A Ch'an̈ Schab'il Libro Yic Yab'ixal Eb' Rey 24:18 - Chuj San Sebastian Bible

¹⁸ Junschawinc ab'il sq'uinl Sedequías yic 'ix schan 'el yich ya'n reyal; uxlche ab'il 'ix yac' reyl 'a Jerusalén: Ax snun Hamutal sb'i, yisl Jeremías 'aj Libna.

Chuj San Mateo Bible

¹⁸ A vin̈aj Sedequías chi', 21 ab'il sq'uinal vin̈ ayic ix och vin̈ reyal, 11 ab'il ix yac' reyal vin̈ d'a Jerusalén. Hamutal sb'i ix snun vin̈, yisil ix vin̈aj Jeremías aj Libna.

A Ch'an̈ Schab'il Libro Yic Yab'ixal Eb' Rey 24:18 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:31

'Oxeschawinc ab'il sq'uinl Joacaz yic 'ix 'el yich ya'n reyal; 'oxe 'uj 'ix yac' reyl 'a Jerusalén. A snun Hamutal sb'i, yisl Jeremías 'aj Libna.

2 Cr 36:11

A Sedequías 21 ab'il sq'uinal yic schan 'el yich ya'n reyal, uxlche ab'il xyac' reyl 'a Jerusalén.

Jeremías 21:1

'Ix schecb't win rey Sedequías win Pasur yunnal Malquías, yet' win ya'mal 'och sti eb' 'anma 'a Dios, atn win Sofonías yunnal Maasías, yic tz'at in yilnc eb' an Jeremías in tic. 'Ix yaln eb' 'ixtic: Tzon̈ tew 'ayach, to tza c'anb'j 'a Jehová cuj an̈ tic on̈, yujto a Nabucodonosor sreyl Babilonia wan ya'n owl quet' on̈. Toq'ue tzch'ox Jehová chi yip si'mb'il, 'icha ya'jnac 'a yic yaln̈taxi, sec tz'ijx 'el Nabucodonosor chi yu'uj, xchi eb' 'ayin. Xlajw cha, xpaxtin Jehová 'ayin.

Jeremías 27:1

A yic tot 'ochnc Sedequías win yunnal Josías, reyl 'a Judá, ata xpaxtin Jehová 'ayn an Jeremías:

Jeremías 28:1

A 'a yic yol 'uj 'a jun ab'il cha, tzyal 'el'chi atn 'a yic schan̈l ab'il yoch Sedequías reyl 'a Judá, a Hananías yunnal Azur 'aj Gabaón, atn jun tzyalch sb'a schecb'oc Dios, 'ix 'at 'a yatut Dios 'a 'aj 'ayn 'ec' an Jeremías in. Wal 'a sat eb' ya'mal 'och sti eb' 'anma 'a Dios, yet' 'a sat smasnil eb' chon̈ab', xyaln 'ixtic:

Jeremías 37:1

'Ix 'ajx 'och Sedequías sreyloc chon̈b' Judá yuj win Nabucodonosor sreyl Babilonia. A Sedequías cha, yunnal Josías, 'ix 'ochcn reyl sjelc Jeconías yunnal Joacim.

Jeremías 49:34

A yic schan 'el Sedequías yich ya'n reyl 'a Judá, a yic cha, 'ix yal Jehová 'ixtc 'a 'ayn an Jeremías in tic yuj chon̈b' Elam.