A Ch'an̈ Schab'il Libro Yic Yab'ixal Eb' Rey 4:35 - Chuj San Sebastian Bible

³⁵ Xlajw cha, 'ix 'el Eliseo 'a yib'an̈, 'ix b'eyc' 'a yol n̈a cha, 'ix 'atx pacn 'a yib'n̈ jun 'unn chi jun 'ejm xo. Ax jun 'unn cha, uc 'ejm 'ix 'at'isjwji, 'ixta to b'i'an 'ix 'el 'a sat.

Chuj San Mateo Bible

³⁵ Ix el vin̈ d'a yib'an̈ vin̈ unin chi', ix ec' b'esesoc vin̈ d'a yol pat chi'. Ix lajvi chi' ix q'uex lachan vin̈ d'a yib'an̈ vin̈ unin chi' icha d'a sb'ab'elal. Axo ix aj jun, uquel ix ad'isvi vin̈ unin chi', ichato chi' ix elta q'uelan vin̈.

A Ch'an̈ Schab'il Libro Yic Yab'ixal Eb' Rey 4:35 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 17:21

'Ox 'ejm yamn x'at lachn 'a yib'n̈ win 'unn cha, 'ix yaln 'ixtc 'a slesal: Mamin Jehová in Diosal ach, tzin tew wal 'ayach, comnoc tzac' pitzwc win 'unn tic, xchi.

A Ch'an̈ B'ab'el Libro Yic Yab'ixal Eb' Rey 17:22

'Ix yab' Jehová tas xyal Elías cha, 'ix 'ochx yic' win 'unn cha, 'ix pitzw pax winac.

A Ch'an̈ B'ab'el Libro Yic Yab'ixal Eb' Rey 18:43

'Ix yaln 'ixtc 'a win schecb' ajun yet'oc: —'Ixc 'a lum jolm witz, tzach 'at q'ueln 'a yib'n̈ 'a mar, xchi. 'Ix 'at winac, 'ix 'at q'ueln win 'a yib'n̈ a mar cha, xlajw cha, xyaln 'a win Elías 'ixtic: —May xon jac tas xwila, xchi winac. Uc 'ejm xyal Elías chi 'a winac to tz'at yila'.

A Ch'an̈ Schab'il Libro Yic Yab'ixal Eb' Rey 13:21

A yic jun 'el, 'ix 'at jun tzo'n̈ eb' israel smuc jun chamnc 'anma'. A yic wan sc'och eb' yet' 'aj tzmucx cha, 'ix yiln eb' sjaw nan̈l eb' moabita 'elc'al, yuj cha, toxn̈ej 'ix sb'al 'a'j 'och eb' jun chamnc chi 'aj mucn Eliseo, xlajw cha, 'ix 'at eb'. A yic 'ix c'och tennjoc jun chamnc chi 'a sb'acl Eliseo, 'ix pitzw pax jun cha, 'ix q'ue lin̈njoc.

A Ch'an̈ Schab'il Libro Yic Yab'ixal Eb' Rey 4:36

Xlajw cha, 'ix yawtn cot Eliseo win Giezi, 'ix yaln 'ixtic: —'Awtj cot 'ix sunamita cha, xchi. 'Ix 'at yawtn cot win 'ix, ax yic xc'och 'ix 'a 'aj 'ayc' Eliseo cha, 'ix yaln 'a 'ix 'ixtic: —Yaj win one tic, xchi Eliseo.

A Ch'an̈ Schab'il Libro Yic Yab'ixal Eb' Rey 5:10

Xlajw cha, schecn 'at Eliseo schecb' 'a Naamán yic tz'at alxc 'a 'ixtic: 'Ixc 'at b'icl a b'a uc 'ejmoc 'a a Jordán, ax sb'ox can a niwnal cha, xchi.

A Ch'an̈ Schab'il Libro Yic Yab'ixal Eb' Rey 5:14

Xlajw cha, 'ix 'at Naamán, uc 'ejm 'ix 'ejm 'a yojl a Jordán, 'icha 'ix yutj Eliseo yalni. 'Ix b'ox can sniwnal, 'icha wal sniwnal junc quelm 'unin, caw sac 'ix 'ajcni.

A Ch'an̈ Schab'il Libro Yic Yab'ixal Eb' Rey 8:1

Yaljnac Eliseo 'ixtc 'a 'ix pitzwnac pax yune': Q'uen̈ wa'an, 'ixc cajn 'a junc xo lugar yet' eb' cajn 'a atut, yujto tox 'ix yal Jehová to 'oj ya' cot jun niwquil wejl 'a yib'n̈ jun chon̈b' tic, uque ab'il 'oj yac'a', xchi 'a 'ix.

A Ch'an̈ Schab'il Libro Yic Yab'ixal Eb' Rey 8:5

Ya' sb'a wanto yaln Guiezi chi yab'xil tas 'ix yutj Eliseo ya'n pitzwc pax yune jun 'ix 'ix cha, 'ix jaw 'ix wul sc'an yatut yet' slu'um. Yuj cha, 'ix yaln Guiezi 'a win rey 'ixtic. —Mamin rey, atn jun 'ix tic tzwala, atn pax jun yune 'ix tic ya'jnac pitzwc Eliseo, xchi.

Lc 8:55

Yajn̈j cha, 'ix pitzw pax 'ix yu'uj, 'ix q'ue wan 'ix. Yuj cha, xyaln Jesús to tz'ajx wa 'ix.

A Tas Sc'ulejnac Eb' Schecab' Jesús Hechos 9:40

Ax Pedro cha, 'ix checn 'emt eb' smasnil. Xlajw cha, x'em cuman, 'ix leslwi. 'Ix 'och q'ueln 'a 'ix Dorcas cha, 'ix yaln 'a 'ix 'ixtic. —Tabita, tzwal 'ayach, q'uen̈ wa'an, xchi 'a 'ix.