A Ch'an̈ Schab'il Libro Yic Yab'ixal Eb' Rey 5:27 - Chuj San Sebastian Bible

²⁷ Yuj jun xa b'o tic, a slepra Naamán cha, a 'oj 'ochcn 'ayach, yet' 'a eb' en̈tl 'a smasnil tiempo, xchi Eliseo. Ax yic 'ix spojn can sb'a Giezi yet' Eliseo, 'ayx 'och lepra 'a 'a, caw sacwecnac yilx 'icha q'uen che'ew.

Chuj San Mateo Bible

²⁷ Yuj jun tas ix a c'ulej tic, a ticnaic, a slepra vin̈aj Naamán chi' ol ochcan d'ayach yed' d'a eb' in̈tilal d'a juneln̈ej, xchi vin̈. Axo yic ix spucan sb'a vin̈aj Giezi yed' vin̈aj Eliseo chi', ayxo lepra d'a vin̈, sacxon̈ej yilji snivanil vin̈ icha q'uen cheev.

A Ch'an̈ Schab'il Libro Yic Yab'ixal Eb' Rey 5:27 ပူးပေါင်းရင်းမြစ်များ

A Ch'an̈ Schab'l Libro Samuel 3:29

A jun mul tic, can cab' 'a yib'n̈ Joab yet' 'a yib'n̈ eb' yin̈til. A 'a scal eb' cha, 'ay cab' mach 'oj yab'ilanc yuj jun yailal tz'el tas 'a sniwnal, 'ay cab' pax eb' 'oj yab'ilanc yuj lepra, 'ay cab' pax eb' 'oj 'em sb'eyi, 'ay cab' eb' 'oj milxoc cham yet' espada, 'ay cab' pax eb' 'oj cham yuj wejel, xchi.

A Ch'an̈ Schab'il Libro Yic Yab'ixal Eb' Rey 15:5

'Ix ya'ch Jehová jun yab'il lepra 'a win rey cha. 'Aychn̈ej 'a 'a masnto 'ix chami. Yuj cha, man̈xtoc 'ix can win rey 'a sdespacho, chucx n̈al 'aj 'ix cani. Ax jun yunnal tzcuch Jotam, a x'ochcn yilmalc sdespacho winac, tzya'n pax yajlil 'a yib'n̈ jun nacion̈ cha.

A Ch'an̈ Schab'il Libro Yic Yab'ixal Eb' Rey 5:1

'Ay jun winc Naamán sb'i, scapitan̈il eb' soldado yic sreyl chon̈b' Siria. Caw wal xajn yuj syajlil, yujto yu'uj 'ix ya'n Jehová yac' ganar win sreyl chon̈b' Siria owal. A jun winc tic, caw jeln ya'n owal, palta 'aych jun yab'il tzcuch lepra 'a 'a.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Ex 4:6

A ticnec, 'a'ch a c'ab' 'a sn̈i a c'ojol, xchi. Yuj cha, 'ix ya'n 'och Moisés chi sc'ab' 'a sn̈i sc'ojol, ax yic 'ix yi'n pax 'elt sc'ab' cha, 'ayx 'och lepra 'a 'a, toxn̈ej sacwecnac yilx 'icha q'uen sacb'acum.

Os 10:13

Palta ax eb' cojn maysch'olnilal xlaj sb'o'. Tox 'ix schaj eb' spac yujto man̈ tojloc xyutj sb'a eb'. Wan schan eb' spac yuj ya'm 'esal. Yujto xcob' ya'ch eb' yipc sc'ojl jun tzo'n̈ scaruaje yic owal yet' pax eb' soldado eb' caw niwn sb'isul,

Lv 13:10

Sec a win tz'ilni toto wan smali, sacx yilx stz'umal, wan xo pax sacb' xil cha, chacx yilx sat jun yab'il cha.

Lv 13:25

Ax win ya'mal 'och sti eb' 'anma chi tz'ilni, toto a xil sat cha, wan sacb'i, mto wan xo s'at yich 'a xab', toto 'ixta', lepra jun yab'il chi tzcheclj chan̈ cha. Ax win ya'mal 'och sti eb' 'anma chi tzalni to lepra xo jun cha, yuj cha, man̈xtzac stac' jun tz'aj jun 'anma chi yet' yit 'anma'il.

Nm 12:10

A yic 'ix 'elx jun 'asn chi 'a yib'n̈ Mantiado cha, ax María 'ix pitzw chan̈ lepra 'a sniwnal, caw wal sac x'aj yuj jun yab'il cha. Ax Aarón 'ix 'at q'ueln 'a María, ax xyilni to 'ayx 'och lepra 'a 'a.

A Tas Sc'ulejnac Eb' Schecab' Jesús Hechos 5:10

Yajn̈j wal cha, xtelw pax 'ejm lan̈njoc 'ix 'a yojltac Pedro. 'Ix cham pax 'ix jun xo. Ax yic 'ix 'ochch eb' quelmtac winc cha, 'ix yiln eb', chamnc xo pax 'ix. Yuj cha, 'ix yi'n pax 'at ewinac, xit' smucnc pax ewin 'ix 'a stz'ey win yichmil cha.

A Tas Sc'ulejnac Eb' Schecab' Jesús Hechos 5:5

Xlajwn̈ej yab'n win Ananías jun tzo'n̈ tic, 'ix telw 'ejm lan̈njoc. 'Ix chami. Ax jantcn̈ej eb' x'ab'n speclal jun tic, caw 'ix xiw chan̈ eb'.

A Tas Sc'ulejnac Eb' Schecab' Jesús Hechos 8:20

Palta xyaln Pedro 'a win 'ixtic. —Sat cab' 'el a tumn chi et'oc. A jun tzyac' Dios 'a nab'an̈ej, ¿tom tza na'a, to tztac' a mann yet' jab' a tumn tic?

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.

Josué 7:25

'Ix yaln Josué 'a 'ixtic: —¿Tas wal yuj 'ix 'ej cot jun cusc'ojlal tic 'a quib'n̈ec?. Ax ticnec, a cab' Jehová tza'n cot yailal 'a eb'an̈, xchi. Xlajw yaln jun tzo'n̈ paxti tic, ax smasnil eb' 'anma cha, 'ix syamn 'och eb' sjul q'uenan win Acán yet' eb' yunnal. Xlajw scham eb', 'ix 'ajx tz'a eb' yet' smasnil tas 'ay 'a 'a.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.