A Ch'an̈ Schab'il Libro Yic Yab'ixal Eb' Rey 4:13 - Chuj San Sebastian Bible

¹³ 'Ix yaln Eliseo 'a Giezi, to tzyal 'ixtc 'a 'ix: Wach' xotj a ch'oxn 'el a wach' nab'enal 'ayon̈, ¿tas tza nib'j tzqui b'o 'ayach? ¿Tzyal am a c'ojl tzon̈ paxtin yet' win rey mto yet' win syajlil eb' soldado o'oj? xa chi 'a 'ix, xchi Eliseo 'a winac. —Wach' waj 'a yol in chon̈b' tic, xchi 'ix 'a win checb' cha, 'ix pax 'ix.

Chuj San Mateo Bible

¹³ —C'anb'ej d'a ix tas snib'ej sc'ol ix, yujto te vach' syutej sc'ol ix d'ayon̈. Tato syal sc'ol ix syal tzon̈ lolon yed' vin̈ rey yuj ix, ma yed' eb' yajalil eb' soldado, xchi vin̈. Ix yalan ix: —Maay, vach' vaj d'a yol in chon̈ab' tic, xchi ix d'a vin̈ checab' chi'. Ix lajvi chi', ix pax ix.

A Ch'an̈ Schab'il Libro Yic Yab'ixal Eb' Rey 4:13 ပူးပေါင်းရင်းမြစ်များ

Gn 14:24

May tas x'at wi'cn 'ec' tzin nib'j wico'oc, cojn tas 'ix sc'ux ewin in checab'. Ax ewin xit'c wet' tic, atn Aner, Escol, yet' pax Mamre, a ewin tic, 'oj scha ewin yico', xchi Abram.

A Ch'an̈ Schab'l Libro Samuel 19:13

'Ix yal David cha, to tz'at alxc 'a win Amasa 'ixtic: Ach tic, quicanto qui b'a et'oc, yuj cha, a yic 'oj b'ey 'a cojltac tic, ach tzach 'och syajlilc eb' in soldado sjelc Joab. Toto matz tz'el'ch tas tzwal tic, jaw cab' yailal 'a wib'n̈ yuj Dios, xchi David cha.

A Ch'an̈ B'ab'el Libro Yic Yab'ixal Eb' Rey 2:32

'Och cab' smulc yuj Jehová, yujto man̈ yojcoc in mam, atn David, yic 'ix smiln cham win Joab chi win Abner yunnal Ner, sgeneralil eb' soldado israel, yet' pax Amasa yunnal Jeter, sgeneralil eb' soldado Judá. A eb' chawn̈ cha, caw wach' eb', yiclum eb'.

A Ch'an̈ Schab'il Libro Yic Yab'ixal Eb' Rey 4:12

Xlajw cha, 'ix yaln Eliseo 'ixtc 'a jun schecb' cha: —'Awtj cot 'ix sunamita cha, xchi. A yic 'ix 'awtx cot 'ix, xjaw 'ix.

A Ch'an̈ Schab'il Libro Yic Yab'ixal Eb' Rey 4:14

Xlajw cha, 'ix yaln pax Eliseo 'ixtc 'a Giezi: ¿Tas wal wach' tzqui b'o 'a 'ix tzyal cha? xchi. —Matz nachj 'el wu'uj. Palta a tzwila to may yune 'ix, 'ichm winc xo pax yichmil 'ix, xchi Giezi cha.

A Ch'an̈ Schab'il Libro Yic Yab'ixal Eb' Rey 8:1

Yaljnac Eliseo 'ixtc 'a 'ix pitzwnac pax yune': Q'uen̈ wa'an, 'ixc cajn 'a junc xo lugar yet' eb' cajn 'a atut, yujto tox 'ix yal Jehová to 'oj ya' cot jun niwquil wejl 'a yib'n̈ jun chon̈b' tic, uque ab'il 'oj yac'a', xchi 'a 'ix.

A Ch'an̈ Schab'il Libro Yic Yab'ixal Eb' Rey 9:5

A yic 'ix c'och ta', wocn 'ejm smasnil eb' scapitan̈il eb' soldado. Xlajw cha, 'ix yaln 'ixtic: —'Ay wal jab' tas tzin nib'j tzwal 'aych ach in capitan̈, xchi win quelm cha. —¿Mach junc on̈ 'aj 'oj a paxtin cha? xchi Jehú. Atn 'aych ach in capitan̈, xchi 'a Jehú cha.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Ro 16:2

Wach' tzeyutj e chan sc'och ta', yujto yic xo Cajlil 'ix quet'ec. Yujto an̈ creyente on̈c tic, smoj 'ixta tzcutjec qui chan eb' quit creyenteal tzlaj 'ec' 'ayon̈. Caw tzex colwj 'a 'ix yuj tastc 'ay tz'och yu'uj, yujto til wal mach 'aj tzlaj colwj 'ix. An̈jtona', 'ix colwj pax 'ix 'ayin.

Ro 16:6

Tzwa'n pax 'at stzatzl sc'ojl María, jun caw xmunlj 'a e cal.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.