A Ch'an̈ Schab'il Libro Yic Yab'ixal Eb' Rey 5:13 - Chuj San Sebastian Bible

¹³ Palta ax eb' schecab', 'ix snitzn 'ochch sb'a eb' 'a stz'ey, 'ix yaln eb' 'ixtc 'a 'a: —Mamin, toto 'ay wal junc xo tas caw ya 'ix yal win schecb' Dios tic 'ayach, ¿tom ma'oj a b'o jun? Oc xo jun, cojn 'ix yala to tza b'icl a b'a, ax a b'ox cani, xchi eb' 'a 'a.

Chuj San Mateo Bible

¹³ Palta axo eb' schecab' vin̈ ajun yed'oc, ix yal eb' d'a vin̈ icha tic: —Mamin, q'uinaloc ay junoc tas ajaltac ix yal vin̈ schecab' Dios d'ayach, ¿tom max a c'anab'ajej? Ocxo jun, an̈ej ix yal vin̈ to tza b'iquel a b'a tzach b'oxicani, xchi eb' d'a vin̈.

A Ch'an̈ Schab'il Libro Yic Yab'ixal Eb' Rey 5:13 ပူးပေါင်းရင်းမြစ်များ

Gn 41:43

Xlajw cha, xchecx q'ue José chi 'a yojl jun schab'l scaruaje win rey cha. 'Ix pechx 'el eb' 'anma 'a yol sb'e yic tz'ec' 'a sat eb'. 'Ixta x'aj José chi sq'ue'ch can 'a yopiso 'a sat smasnil eb' 'anma 'a yol yic Egipto.

A Ch'an̈ B'ab'el Libro Yic Yab'ixal Eb' Rey 20:23

Ax ewin syajlil eb' soldado 'aj Siria cha, xyaln ewin 'ixtic: —A jun tzo'n̈ sdiosal eb' israel cha, atn jun tzo'n̈ dios 'ay 'a eb' lum niwc witz, yuj cha, on̈ ya'nec ganar eb'. Palta q'uinloc ata tzca'c owl yet' eb' 'a lum pan̈n 'a'lic, 'oj quilec checl toto man̈oc on̈ec 'oj ca'c ganar eb'.

A Ch'an̈ B'ab'el Libro Yic Yab'ixal Eb' Rey 20:31

Yuj cha, ax eb' 'aych yajlil yet'oc, 'ix yaln eb' 'a 'ixtic: —'Ix cab'i to a eb' sreyl Israel, to wach' snab'en eb'. Comnoc tzchaj a c'ojol, tzca'ch qui pichl n̈achtac sat tzqui sut'n 'och lasu 'a qui jaj on̈, tzlajw cha, tz'at qui ch'oxnc qui b'a 'a yojltac win sreyl Israel chi 'on̈. Lemb'il tzyac' win niwnc'ojlal 'ayn̈ec, xchi eb' 'a Ben-adad.

A Ch'an̈ Schab'il Libro Yic Yab'ixal Eb' Rey 13:14

Caw wal ya'ay Eliseo yuj jun yab'il 'ix milwj 'a 'a, yuj cha, a yic mantzac cham Joás sreyl chon̈b' Israel, 'ix 'at yila', 'ix 'oc' 'a yojltac Eliseo, 'ix 'och la'njoc 'a 'a, 'ix yaln 'ixtic: —¡Mamin, mamin! 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a.

A Ch'an̈ Schab'il Libro Yic Yab'ixal Eb' Rey 2:12

A yic 'ix yiln Eliseo jun cha, 'ix 'el yaw, 'ix yaln 'ixtic: Mamin, mamin 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a. Ye'xn̈ej xyilcn Eliseo win Elías cha. Xlajw cha, 'ix yi'n 'el Eliseo spotil 'ix stzilnjat yuj scusc'ojlal.

A Ch'an̈ Schab'il Libro Yic Yab'ixal Eb' Rey 5:10

Xlajw cha, schecn 'at Eliseo schecb' 'a Naamán yic tz'at alxc 'a 'ixtic: 'Ixc 'at b'icl a b'a uc 'ejmoc 'a a Jordán, ax sb'ox can a niwnal cha, xchi.

