A Ch'an̈ Schab'il Libro Yic Yab'ixal Eb' Rey 6:17 - Chuj San Sebastian Bible

¹⁷ 'Ix leslwi Eliseo 'ixtic: Tzin tew 'aych Mamin Jehová, to tza jac sat win in checb' tic sec to 'oj yila', xchi. 'Ix sjacn Jehová sat win checb' cha, 'ix yiln winac to a 'a jolmctac witz, oyn cot eb' soldado, 'ay q'ue eb' 'a yib'n̈ chej yet' 'a yol caruaje to nab'a c'ac', oyn 'och eb' 'a Eliseo cha.

Chuj San Mateo Bible

¹⁷ Ix och ijan vin̈aj Eliseo chi' slesalvi d'a Jehová icha tic: Mamin tzin c'an d'ayach to tza jac sat vin̈ in checab' tic, xchi vin̈. Ix jacji sat vin̈ checab' chi' yuj Jehová, ix yilan vin̈ to a d'a sattac vitz yed' d'a jolomtac vitz, toxon̈ej oyancot soldado d'a yib'an̈ chej yed' d'a yoltac carruaje nab'a c'ac', oyanoch d'a spatic yichan̈ vin̈aj Eliseo chi'.

A Ch'an̈ Schab'il Libro Yic Yab'ixal Eb' Rey 6:17 ပူးပေါင်းရင်းမြစ်များ

Gn 21:19

Ax Dios xch'oxn jun a a 'a 'ix Agar cha, 'ix 'at 'ix, xya'n 'ix b'ut'joc no tz'um yet' a a cha, xya'n 'ix yuc' win Ismael cha.

Gn 32:1

Xlajw cha, xb'ey cot win Jacob, ax x'aji schan sb'a win yet' jun tzo'n̈ yángel Dios.

Gn 32:2

A yic xyiln win Jacob jun cha, xyaln 'ixtic: Atn am 'a tic 'ay scamplamento eb' yángel Dios, xchi. Yuj cha, xya'n sb'ic jun lugar chi Mahanaim.

Gn 32:3

Xlajw cha, xchecn 'at Jacob jun tzo'n̈ eb' schecb' 'a lum Seir, 'a yol yic Edom, yic tz'at alxoc yab'xil 'a Esaú chajtlto wan sjapx jun yu'tac chi 'a 'a.

A Ch'an̈ Schab'il Libro Yic Yab'ixal Eb' Rey 2:11

Ya' sb'a wan sb'ey eb', wan pax spaxtin eb', yajn̈j wal cha, 'ix checlj q'ue wan jun caruaje c'ac' yilxi, toc'b'il yuj chawn̈ chej c'ac' pax yilxi. A x'i'n 'el Elías chi 'a stz'ey Eliseo, 'ix 'ijx 'at win 'a satchan̈ 'a scal jun chacxuxm 'ic'.

Salmos 104:3

Ach xa b'o chan̈ et'l 'a yib'n̈ a a', 'icha to a 'asn 'aych a caruajeoc, ax 'a scal 'ic' tzach 'eq'ui.

Salmos 104:4

A 'ic', a 'aych a checb'oc, ax snich c'ac', a tzach 'a'n servil.

Salmos 119:18

Jac wal in sat, sec 'oj wojcoc 'el satjub'tacl tas tzyal a cuynb'il.

Salmos 125:2

'Icha wal yajch oyn eb' lum witz 'a stz'ey Jerusalén, 'ixta wal yajch Jehová 'a stz'ey eb' schon̈ab', ticnec yet' 'a smasnil tiempo.

Salmos 34:7

A yángel Jehová a tztan̈wni eb' yiclum 'a Dios, tzoyy 'ec' 'a stz'ey eb', tzcolx 'el eb' yu'uj.

Salmos 68:17

A Dios smiyon̈al xo sb'isl scaruaje yic owal; ata xcot 'a yol scaruaje 'a Sinaí, 'ix jaw 'a scajnub'.

Salmos 91:11

'Oj ya' cot Jehová eb' yángel on̈ stan̈wquec, yaln̈ej 'aj tzon̈ 'atec.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Is 42:7

Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

Dn 10:7

Cojn an Daniel in tic wiljnac jun chi 'a 'icha waychil, ax jun tzo'n̈ xo eb' 'anma 'ayc' wet'oc, man̈ yiljnacc eb' jun cha, a yic eb' to x'at eb' 'eloc, sc'ub'n 'el sb'a eb' yujto xjaw jun niwquil xiwlal 'a eb'.

Zacarías 1:8

'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac.

Nm 22:31

Ax Jehová 'ix ch'oxn yil Balaam jun yángel cha. Lin̈n 'ec' 'a snan̈l yol b'e, yamb'il jun q'uen espada yu'uj. A yic xyiln sb'a Balaam 'a jun ángel cha, 'ix 'em n̈ojnjoc 'a sat lu'um, masnto squil 'ejm snan̈l sat.

Mt 26:53

¿Tom man̈ ojcoc, toto tzin nib'j tzin c'an 'a qui Mam Dios, 'ec'b'al 72 mil eb' ángel 'oj yac' cot in wul colnc muc'uc?

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Apoc 19:14

Ax eb' soldado smasnil 'a satcha'an̈, tza'n 'och eb' yu'uj. Caw wach' spichl eb', caw sac. May jac lum 'aych 'a 'a. 'Ay q'ue junjn eb' 'a yib'n̈ schej caw sac.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic: