A Ch'an̈ Schab'il Libro Yic Yab'ixal Eb' Rey 4:38 - Chuj San Sebastian Bible

³⁸ 'Ix 'at Eliseo 'a Gilgal, yic caw ow ya'n jun niwquil wejl 'a jun chon̈b' cha, ax eb' schecb' Dios 'ayc' eb' yet'oc, yuj cha, 'ix yaln 'a jun schecb' chi 'ixtic: 'Ac' q'ue junc niwquil chen 'a yib'n̈ c'ac', tza b'on tas tzc'ux eb' schecb' Dios tic, xchi.

Chuj San Mateo Bible

³⁸ Ix lajvi chi', ix meltzajxi vin̈aj Eliseo chi' d'a Gilgal ayic te ayem jun nivan vejel d'a yol yic Israel. A junel molanoch eb' vin̈ schecab' Dios d'a stz'ey vin̈aj Eliseo chi', ix yalan vin̈ d'a vin̈ schecab' icha tic: Ac'q'ue junoc nivan chen d'a yib'an̈ c'ac', tza b'oan svael eb' vin̈ schecab' Dios tic, xchi vin̈.

A Ch'an̈ Schab'il Libro Yic Yab'ixal Eb' Rey 4:38 ပူးပေါင်းရင်းမြစ်များ

Gn 25:29

'Ay jun c'ual, wan sb'on win Jacob tas tzc'uxu, yic xjaw win Esaú b'eyc'oc 'a b'esan, caw wal c'unb'nac winac.

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

A Ch'an̈ Schab'il Libro Yic Yab'ixal Eb' Rey 2:1

A yic jab'xoj sc'och sc'ul yijx 'at Elías yuj Jehová 'a satchan̈ 'a scal jun chacxuxm'ic', a yic cha, 'ix cot win yet' Eliseo 'a Gilgal.

A Ch'an̈ Schab'il Libro Yic Yab'ixal Eb' Rey 2:3

'Ix 'elt eb' schecb' Dios 'ay 'a Bet-el cha, yic tzwul schaxoc eb', 'ix yaln eb' 'a Eliseo 'ixtic: —¿Ojc ama to 'oj yi'l Jehová win a cuymal tic 'a a tz'ey ticnec? xchi eb' 'a 'a. —N', wojc xo, man̈ eyal 'ayin, xchi.

A Ch'an̈ Schab'il Libro Yic Yab'ixal Eb' Rey 4:1

'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic: —A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.

A Ch'an̈ Schab'il Libro Yic Yab'ixal Eb' Rey 4:39

'Ix 'at jun 'a eb' sayj 'itaj, 'ix 'ilchj jun te calte'al 'itj yu'uj, lajn yilx te 'icha te q'uixtan, 'ay sat te', 'ix ch'inn cot sat te cha, 'ix yi'n cot 'a yol spotil. A yic 'ix jawi, 'ix scotc tzu'n 'at 'a yol jun schenl schib'l wa'il, palta man̈ yojcoc tas jun cha.

A Ch'an̈ Schab'il Libro Yic Yab'ixal Eb' Rey 8:1

Yaljnac Eliseo 'ixtc 'a 'ix pitzwnac pax yune': Q'uen̈ wa'an, 'ixc cajn 'a junc xo lugar yet' eb' cajn 'a atut, yujto tox 'ix yal Jehová to 'oj ya' cot jun niwquil wejl 'a yib'n̈ jun chon̈b' tic, uque ab'il 'oj yac'a', xchi 'a 'ix.

Job 30:4

Tzlaj sayn eb' slo te 'itj caw c'a 'a scal waymtac; tzlaj saync eb' sc'ux yib' te meslab'.

Pr 8:34

Caw wach' yic eb' tzchan 'ab'nc paxti yic jelnal.

Ez 11:3

Tzyaln eb' 'ixtic: An̈ec tic jab'xoj 'oj laj qui b'oc pax catut. A qui chon̈b'ec tic, lajn 'icha junc chen, an̈ec xo tic, lajn on̈c 'icha no chib'j tz'em 'a yojol, yujto colchjnacn̈ec xo 'eli, xchi eb'.

Ez 11:7

Yuj cha, tzwaln an Jehová in 'ixtic: A chon̈b' Jerusalén, lajn wal 'icha junc lum chen. Ax jun chib'j cha, atn eb' 'anma tze milcn 'a yoltc caye, yuj cha, an 'oj ex wic' 'elt 'a yol jun chon̈b' tic.

Ez 14:13

Ach 'anma', a yic tz'och smul junc chon̈b'al 'anma 'ayin, tz'och jun chon̈b' chi tenmtacl 'ayin, an xo 'oj wac' jawc yailal 'a yib'n̈ jun chon̈b' cha. Man̈x 'oj yac' lum lum sb'a'al, ax sjaw wejl 'a jun chon̈b' cha, 'ixta 'oj 'aj scham eb' 'anma', yet' no noc'.

Ez 24:3

Alcn 'el jun 'ab'x tic 'a ch'oxnb'ilal, tzaln 'a jun chon̈b' tenmtac tic 'ixtic: 'Ixtc wal xyutj Jehová Cajlil yaln 'ayin: 'Ac' q'ue junc chen 'a yib'n̈ c'ac', tza'n 'ejm a 'a yojol.

Lv 26:26

Ya' sb'a macnex yic tze coln e b'a 'a yol e chon̈b' cha, a yic cha, 'oj wic' 'emt yoc e wa'i. Lajn̈e n̈al eb' 'ix 'ix 'oj b'onc tas tzc'ux 'a junc c'aq'uil. Yechl xoj 'oj 'aj yajx tas tze c'uxu. 'Oj cob' e wa'i, palta ma'oj e b'ut'ji.

Am 7:14

'Ix ta'w Amós 'a win 'ixtic: —An tic, man̈ schecb'oc Dios waji, matz in nib'j pax 'ixta tzin b'o'o. An tic, cajm in noc', si'm in sat calte'al higo, wach'n̈j yilchj tas tzin c'uxu.

Mr 6:37

—Ax 'oj eyac' wa eb', xchi Jesús 'a eb' scuywum cha. —¿Tom 'oj stac' qui 'at qui man chab'oc ciente denario pan on̈, ax ca'n wa eb' on̈? xchi eb'.

Lc 10:39

'Ay jun 'ix snul'j Marta cha, María sb'i. 'Ix 'em wocn 'ix 'a stz'ey yoc Jesús, yic tz'ab'xni 'ix 'a tas tzyala.

Lc 2:46

At 'a yoxl c'u 'ix 'ilchj yuj eb' 'a yamq'uil yatut Dios. Wocn 'ejm yet' eb' cuywjum 'a ley yic Moisés. Wan yab'xni 'a eb', tzc'anb'n pax jun tzo'n̈ tas 'a eb'.

Lc 4:25

Tze na cot yab'xil win Elías pecti', chajtl 'e'nac. Nan̈l schan̈l ab'il man̈xtoc ya'jnac n̈ab', caw niwn wejl jawnc 'a yib'n̈ eb' 'anma smasnil. A 'a jun tiempoal cha, til wal eb' 'ix quit israelal chamnc yichmil,

Lc 8:35

Yuj cha, x'at laj yilnc eb' 'anma', tas jun chi 'ix uj cha. Ax yic xjaw eb' 'a 'aj 'ayc' Jesús cha, 'ix yiln eb', to a win 'aj 'elnc ewin demonio cha, wocn 'ec' ta'. 'Ayx 'och spichul, caw wach'x sc'ojol. Yuj cha, xcaw xiw eb'.

Lc 8:38

Ax win 'aj 'elnc ewin demonio cha, 'ix tew 'och cob' win 'a Jesús, yujto tznib'j win tz'at yet'oc. Palta ma'ix chax 'at win yu'uj. 'Ix yaln 'a winac, to tzcan win 'a jun lugar cha.

Lc 9:13

Palta xyaln pax Jesús 'a eb' 'ixtic: —'A'c wa eb' ax tic, xchi 'a eb'. —Palta cojn o'e pan quet' on̈, yet' chac'otn̈ chay. ¿Tom 'oj 'at qui man yic eb' 'anma tic smasnil on̈? xchi eb' 'a 'a.

Jn 21:5

'Ix yaln 'at 'a eb' 'ixtic: —Ex winac, ¿'ay am no 'ix yamchj eyu'uj? xchi 'a eb'. —Ma'ay, toxn man̈ junoc, xchi eb' 'a 'a.

Jn 21:9

Ax 'ix 'elt eb', 'ix yiln eb' 'aych jun c'ac' yet' 'ac'al. 'Ayb't jun chay 'a yib'an̈. 'Ayc' pax jun tzo'n̈ pan 'a stz'ey.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 15:36

Ax yic x'ec' jaye xo c'u, 'ix yaln Pablo 'a Bernabé 'ixtic: —Con̈, 'at quilx eb' creyente 'a junjn chon̈b' 'ajtc laj 'ec' caljnac 'el spaxti Cajlil, yic tz'at quila', toto an̈ja te'n eb', xchi Pablo.

A Tas Sc'ulejnac Eb' Schecab' Jesús Hechos 22:3

An tic, israel in eyet'oc. 'Aljnacn 'a chon̈b' Tarso, 'a yol yic Cilicia. Palta a 'a Jerusalén tic in q'uib' cha'an̈. Atn Gamaliel in cuyni. Caw in scuy wal 'a ley yic eb' qui mam quichmec si'mb'il. Caw tzwac' servil Dios 'a smasnil in c'ojol, 'icha tzeyutj e b'a e masnil ticnec.

A Ch'an̈ B'ab'el Libro Samuel 19:20

'ix schecn 'at eb' soldado cha, yic tz'at yi'nc eb' David. Ax yic xc'och eb', 'ix yiln eb' jun tzo'n̈ eb' schecb' Dios, wan yaln 'el eb' spaxti Dios cha, ax Samuel a tzjucb'tzan eb'. Yajn̈j wal cha, 'ix 'och Yespíritu Dios 'a eb' soldado cha, syamn 'och eb' yal-l spaxti Dios.