A Ch'an̈ Schab'il Libro Yic Yab'ixal Eb' Rey 25:1 - Chuj San Sebastian Bible

¹ Ax 'a yic slajn̈il xo c'u yic slajn̈il 'uj 'a yic sb'aln̈il ab'il xo yoch Sedequías reyal, 'ix jaw rey Nabucodonosor yet' smasnil soldado yac' owl 'a Jerusalén. 'Ix 'och oyn eb' 'a spatquil, sb'on chan̈ eb' scamplamento 'a yojltac chon̈b' cha, sb'on pax chan̈ eb' sb'achte 'a spatquil smuroal.

Chuj San Mateo Bible

¹ Ayic slajun̈il c'ual yoch slajun̈il uj, ayic sb'alun̈il ab'il yoch vin̈aj Sedequías reyal, ix javi vin̈aj rey Nabucodonosor yed' eb' vin̈ soldado yac' oval d'a Jerusalén. Ix oymaj eb' vin̈ d'a spatictac Jerusalén chi', ix sb'oanq'ue scampamento eb' vin̈ d'a spatictac, ix sb'oanq'ue stec'nub' eb' vin̈ d'a spatictac smuroal.

A Ch'an̈ Schab'il Libro Yic Yab'ixal Eb' Rey 25:1 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 24:1

A 'a yol stiempoal Joacim 'ix cot Nabucodonosor sreyl Babilonia yet' eb' soldado, yic tzya'n eb' owl yet'oc. 'Ix 'och 'a yol nacion̈ cha, ax Joacim 'oxe ab'il 'ix syiclj tas xyal win Nabucodonosor cha. Palta yajn̈ej sjeln snab'en, 'ix meltzj 'och 'ajc'ojlal 'a 'a.

A Ch'an̈ Schab'il Libro Yic Yab'ixal Eb' Rey 24:10

A 'a yic jun tiempoal cha, 'ix cot eb' soldado win Nabucodonosor sreyl Babilonia yac' owl 'a Jerusalén, 'ix 'och oyn eb' 'a jun chon̈b' cha.

A Ch'an̈ Schab'il Libro Yic Yab'ixal Eb' Rey 25:2

Oyb'il jun chon̈b' chi yuj eb', masnto yic yuxlchil ab'il yoch Sedequías reyal.

A Ch'an̈ Schab'il Libro Yic Yab'ixal Eb' Rey 25:8

Uque xo c'u yoch yol 'uj 'a yic sb'aln̈lajn̈il xo ab'il yoch Nabucodonosor reyl 'a Babilonia, 'ix jaw Nabuzaradán yet' eb' soldado 'a Jerusalén, sat yajl yaj yuj win rey cha, comandante pax yaj 'a eb' soldado tztan̈wni winac.

1 Cr 6:15

A Josadac cha, 'ix 'ijx 'at 'a 'icha presoal yet' eb' 'aj Judá yet' pax eb' 'aj Jerusalén yuj rey Nabucodonosor, yujto a Jehová 'ix 'a'n sb'o win rey chi 'ixta'.

2 Cr 36:11

A Sedequías 21 ab'il sq'uinal yic schan 'el yich ya'n reyal, uxlche ab'il xyac' reyl 'a Jerusalén.

Is 29:3

'Oj schecb't Dios eb' soldado yic tz'at yoync 'och sb'a eb' 'a Jerusalén, ax sb'on chan̈ eb' junc muro 'oj 'och oyn 'a spatquil 'eli, ax sb'on pax 'och eb' sb'achte'al, sec tztac' ya'n eb' owl 'a jun chon̈b' cha.

Jeremías 27:8

Toto 'ay junc nacion̈ chi ma'oj ya'ch sb'a 'a yaln̈ schecnb'il Nabucodonosor cha, an Jehová in, an tzwala, to 'oj wa'ch yailal 'a yib'an̈, atn owal, wejel, yet' yab'il, masnto 'oj satl eb' yu'uj.

Jeremías 32:1

A 'a yol yic slajn̈il ab'il xo yoch Sedequías reyl 'a chon̈b' Judá, ata 'ix paxtin Jehová 'ayn an Jeremías in tic, atn 'a yic swajxclan̈il xo ab'il yoch Nabucodonosor reyl 'a Babilonia.

Jeremías 32:2

A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 32:28

Yuj cha, an Jehová in, an tzwal 'ixtc 'ayach: An 'oj wac' 'ejmc jun chon̈b' tic yuj win Nabucodonosor sreyl eb' caldeo 'a Babilonia.