A Ch'an̈ Schab'il Libro Yic Yab'ixal Eb' Rey 5:3

'Ix yaln 'ix cob's 'unn chi 'a 'ix spatron̈ chi 'ixtic: —Comnoc tz'at win in patron̈ tic 'a jun win schecb' Dios 'ayc' 'a Samaria, toq'ue tzb'o jun lepra 'aych 'a win tic, xchi 'ix.

A Ch'an̈ Schab'il Libro Yic Yab'ixal Eb' Rey 6:21

Ax xyiln 'och sreyl chon̈b' Israel eb', 'ix sc'anb'n 'a Eliseo 'ixtic: —¿Mamin, tzam ac' in mil cham eb'? xchi.

A Ch'an̈ Schab'il Libro Yic Yab'ixal Eb' Rey 8:9

'Ix 'at Hazael yil win schecb' Dios, 'ix yi'n 'at win siylab' caw wal wach' tz'el 'a Damasco. Chawinc no cameyo cuchjnac. A yic 'ix c'och 'a yojltac Eliseo, 'ix yaln 'a win 'ixtic: —A Ben-adad qui reyl on̈, a in checn cot 'ayach yic tzwul in c'anb'noc, toto 'oj b'oxc to jun syailal cha, mto man̈ xo, xchi Hazael cha.

Salmos 51:2

B'icl in maysch'olnilal, sacb'tzej in 'a scal in mul,

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

Is 1:16

Ax ticnec jun, 'ijec 'el jun tzo'n̈ maysch'olnil chi 'ayex, 'actjec e b'oni, tzeyi'n 'el e b'a 'a scal.

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

Mt 23:9

May junc mach 'a yolyib'n̈q'uinl tic tze comn alj e mamoc, yujto junn̈j e Mam, atn Dios 'ayc' 'a satcha'an̈.

Jn 13:8

—Palta may xon b'a'n̈ 'oj wac' a b'icl woc tic, xchi Pedro cha. —Toto matz ac' in b'icl jun, to 'ixta', toxn may aln ec wet'oc, xchi Jesús 'a 'a.

Jn 9:7

Xlajw cha, xyaln 'a win 'ixtic: —'Ixc 'a jun tanque tzcuch Siloé. 'At b'icl a sat chi ta', xchi 'a winac. (Siloé, tzyal 'el'chi, 'ic'b'il cot a'.) Xlajwn̈ej cha, 'ix 'at winac. X'at sb'icnc 'el win sat chi 'a a a cha. Ax yic xmeltzj paxi, tox 'ix b'ox sat winac.

A Tas Sc'ulejnac Eb' Schecab' Jesús Hechos 22:16

A ticnec, ¿tas tza tan̈wej? Q'uen̈ wa'an, 'ac' 'ajxc bautisar a b'a. Al a b'a 'a Jesucristo, sec 'oj 'ajxc can lajwc a mul, xchi win Ananías chi 'ayin.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

1 Co 1:27

Yujto a eb' may snab'en 'a sat eb' 'anma 'a yolyib'n̈q'uinl tic, a eb' tzsi' chan̈ Dios, sec wach' ax eb' jelan, 'oj q'uixwc can 'el eb'. Yet' eb' may yel'ch 'a sat eb' 'anma', a eb' tzsi' cha'an̈, sec wach' ax eb' caw 'ay cob' yel'chi, 'oj q'uixwc can pax 'el eb'.

1 Co 4:15

Toxn̈ej 'ay lajn̈e'oc mil e cuymal tzex cuyn 'a yic Cristo, palta junn̈j caw 'icha e mam yaji. An ton tic mamb'il waj 'ayex, yujto an in b'ab'l aljnac wach' 'ab'x 'ayx ta'.

Tito 3:5

Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.

A Ch'an̈ B'ab'el Libro Samuel 24:11

Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.

A Ch'an̈ B'ab'el Libro Samuel 28:23

A Saúl ma'ix yal sc'ojl xwa'i, ax eb' schecab', yet' jun 'ix cha, 'ix yac' pural eb' swa'i. 'Ix schan sc'ojl Saúl cha. 'Ix q'ue wa'an, xlajw cha, 'ix 'em chotn 'a sti jun ch'at.

A Ch'an̈ B'ab'el Libro Samuel 9:10

'Ix ta'w Saúl 'ixtc 'a win smoso cha: Wach' cab' 'icha tzal cha, con̈ 'at qui say quil winac, xchi. 'Ix 'at eb' schawn̈il 'a jun chon̈b' cha, 'a 'aj cajn win schecb' Dios.