A Ch'an̈ Schab'il Libro Yic Yab'ixal Eb' Rey 4:26 - Chuj San Sebastian Bible

²⁶ Tzin tew 'ayach, 'ixc 'at chaj 'ix, carela a 'ati, tzlajw cha, tza c'anb'n 'a 'a, wach'm a c'ojol, wach'm sc'ojl win echmil, wach'm pax sc'ojl win a yune 'unin, xa chi 'a 'ix, xchi Eliseo 'a winac. 'Ixtnta 'ix yutj win Giezi yaln 'a 'ix. 'Ix yaln 'ix chajtlto wach'n̈ej.

Chuj San Mateo Bible

²⁶ Ixic b'at cha ix, tza c'anb'an d'a ix tato vach' sc'ol ix yed' vin̈ yetb'eyum yed' vin̈ nene' unin, xchi vin̈. Ix b'at vin̈ scha ix. Ix sc'anb'an vin̈ d'a ix, ix yalan ix to vach' sc'ol eb'.

A Ch'an̈ Schab'il Libro Yic Yab'ixal Eb' Rey 4:26 ပူးပေါင်းရင်းမြစ်များ

Gn 29:6

—¿Wach'm sc'ojl win tzeyila? xchi. —N', wach' sc'ojol. 'Ilt sjaw 'ix Raquel 'ix yisl winac, ax 'ix tzjaw yet' scalnelu cha, xchi ewinac.

Gn 37:14

—Wach' tzach 'ati, 'at 'ilto tas yaj eco, yet' e no calnelu cha, toto wach' e no', tzlajw cha, tzach meltzj muc'uc yic tzwul alnc wab'i', xchi winac. Xchecn 'at Israel win José 'a lum span̈nil Hebrón. Ax yic xc'och José 'a yol yic Siquem,

Gn 43:27

Xlajw cha, sc'anb'n José 'a eb', toto tzaljc'ojlal yaj eb', xyaln 'ixtc 'a eb': ¿Wach'm sc'ojl e mam chi jun, win 'ichm winc eyaljnac 'ayin? ¿Pitzn to am winac? xchi 'a eb'.

A Ch'an̈ Schab'l Libro Samuel 18:29

—¿Wach' am sc'ojl win quelm Absalón 'ix ela? xchi win rey cha. —A yic in schecn cot Joab, win a checab', toxn̈ej tzsomlji eb' 'anma xwila, yuj cha, man̈ wojcoc tas 'ix uji, xchi win Ahimaas cha.

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

A Ch'an̈ Schab'il Libro Yic Yab'ixal Eb' Rey 4:25

'Ixta x'aj 'ix sati, masnto 'ix c'och 'ix 'a lum jolm witz yic Carmelo, 'a 'aj 'ayc' win schecb' Dios cha. Najtto 'ay 'ix, xyiln 'at win Eliseo 'ix, 'ix yaln 'a win Giezi chi 'ixtic: —'Ilto, 'in a 'ix sunamita tzjawi.

A Ch'an̈ Schab'il Libro Yic Yab'ixal Eb' Rey 4:27

Yajn̈ej 'ix c'och 'ix mu'c 'a 'aj 'ayc' Eliseo win schecb' Dios 'a lum jolm witz cha, 'ix 'och la'njoc 'ix 'a yoc winac. 'Ix 'och yamn Giezi 'a 'ix yic tzyi'n 'eli, palta ax win schecb' Dios cha, 'ix yaln win 'ixtic: —Yilx 'ix, yujto cusc'ojlal yaj 'ix, mantzac yal Jehová 'ayin tas yuj 'ix cot 'ix, xchi winac.

A Ch'an̈ Schab'il Libro Yic Yab'ixal Eb' Rey 5:22

'Ix ta'w Giezi 'ixtic: —Ma'ay, wach'n̈j yaji. A win wajlil tzin checn wul wal 'ayach: At wal sjaw chawn̈ eb' quelmtac winc schecb' Dios tic 'ayin, ata 'ix cot eb' 'a eb' lum jolmctac witz 'a yol yic Efraín, tzin tew 'ayach to tzac' 'oxe'oc mil q'uen tumn plata 'ayin, yet' chab'oc mojn 'a't pichul, xchi winac, xchi 'a 'a.

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Zacarías 2:4

'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.

A Tas Sc'ulejnac Eb' Schecab' Jesús Hechos 15:36

Ax yic x'ec' jaye xo c'u, 'ix yaln Pablo 'a Bernabé 'ixtic: —Con̈, 'at quilx eb' creyente 'a junjn chon̈b' 'ajtc laj 'ec' caljnac 'el spaxti Cajlil, yic tz'at quila', toto an̈ja te'n eb', xchi Pablo.

A Ch'an̈ B'ab'el Libro Samuel 17:18

Tze'n 'at pax lajn̈ec no queso tic 'a win scapitan̈il eb' soldado cha. Tzelni toto wach' sc'ojl eco o'tac cha. Tzlajw cha, tze'n cot junc tas tzch'oxni, toto yel wach' sc'ojl eco, xchi.

A Ch'an̈ B'ab'el Libro Samuel 3:18

'Ix yaln Samuel smasnil tas 'ix alx chi 'a 'a, may tas 'ix sc'ub'j can 'eli. Yuj cha, xyaln Elí 'ixtc 'a 'a: —Atn ton wal Jehová 'ix alni, sb'o cab' 'icha tas tznib'ej, xchi.