A Ch'an̈ Schab'il Libro Yic Yab'ixal Eb' Rey 4:16 - Chuj San Sebastian Bible

¹⁶ Xlajw cha, 'ix yaln Eliseo 'a 'ix 'ixtic: —Yab'n 'ixtc junab', mec'b'ilx chan̈ junc one o'oj, xchi 'a 'ix. —May mamin, ach schecb' Dios, man̈ ach b'uchwjoc 'ayin, xchi 'ix.

Chuj San Mateo Bible

¹⁶ Ix yalan vin̈aj Eliseo chi' d'a ix: —Yab' val icha tic junab', chelb'ilxo q'ue junoc une' uuj, xchi vin̈ d'a ix. Ix yalan ix icha tic: —Maay mamin, ach schecab' Dios, man̈ ach b'uchvaj d'ayin, xchi ix.

A Ch'an̈ Schab'il Libro Yic Yab'ixal Eb' Rey 4:16 ပူးပေါင်းရင်းမြစ်များ

Gn 17:21

A pax in trato 'ix wac' eyet'oc, 'oj 'el'choc yet' win Isaac, win onnal 'oj 'aljoc 'a 'ix Sara yab'n 'ixtc junab', xchi 'a Abraham.

Gn 18:10

Xlajw cha, xta'w jun 'a scal eb' 'oxwn̈ chi 'ixtic: —Yab'n 'ixtc wal junab', 'oj in jaw pax jun 'ejm xo wul ach wila', 'oj 'aljoc yune 'ix estzil cha, winc 'unn jun 'unn cha, xchi 'a Abraham. Ax 'ix Sara cha, ton̈j tz'ab'xni 'ix 'a tas tzalx cha, ata 'ayc' 'ix 'a spatc 'och Abraham 'a yol 'och sti smantiado eb'.

A Ch'an̈ B'ab'el Libro Yic Yab'ixal Eb' Rey 17:18

Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.

A Ch'an̈ B'ab'el Libro Yic Yab'ixal Eb' Rey 17:24

—A ticnec b'i'an, 'ix wojquej 'eli to yel schecb' ach Dios. A spaxti Jehová tzal-li, caw tz'el'chn̈ej eb', xchi 'ix 'a winac.

A Ch'an̈ B'ab'el Libro Yic Yab'ixal Eb' Rey 18:9

'Ix ta'w win Abdías chi 'ixtc 'a 'a: —¿Tas wal x'och in mulc 'aych mamin, yuj cha, tzin a'n 'och an a checb' in tic 'a yol sc'ab' win Acab, yic tzin smiln chamoc?

A Ch'an̈ Schab'il Libro Yic Yab'ixal Eb' Rey 2:19

'Ix yaln eb' 'anma cajn 'a jun chon̈b' chi 'a Eliseo 'ixtic: —'Ilto, a jun lugar 'aj 'ay jun chon̈b' tic caw wach', 'in tzel quet'oc, palta may tas tz'el 'a sat qui lu'um, yujto man̈ wach'c a a 'ay 'a 'a, xchi eb'.

A Ch'an̈ Schab'il Libro Yic Yab'ixal Eb' Rey 4:15

—'Awtj cot pax 'ix, xchi Eliseo. 'Ix 'at win checb' chi 'at yawtc cot 'ix jun 'ejm xo, 'ix jaw lin̈n 'ix 'a sti puerta.

A Ch'an̈ Schab'il Libro Yic Yab'ixal Eb' Rey 4:17

Palta scuch chan̈ 'ix yune', ax 'a junx ab'il cha, 'ix 'alj yune 'ix, 'icha 'ix yutj Eliseo yalni.

A Ch'an̈ Schab'il Libro Yic Yab'ixal Eb' Rey 4:28

Yuj cha, 'ix yaln 'ix 'ixtic: —Mamin, ¿tom an 'ix in c'an 'ayach to tz'alj junc wune'? ¿Tom ma'ix wal 'ayach to matz ach b'uchwj 'ayin? xchi 'ix.

Salmos 116:11

Yuj cha, 'a sji'lti'al xwalni to smasnil 'anma', 'a'm 'es eb'.

Lc 1:13

Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.