A Ch'an̈ Schab'il Libro Yic Yab'ixal Eb' Rey 4:42 - Chuj San Sebastian Bible

⁴² Xlajw cha, 'ix c'och jun win 'aj Baal-salisá 'a Eliseo, yet' win junc'l pan cebada 'a 'ixm b'ab'l sat cebada cha, yet' 'ixm sjolm trigo to 'unn to sat. 'Ix yaln Eliseo 'a win schecb' chi 'ixtic: —'Ac' wa eb' 'anma tic, xchi 'a winac.

Chuj San Mateo Bible

⁴² Axo d'a junel ix c'och jun vin̈ vinac aj Baal-salisa, yed'nac 20 ixim pan cebada vin̈ b'ob'il d'a ixim b'ab'el sat cebada chi', ix yac'an vin̈ d'a vin̈aj Eliseo chi', yed'nacpax ixim jolom trigo vin̈ yaxto. Ix yalan vin̈aj Eliseo chi' d'a vin̈ schecab': —Ac' ixim pan chi' sva eb' anima tic, xchi vin̈.

A Ch'an̈ Schab'il Libro Yic Yab'ixal Eb' Rey 4:42 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:3

'Ij 'at lajn̈ec 'ixm niwc pan, yet' jun tzo'n̈ c'oxox pan yet' junc xalu no yal chab' 'a winac. 'Ixc 'at c'umj winac, sec 'oj yal 'ayach tas 'oj 'aj win 'unn tic, xchi win 'a 'ix.

A Ch'an̈ Schab'il Libro Yic Yab'ixal Eb' Rey 4:38

'Ix 'at Eliseo 'a Gilgal, yic caw ow ya'n jun niwquil wejl 'a jun chon̈b' cha, ax eb' schecb' Dios 'ayc' eb' yet'oc, yuj cha, 'ix yaln 'a jun schecb' chi 'ixtic: 'Ac' q'ue junc niwquil chen 'a yib'n̈ c'ac', tza b'on tas tzc'ux eb' schecb' Dios tic, xchi.

A Ch'an̈ Schab'il Libro Yic Yab'ixal Eb' Rey 5:5

'Ix yaln win rey chi 'a win 'ixtic: —Caw wach', 'ixc 'an, 'oj wa't junc carta 'a win sreyl chon̈b' Israel cha, xchi win rey cha. —Xlajw cha, 'ix 'at Naamán, 'ix yi'n 'at 30 mil q'uen tumn plata, waque mil q'uen tumn nab'a oro, yet' lajn̈e mojn pichul.

A Ch'an̈ Schab'il Libro Yic Yab'ixal Eb' Rey 7:1

Xlajw cha, 'ix yaln Eliseo 'ixtic: —'Ab'c wal spaxti Jehová. 'Ixtc 'ix yutj yalni: Yab'n 'icha hora tic q'uic'an, a 'a sti spuertail chon̈b' Samaria tic, a junc 'almu 'ixm harina mto chab'oc 'almu 'ixm cebada, jun jab' yune tumn plata 'oj stojloc, xchi Dios, xchi.

Ex 23:16

Tze nan pax sq'uin̈l yic tz'el-l sb'ab'l sat smasnil tas 'awb'il eyuj 'a jun ab'il cha. An̈jtona', tze nan pax sq'uin̈l yic tzlajw e moln chan̈ sat smasnil tas 'awb'il eyuj cha.

Nm 18:12

An̈jtona', an Jehová in, an tzwac' pax sb'ab'l sat 'awb'en 'ayach, atn jun tzo'n̈ tzyac' eb' israel 'ayn 'a junjn ab'il: Atn aceite caw wach', yal uva caw wach' yet' 'ixm trigo.

Nm 18:13

Yet' pax smasnil sb'ab'l sat 'awb'ente tzyij cot eb' 'ayn an Jehová in, ec tz'ajcn jun tzo'n̈ cha. Tzann̈j junc ecan 'ayc' et'oc, toto wach' yaj 'icha yaln ley, tztac' sc'uxn jun tzo'n̈ ofrenda cha.

Jn 6:13

Yic 'ix lajw schan can pax eb', 'ix b'ut'j can pax lajchwe xuc pan chi xyac' sobra 'a o'e pan cebada cha. Palta caw 'ix wa eb' smasnil.

Jn 6:9

—'Ay jun win 'unn 'ayc' 'a tic, yet' o'e span cebada, yet' chac'otn̈ schay. Palta ¿tom 'oj 'e'choc jab' tic 'a scal eb' smasnil? 'In caw niwn eb', xchi 'a Jesús.

1 Co 9:11

A yic quec' 'a e cal on̈, 'icha to 'ay tas 'ec' cawjnac can 'ayx on̈. A jun cha, yic espíritu. Yuj cha, ¿tom man̈ smojc tzqui chaj qui gasto 'ayx yuj spac qui munljel chi 'on̈?

Gl 6:6

A eb' tzon̈ cuynec 'a spaxti Dios, yowlal tzon̈ colwjec ca'n jun tzo'n̈ tas wach' 'a eb'.

Dt 12:6

A 'a jun lugar cha, ata 'oj 'at e n̈ustz'a e xajmb'al, atn no noc' caw wach' 'a sat Jehová. Tzeyij 'at e diesmo, e colwal to ta'wb'il eyu'uj, yet' eyofrenda ton̈j tz'el 'a e c'ojl eya'ni. An̈jtona pax no sb'ab'l 'une e wacax yet' e calnelu, yowlal tzeyij 'at 'a jun lugar cha.

Dt 32:14

Til wal lech yet' queso 'oj yac' e wacax. 'Oj e chi no quelm calnelu, no mam calnelu, yet' no chiwo 'ay 'a Basán. 'Oj e wa 'ixm trigo caw wach', ax eyu'n yal uva.

Dt 8:8

A lum lum cha, caw wal yelb' trigo, cebada, uva, higo, granado, olivo, 'ay pax no yal chab' ta'.

A Ch'an̈ B'ab'el Libro Samuel 9:4

'Ix 'at Saúl cha, ata xc'och 'a lum jolmctac witz yic eb' yin̈tl Efraín. 'Ix c'axw 'ec' 'a yol yic Salisá, palta ma'ix 'ilchj e no yu'uj. 'Ix c'ochx eb' 'a yol yic lum Saalim, may pax e no ta'. Xlajw cha, 'ix 'atxi axta xc'ochx 'a yol yic eb' yin̈tl Benjamín, may pax e no 'ayc' ta'.

A Ch'an̈ B'ab'el Libro Samuel 9:7

—'Ix yaln Saúl 'ixtic: Toto tzon̈ 'ati, ¿tas pax jac tzcac' 'a winac? Man̈x 'a xon jac tas tzqui c'ux 'ay 'a yol qui pa, may jac tas wach' ca'n 'a win schecb' Dios cha, xchi.