A Ch'an̈ Schab'il Libro Yic Yab'ixal Eb' Rey 3:11 - Chuj San Sebastian Bible

¹¹ 'Ix yaln Josafat 'ixtic: —¿May am junc schecb' Jehová 'ayc' 'a tic, yic tzc'anb'n 'a Jehová cujec? xchi. 'Ix ta'w jun 'a eb' soldado sreyl chon̈b' Israel, 'ix yaln 'ixtic: —'Ayc' Eliseo 'a tic, win yunnal Safat, atn win 'ochnc schecb'oc Elías 'a yic yaln̈taxi, xchi.

Chuj San Mateo Bible

¹¹ Ix yalan vin̈aj Josafat chi' icha tic: —¿Mama junoc vin̈ schecab' Jehová ayec' d'a tic yic vach' sc'anb'ej vin̈ d'a Jehová cuuj? xchi vin̈. Ay jun vin̈ yajal soldado yaj d'a vin̈ sreyal Israel chi' ix tac'vi icha tic: —A d'a tic ayec' vin̈aj Eliseo yuninal vin̈aj Safat. Aton vin̈ schecab'can vin̈aj Elías, xchi vin̈.

A Ch'an̈ Schab'il Libro Yic Yab'ixal Eb' Rey 3:11 ပူးပေါင်းရင်းမြစ်များ

Gn 18:4

Tan̈wjec, tic tzin 'at wala', sec tz'ijx cot jac eya'al, yic tze b'icn 'el eyoc, 'iljan̈c 'a yich te te tic b'ela.

A Ch'an̈ B'ab'el Libro Yic Yab'ixal Eb' Rey 19:21

Ax yic xjapxi, 'ix smiln chawn̈ no wacx cha, stzu'n 'at te te jalb'il q'ue 'a scal sch'ac no wacx cha, axta 'ix sb'ol no chib'j cha, 'ix ya'n wa eb' smunljum cha. Xlajw cha, 'ix 'och tza'n yuj Elías yic tzya'n servil.

A Ch'an̈ B'ab'el Libro Yic Yab'ixal Eb' Rey 22:7

'Ix sc'anb'n win Josafat 'ixtc 'a winac: —¿Tom may wal junc win schecb' Jehová 'aj wach' qui c'anb'n jun tic? xchi winac.

A Ch'an̈ Schab'il Libro Yic Yab'ixal Eb' Rey 2:25

Xlajw cha, 'ix 'at Eliseo 'a lum jolm witz yic Carmelo, 'ix pax 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 3:10

Xlajw cha, 'ix yaln win sreyl chon̈b' Israel 'ixtic: —A ticnec, 'icha to on̈ smolb'tzejc Jehová an̈ 'oxwn̈ rey on̈c tic, yic tzon̈ ya'nec 'och 'a yol sc'ab' eb' moabita, xchi.

A Ch'an̈ Schab'il Libro Yic Yab'ixal Eb' Rey 3:12

'Ix yaln Josafat 'ixtic: A win cha a spaxti Jehová tzyal winac, xchi. 'Ix 'at sreyl chon̈b' Israel yet' Josafat, yet' pax sreyl chon̈b' Edom yic tz'at yilnc eb' Eliseo.

A Ch'an̈ Schab'il Libro Yic Yab'ixal Eb' Rey 3:3

Wach'xam 'ixta', palta 'ix sb'eylb'ejn̈ej smaysch'olnilal win Jeroboam yunnal Nabat, atn jun xjucb'tzan eb' yit israelal 'a maysch'olnil, yic 'ix y'an yajlil.

1 Cr 10:13

'Ixta 'ix 'aj scham Saúl yuj smaysch'olnilal. 'Ix 'och smul yujto ma'ix syiclj schecnb'il Jehová. An̈jtona', a pax 'a jun 'ix 'ix tzc'umn spixn eb' chamnc 'anma', ata xit' sc'anb'c snab'en, man̈oc 'a Jehová sc'anb'ej. Yuj cha, 'ix smiln chamoc, ax 'a David yunnal Isaí, ata 'ix 'ajx can jun yopiso Saúl cha.

1 Cr 14:10

'Ix sc'anb'n David 'a Dios 'ixtic: —¿Tztac' am wa'n owl yet' eb' filisteo tic? ¿'Oj a'ch am eb' 'a yol in c'ab'? xchi. 'Ix ta'w Jehová 'a 'ixtic: —'Ac' owl yet' eb', yujto an 'oj wa'ch eb' 'a yol a c'ab', xchi.

1 Cr 14:14

yuj cha, 'ix sc'anb'n pax David jun 'ejm xo 'a Dios. 'Ix ta'w Dios 'a 'ixtic: —Man̈x ex 'eltc 'a sat eb', palta to tzex 'och oyn 'a eb', sec wach' 'oj e jaw 'a spatquil eb'. Ata tzex 'elt eyac' owl yet' eb' 'a 'aj 'ay eb' te bálsamo.

1 Cr 15:13

Yujto a 'a b'ab'el, man̈oc ex 'ijnac cot te', yuj cha, 'ix smiln cham Jehová qui Diosalec jun 'a eb' quitb'eymec cha, yujto ma'ix qui c'anb'j cab' 'a 'a, tas wach' xqui b'o'ec, xchi.

2 Cr 18:6

Palta xyaln Josafat 'ixtc pax 'a winac: —¿Tom may junc schecb' Jehová 'ay 'a tic yic tzqui c'anb'n 'a 'a? xchi.

Salmos 74:9

Man̈x 'aj wach' quiln junc senya, man̈x 'a junc a checab', mant cojcoc pax on̈, jantcto tiempo 'oj yac' jun tic.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.

Am 3:7

An̈jtona', toto 'ay tas tzb'o Jehová Dios, yowlal tzyalcn 'a eb' schecb' b'ab'el.

A Scarta San Pablo D'a Eb' Aj Filipos 2:22

Palta eyojc xoni, a Timoteo tic, checl xon yaj sb'eyb'al. 'Icha junc 'unnab'il yet' smam, 'ixta tzyutj sb'a 'ayin. Caw tzyac' servil Cajlil wet'oc, yic tzcaln 'el wach' 'ab'x yic colnb'il on̈.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

Josué 1:1

A yic tox xcham Moisés win schecb' Dios, ax 'a Josué win yunnal Nun, win colwjum 'a Moisés, ata xpaxtin pax Jehová, xyaln 'ixtic:

Josué 9:14

'Ix schan 'ec' eb' yajl yaj 'a eb' israel chi tas tzc'ux eb' winc cha, xyab'lni eb' muc'uc, yic tzch'oxn 'el eb' to tzb'o eb' jun trato cha, palta ma'ix sc'anb'j eb' 'a Jehová toto wach' chi tzb'o eb'.

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.