Jeremías 4:17

'Oj 'och oyn eb' 'a spatquil chon̈b' Jerusalén, 'icha yajch oyn eb' stan̈mal junc munljel 'ay 'a b'esan. An Jehová in, an tzwala, to 'ixta 'oj 'aj eb', yujto caw tenmtac xyutj sb'a eb' 'ayin.

Jeremías 43:10

Tzaln 'a eb' 'ixtic: A Jehová tztac' yuj smasnil, atn qui Diosalec an̈ israel on̈ec tic, a tzalni: 'Oj wi' cot in checb' Nabucodonosor sreyl Babilonia, ata oj wac' sb'o 'ejm sdespacho, ax wa'n sb'o q'ue smantiado yen̈loc 'a yib'n̈ jun tzo'n̈ q'uen 'ix 'a muccn 'ejm tic.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jeremías 51:34

A eb' 'aj Jerusalén yet' eb' 'aj chon̈b' Sión, tzyal eb' 'ixtic: A Nabucodonosor sreyl Babilonia, caw choc' on̈ yutjec on̈ satn 'eli, caw mesmni xyutj yol qui chon̈ab', 'icha junc 'uc'b' may sb'a'al. On̈ b'u'x 'ejm yu'uj, 'icha tzyac' junc no niwc noc' 'ay 'a yojl 'a mar. 'Ix yac' wal b'ut'joc sc'ojl yet' smasnil tas 'ay 'ayon̈, ax tas man̈x 'ic schaj sc'ojol, 'ix sjulcn 'eli. Stoj lajwc cab' eb' 'aj Babilonia 'icha wal smoj on̈ yutjec eb'. Stoj lajwc cab' eb' yuj eb' 'anma smiljnac eb' 'a qui calec, xchi cab' eb'.

Jeremías 52:1

A Sedequías junschawinquil ab'il sq'uinal yic yoch reyal, uxlche ab'il ya'jnac reyl 'a Jerusalén, Hamutal sb'i snun, yisl win Jeremías 'aj Libna.

Jeremías 6:3

'Ix jaw eb' rey yet' eb' soldado 'a jun chon̈b' cha, xoj sb'on chan̈ eb' scamplamento 'a spatquil 'eli. Junjn mach tzb'o 'ejm sb'a 'a 'aj tzcani.

Ez 21:14

Ach 'anma', al yab' eb' et chon̈b' cha, to 'ay tas 'oj jawc 'a yib'n̈ eb'. Poc' a c'ab' yil eb', yujto caw wal 'ay smay jun espada cha, yel xo wal 'oj cot yowl jun chi smilwj yet' q'ue'en, tzanxn̈ej 'ajtil 'oj 'och chaml yuj q'ue'en.

Ez 26:7

An Jehová Yajl in, an tzwala: 'Oj wi' cot win Nabucodonosor 'a stojlal 'aj tzq'uel c'u, atn win sreyl Babilonia, win yel xo jeln 'a yib'n̈ jun tzo'n̈ xo eb' rey. 'Oj jawc win yac' owl et'oc. 'Oj yi' cot scaruaje, schej yet' pax smasnil eb' soldado winac.

Ez 40:1

A 'a yic 25 ab'il xo quijx cot 'icha presoal 'a Babilonia, 'a lajn̈e yoch b'ab'l 'uj, 'a yic schan̈lajn̈il xo ab'il yajx ganar chon̈b' Jerusalén, 'ix 'ochx spoder Jehová 'ayin. Ax Yespíritu 'ix 'a'n wila', 'icha to in yij 'at 'a Jerusalén cha. Axta in c'och yuj 'a sjolm jun tzalan. Ax xwilni, ata 'ay jun chon̈b' 'a stojlal sur, til wal n̈a 'a jun chon̈b' cha.

Zacarías 8:19

A c'ajb'c'ojlal tzeyac' 'a yic schan̈l 'uj, 'a yic yol 'uj, 'a yic yucl 'uj yet' 'a yic slajn̈il 'uj, 'oj meltzjoc can 'och jun tzo'n̈ chi 'a q'uin̈al, yet' 'a tzaljc'ojlalil 'a eb' yin̈tl Judá. Yuj cha, 'a'c 'och e b'a 'a stojlal yet' 'a junc'ojlal.

Dt 28:52

'Oj 'och oyn eb' 'ajc'ojl chi 'a spatc 'el e chon̈ab'. 'Oj yac' eb' owl eyet'oc, masnto 'oj lan̈chjoc 'ejm smuroal e chon̈b' chi yuj eb', yet' jun tzo'n̈ yet'l eb' soldado 'aych yipc e c'ojol. 'Oj yoy eb' smasnil chon̈b' 'ay 'a sat lum lum 'oj yac' Jehová qui Diosalec 'ayex.