n̈ nacion̈ cha, man̈x 'oj stac' yiln e no'.

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

A Tas Sc'ulejnac Eb' Schecab' Jesús Hechos 13:11

A ticnec, 'oj ya'ch Cajlil a yailal. 'Oj yac' juwc yol a sat junc tiempoal. Wach'xam 'ay yoc c'u, palta man̈x 'oj stac' eln jab'oc, xchi Pablo chi 'a winac. Yajn̈j wal cha, xjuw yol sat winac. Man̈xtzac stac' yiln win jab'oc, yuj cha, x'at saync 'ec' win junc mach tzquetzn b'eyc'oc.

Ro 11:7

Palta ¿tas tz'aj eb' wit israelal tze na'a? 'Ix ya'lj eb' sayni chajtl tz'aj eb' yoch wach'l 'a sat Dios, palta ma'ix stac' yuj eb'. Cojn eb' sic'b'il 'el yuj Dios 'a scal eb' cha, a eb' stac' yu'uj. Ax jun tzo'n̈ xo eb', ton̈j 'ix wach' 'ajx pitb'oc 'el eb'.

Dt 28:28

An̈jtona', 'oj cot owya 'a e jolom, 'oj juwc 'el yol e sat, ax somchjchan̈ e nab'en.