A Ch'an̈ Schab'il Libro Yic Yab'ixal Eb' Rey 6:14 - Chuj San Sebastian Bible

¹⁴ 'ix schecn 'at win rey chi nan̈l eb' soldado yet' eb' 'ay q'ue 'a yib'n̈ chej, yet' caruaje yic owal. 'Ix c'och eb' 'a 'ac'wl 'a Dotán, 'ix yoyn sb'a eb' 'a spatquil jun chon̈b' cha.

Chuj San Mateo Bible

¹⁴ Yuj chi' ix yac'anb'at jun n̈ilan̈ eb' vin̈ soldado vin̈ yed' eb' vin̈ ayq'ue d'a yib'an̈ chej yed' carruaje yic oval. D'ac'valil ix c'och eb' vin̈ d'a Dotán chi', ix yoyan sb'a eb' vin̈ d'a spatictac chon̈ab' chi'.

A Ch'an̈ Schab'il Libro Yic Yab'ixal Eb' Rey 6:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:17

Xlajw xoj cha, 'ix schecn 'at sreyl Asiria schecb' 'a win Ezequías, atn 'oxwn̈ ewin syajlil eb' soldado, yet' jun b'uln̈ eb' soldado to caw wal jeln ya'n owal, caw 'ay yip, 'ix 'el eb' 'a Laquis, 'ix jaw eb' 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

A Ch'an̈ Schab'il Libro Yic Yab'ixal Eb' Rey 6:13

Yuj cha, 'ix yaln win sreyl Siria chi 'ixtic: —'Ixquec, 'at 'iltec 'ajtil 'ay Eliseo cha, ax wa'n 'at jaywn̈oc eb' in soldado tic, yic tz'at yamchjoc coti, xchi win rey cha. Ax yic 'ix alx 'a 'a, to a 'a chon̈b' Dotán 'ayq'ui,

A Ch'an̈ Schab'il Libro Yic Yab'ixal Eb' Rey 6:15

'Ix seb' q'ue wan win schecb' Eliseo 'a sq'uin̈b'ial, ax yic 'ix 'elta, 'ix yilni man̈x jantcoc soldado oyn 'och 'a spatquil jun chon̈b' cha, yet' chej yet' caruaje yic owal; yuj cha, 'ix 'at win 'at yal 'a Eliseo 'ixtic: —'Oltacn̈ mamin, ¿tas 'oj cutc qui b'a? xchi win checb' cha.

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Mt 26:55

Xlajw cha, xyaln pax 'ixtc 'a ewin xc'och cha: —¿Tom 'elc'm in tzeyila, yuj cha, eyet' e machit, eyet' e te', tzex jaw wul in eyama'? Junjn c'u tzin 'em wocn cuywjoc 'ayx 'a yamq'uil yatut Dios, palta ma'in eyam ta'.

Lc 21:20

A yic 'oj eyila', caw oymntac yajch eb' soldado 'a smasnil stitc Jerusalén tic, nachj cab' 'el eyu'uj, to wal slajw 'el jun chon̈b' tic.

A Ch'an̈ B'ab'el Libro Samuel 23:26

A 'a sc'axpil 'at jun witz cha, ata tz'at Saúl yet' eb' soldado, ax 'a junx sc'axpil 'eq'ui, ata tz'at David yet' eb' winc ajun yet'oc, caw tzyac' yip s'at 'elc 'a Saúl. Ax yic tox 'ix yac' ganar Saúl yoch oyn yet' eb' soldado 'a spatquil eb', jab'xoj ya'n ganar syamchj yu'uj,

A Ch'an̈ B'ab'el Libro Samuel 24:2

Yuj cha, 'ix si'n 'el Saúl 'oxe mil eb' soldado caw jeln 'a scal smasnil eb' yit chon̈ab', yic tz'at saynoc eb' David yet' eb' winc ajun yet'oc. 'Ix 'at saync 'ec' eb' 'a sat q'uen niwc tenm 'aj 'ay no calte'al chiwo.