A Ch'an̈ Schab'il Libro Yic Yab'ixal Eb' Rey 5:12 - Chuj San Sebastian Bible

¹² Man̈x jantcoc swach'l eb' a a 'ay 'a Damasco, atn a Abana, yet' Farfar. Yel xo wach' eb' a 'a yib'n̈ a a 'ay 'a yol yic chon̈b' Israel tic: ¿Tom matz tac' 'at in b'icn 'el in b'a 'a yojl eb' a', ax in b'ox cani? xchi Naamán. —Caw 'ay cot yowal 'ix pax yalni.

Chuj San Mateo Bible

¹² ¿Toc ec'b'al svach'il junoc a' ay d'a Israel tic d'a yichan̈ a' Abana yed' a' Farfar ay d'a Damasco? ¿Tom max yal b'at in b'icanel in b'a d'a yol a' chi', tzin b'oxi? xchi vin̈. Te aycot yoval vin̈, ix meltzaj vin̈.

A Ch'an̈ Schab'il Libro Yic Yab'ixal Eb' Rey 5:12 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 2:14

'Ix sma'n 'ejm jun spotl Elías chi 'a yib'n̈ a', 'ix yaln 'ixtic: ¿'Ajtil 'ay spoder Jehová sDiosal Elías? xchi. Wanto wal yejm te pichl chi 'a yib'n̈ a', ax x'aji, 'ix poj sb'a snan̈l a', 'ixta to b'i'an 'ix 'ec' Eliseo 'a yojl a'.

A Ch'an̈ Schab'il Libro Yic Yab'ixal Eb' Rey 2:8

Xlajw cha, 'ix spacn Elías te spotil, sma'n 'ejm 'a yib'n̈ a', yuj cha, chab' x'el a'. 'Ixta to b'i'an 'ix 'ec' eb' schawn̈il 'aj xtacj can lu'um.

A Ch'an̈ Schab'il Libro Yic Yab'ixal Eb' Rey 5:11

'Ix cot yowl Naamán 'ix 'ati. Xyaln 'ixtic: —A waln 'a yol wico', to 'oj 'el-loc mu'c wul in scha', axn lin̈n in 'ec' tic ax sleslwi 'a Jehová sDiosal, ax smasn 'ec' sc'ab' 'aj 'aych jun lepra tic 'ayin, ax yelcn walni.

A Ch'an̈ Schab'il Libro Yic Yab'ixal Eb' Rey 5:17

Xlajw cha, 'ix yaln 'ixtic: —Toto 'ixta jun, tzin tew 'ayach, comnoc tz'el 'a a c'ojl a'n chawn̈oc chejl lum slum chon̈b' Israel tic 'ayin, yic tzwi'n 'at wet'oc, yic tzin b'on junc yet'l xajmb'al yic Jehová yet' lu'um, man̈x 'oj wac' in xajmb'al 'a jun tzo'n̈ comn dios, palta cojn 'a Jehová 'oj wac'a'.

Pr 14:17

Toto c'un scot cowlec, caw man̈ wach'c tas tzqui b'oc 'ixta'; an̈jtona', toto si'mb'il wal tzqui na'ec yic tzqui b'onec tas tu 'a junc quit 'anma'il, caw wal tz'och eb' 'anma 'ajc'ojlal 'ayn̈ec.

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Pr 19:11

Toto tzqui yamc 'och wan qui b'a yet' yowl qui c'ojol, 'ay qui nab'enec 'ixta'; tzon̈ alxec wach'il toto tzca'c niwnc'ojlal 'a eb' tz'och smul 'ayn̈ec.

Cantares 4:8

Ach cob's 'ix to 'oj och wistloc, 'el con̈ 'a lum Líbano tic. 'Oj calcn qui b'a 'a lum jolm witz Amana, 'a lum jolm witz Senir yet' 'a lum jolm witz Hermón; a 'a lum jolm witz chi 'ay sn̈aq'uen e no león, a pax ta 'ay yet'l e no leopardo.

Jeremías 49:23

'Ix yaln pax Dios yuj eb' 'aj Damasco 'ixtic: A eb' 'aj chon̈b' Hamat yet' Arfad, caw man̈x 'anmac yaj snab'en eb', yujto caw tu sc'och 'ab'x 'a eb'. Caw xniwtj xiwc'ojlal 'a eb', man̈xtzac stac' yajc' eb' 'a tzaljc'ojlal.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Zacarías 14:8

A 'a yic jun c'ul cha, 'oj pac' q'uet jun a a 'a Jerusalén. 'Oj b'eyn̈j yoctc 'a cuaresma yet' 'a n̈ab'lq'uinal. A jun a cha, nan̈l a 'oj 'atcn 'a a Mar Muerto, ax nan̈l xo a 'oj 'atcn 'a a mar Mediterráneo.

Mr 1:9

A 'a jun tiempoal cha, xcot Jesús 'a Nazaret 'a yol yic Galilea, xit' ya'nc 'ajxc bautisar sb'a yuj Juan 'a a niwn a Jordán.