A Ch'an̈ Schab'il Libro Yic Yab'ixal Eb' Rey 24:17 - Chuj San Sebastian Bible

¹⁷ Ax win sreyl Babilonia cha, a 'ix 'a'n 'och Matanías yu'tac smam Joaquín chi reyl 'a Judá, 'ix sjeln win sb'i winac, 'ix ya'n sb'ic Sedequías.

Chuj San Mateo Bible

¹⁷ Axo vin̈aj rey Nabucodonosor chi' ix ac'anoch vin̈aj Matanías yuc'tac smam vin̈aj Joaquín chi' reyal sq'uexuloc vin̈. Ix q'uexji sb'i vin̈ yuj vin̈, Sedequías ix sb'iejcan vin̈.

A Ch'an̈ Schab'il Libro Yic Yab'ixal Eb' Rey 24:17 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:34

Xlajw cha, 'ix ya'n 'och rey Necao chi win Eliaquim, yunnal Josías reyl sjelc smam. 'Ix sjeln win sb'i, Joacim xyac' win sb'ioc. 'Ix yi'n 'at win Joacaz chi 'a Egipto, axta xchami.

Jeremías 1:3

'Ix paxtin pax wet'oc yic 'aych win Joacim yunnal Josías reyl 'a Judá, masnto 'a yic yuxlchil ab'il yoch Sedequías reyl 'a Judá win yunnal Josías paxi. A 'a yic yol 'uj yoch jun ab'il cha, 'ix 'ijx 'at smasnil eb' 'aj Jerusalén 'icha presoal 'a Babilonia.

Jeremías 21:1

'Ix schecb't win rey Sedequías win Pasur yunnal Malquías, yet' win ya'mal 'och sti eb' 'anma 'a Dios, atn win Sofonías yunnal Maasías, yic tz'at in yilnc eb' an Jeremías in tic. 'Ix yaln eb' 'ixtic: Tzon̈ tew 'ayach, to tza c'anb'j 'a Jehová cuj an̈ tic on̈, yujto a Nabucodonosor sreyl Babilonia wan ya'n owl quet' on̈. Toq'ue tzch'ox Jehová chi yip si'mb'il, 'icha ya'jnac 'a yic yaln̈taxi, sec tz'ijx 'el Nabucodonosor chi yu'uj, xchi eb' 'ayin. Xlajw cha, xpaxtin Jehová 'ayin.

Jeremías 37:1

'Ix 'ajx 'och Sedequías sreyloc chon̈b' Judá yuj win Nabucodonosor sreyl Babilonia. A Sedequías cha, yunnal Josías, 'ix 'ochcn reyl sjelc Jeconías yunnal Joacim.

Jeremías 49:34

A yic schan 'el Sedequías yich ya'n reyl 'a Judá, a yic cha, 'ix yal Jehová 'ixtc 'a 'ayn an Jeremías in tic yuj chon̈b' Elam.

Jeremías 52:1

A Sedequías junschawinquil ab'il sq'uinal yic yoch reyal, uxlche ab'il ya'jnac reyl 'a Jerusalén, Hamutal sb'i snun, yisl win Jeremías 'aj Libna.

Ez 17:13

'Ix yi'n cot win jun yican win rey cha, 'ix ya'n win yopiso winac, sb'on win strato yet' winac, xya'n pural win ya'n win sti', sec yiclum tzyutj sb'a win 'a win sreyl Babilonia cha. 'Ixta xyutj win yi'n cot eb' niwc winc 'a 'icha presoal,

Ez 17:16

An Jehová in, an tzwal 'ixtic: 'Oj cham win sreyl Judá 'a Babilonia tic, yujto ma'ix syiclj win strato yet' win rey x'a'n yopiso cha.

Ez 23:17

Xlajw cha, 'ix jaw ewin 'aj Babilonia chi 'a 'ix, xway ewin yet' 'ix, xya'n wal 'ix sgana yet' ewinac, masnto xyoch'b' ewin yuj 'ix.

Dn 1:7

Ax win Aspenaz cha, a win xjeln sb'i eb': a Daniel, Beltsasar x'ajx sb'ioc, win Ananías, Sadrac x'ajx sb'ioc, win Misael, Mesac x'ajx sb'ioc, ax win Azarías, Abed-nego x'ajx sb'ioc.