A Ch'an̈ Schab'il Libro Yic Yab'ixal Eb' Rey 24:2 - Chuj San Sebastian Bible

² Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios.

Chuj San Mateo Bible

² Palta ix ac'jicot eb' soldado caldeo yuj Jehová, eb' soldado sirio, eb' soldado moabita yed' eb' soldado amonita yic sjavi eb' elc'al d'a Judá yic syixtanb'at eb', icha ix aj yalan eb' schecab' Jehová.

A Ch'an̈ Schab'il Libro Yic Yab'ixal Eb' Rey 24:2 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 20:17

'Oj jawc wal sc'ual, to a smasnil tas 'ay 'a a despacho, jantcn̈ej tas molb'il can yuj eb' a mam echam yet' eco, c'uxn 'oj 'ijxoc 'at smasnil 'a chon̈b' Babilonia.

A Ch'an̈ Schab'il Libro Yic Yab'ixal Eb' Rey 22:16

to a Jehová a tzaln 'ixtic: An 'oj wa' cot yailal 'a yib'n̈ eb' 'anma cajn 'a jun chon̈b' tic, atn tas tzyal ch'an̈ libro 'ix yawtj jun sreyl Judá cha.

A Ch'an̈ Schab'il Libro Yic Yab'ixal Eb' Rey 23:27

Yuj ton wal cha, 'ix yaln Jehová ixtic: 'Oj wi'l Judá 'a wojltac, 'icha wutjnac eb' israel. 'Oj in patquilc can 'el jun chon̈b' sic'b'il 'el wu'uj, atn Jerusalén yet' watut, jun waljnac yu'uj, to ata tz'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 6:23

Xlajw cha, 'ix b'o wal tas wach' sc'uxxi, 'ix wa eb', 'ix yu'n eb' tas xyuq'uej, xlajw cha, 'ix checx meltzjc eb' 'a syajlil. Ye'xn̈ej chi ta', man̈x 'a 'aj 'ix comn 'och eb' soldado sirio 'a yol smacb'en eb' israel.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

Job 1:17

Mantzac wal lajw yaln win cha, 'ix jaw junx winac, xyaln 'ixtic: —'Ay 'oxc'aj ewin caldeo 'ix c'och yac' owl quet' on̈, smiln cham ewin eb' yilmal e no cameyo, 'ix yelc'n 'at ewin e no'. Cojxn̈ej in 'elcni yic tzwul walnc ab' jun tic, xchi winac.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 28:19

A yic 'oj jawc 'a junjn 'ejem, 'oj e jucx b'ey yu'uj, 'oj jawc 'ayx 'a junjn sq'uin̈b'ial. Sc'ual yac'wlil 'oj eyib'x can chan̈ yu'uj, yic 'oj eyab'nc yab'xil.

Is 7:17

Palta 'ay wal jun yailal 'oj ya' cot Jehová 'a eb'n̈ yet' eb' a chon̈b' tic, yet' 'a scal eb' yin̈tl David; a jun cha, mant 'a 'aj tzuj xon jun 'ejmoc yictax yi'n 'el sb'a eb' yic Efraín 'a Judá. (Tzyal 'el'chi, atn yailal 'oj ya'ch win sreyl Asiria.)

Jeremías 12:9

A jun in chon̈b' tic, lajn 'icha junc no c'uc'm chuc yilxi, to tzma'x cham yuj jun tzo'n̈ xo yit c'uc'mal. Cot cab' smasnil no calte'al noc', wul schi cab' no jac yico'.

Jeremías 25:1

A 'a yic schan̈l ab'il xo yoch Joacim win yunnal Josías, reyl 'a Judá, ata xyalcn Jehová jun tzo'n̈ tic 'ayn yuj smasnil tas 'oj jawc 'a yib'n̈ chon̈b' Judá cha. A yic cha, yab'lil nant yoch Nabucodonosor reyl 'a Babilonia,

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 26:20

(An̈jtona pax win schecb' Dios tzcuch Urías, yunnal Semaías 'aj chon̈b' Quiriat-jearim, a 'ix paxtin 'el 'a sb'i Jehová 'a jun chon̈b' tic, yet' 'a jun nacion̈ tic, 'icha wal xyutj paxtinc sb'a Jeremías tic.

Jeremías 26:6

Toto an̈ja ma'oj eyicloc, to 'ixta', 'ixtc 'oj wutc can watut 'icha wutjnac jun in cajnub' 'a Silo. 'Oj wa' cot catb' 'a yib'n̈ jun chon̈b' tic 'a scal smasnil nacion̈ 'ay yolyib'n̈q'uinl tic, xchi Dios, xa chi 'a eb', xchi 'ayin.

Jeremías 32:28

Yuj cha, an Jehová in, an tzwal 'ixtc 'ayach: An 'oj wac' 'ejmc jun chon̈b' tic yuj win Nabucodonosor sreyl eb' caldeo 'a Babilonia.

Jeremías 35:11

Palta ax yic xjaw Nabucodonosor sreyl Babilonia wul yac' owl 'a jun qui nacion̈ tic, on̈ cot 'eloc, 'ix qui nani to wach' a 'a Jerusalén tic on̈ jawi, yujto on̈ cot 'elc 'a eb' soldado 'aj Babilonia yet' 'a eb' soldado 'aj Siria. Yuj wal cha, a 'a Jerusalén tic cajn on̈ 'eq'ui, xchi eb'.

Jeremías 52:28

A sb'isl eb' 'anma yijnac 'at win Nabucodonosor, atn eb' tic: A yic yucl ab'il xo yoch win reyal, 'ay 3,023 sb'isl eb' 'anma 'aj Judá yijnac 'at winac;

Lm 1:17

An̈ 'aj Sión on̈c tic, 'ix cob' b'a'cht qui c'ab' yic tzcalnec qui b'a 'a junc mach, palta may xon junc mach x'a'n sniwnal qui c'ojlec. A Jehová 'ix aln 'a eb' cajn 'a qui tz'eyec, yic tzya'n eb' owl quet'ec. Caw wal spatquilj can 'el eb' chon̈b' Jerusalén tic, xchi winac.

Ez 19:8

Xlajw cha, 'ix 'och eb' nacion̈ chi 'ajc'ojlal 'a no', atn eb' 'ay 'a sla'nil cha. 'Ix sb'on eb' sch'an̈ ya'al, ax x'aji, 'ix can no quelm león chi 'a yojol, 'ixta x'aj syamchj yuj eb' 'ajc'ojl cha.

Ez 23:23

atn eb' 'aj Babilonia, eb' caldeo smasnil, eb' 'aj Pecod, eb' 'aj Soa, eb' 'aj Coa yet' smasnil eb' 'aj Asiria. Caw quelmtac eb' smasnil, caw wach' yilx eb'. 'Ayn̈j pax yopiso eb', 'ay eb' gobernador, 'ay eb' scapitan̈il eb' soldado, 'a'm owl wal eb' si'mb'il, 'ayn̈j q'ue eb' 'a yib'n̈ chej.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.