A Ch'an̈ Schab'il Libro Yic Yab'ixal Eb' Rey 24:14 - Chuj San Sebastian Bible

¹⁴ 'Ix ya'n win 'ijxoc 'at smasnil eb' cajn 'a Jerusalén, eb' 'aych yajlil, eb' soldado to caw wal jelan, eb' josmte' yet' eb' tenm q'ue'en. Lajn̈e mil eb' x'ijx 'at 'icha presoal yu'uj. Cojxn̈ej eb' meb'a xcan 'a jun nacion̈ cha.

Chuj San Mateo Bible

¹⁴ Ix schecan vin̈ ic'chajb'at masanil anima cajan d'a Jerusalén chi' yed' eb' yajal, eb' soldado te jelan, eb' vin̈ jelan sb'oan tastac yed' eb' vin̈ tenum q'ueen. 10 mil eb' ix ic'jib'at d'a Babilonia chi' d'a smasanil. Man̈xa mach ix cani, axon̈ej eb' meb'a' ixto cani.

A Ch'an̈ Schab'il Libro Yic Yab'ixal Eb' Rey 24:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 24:16

Uque mil eb' soldado jeln ya'n owal, jun mil eb' tenm q'ue'en, yet' eb' josmte', 'ix 'ijx 'at eb' 'icha presoal.

A Ch'an̈ Schab'il Libro Yic Yab'ixal Eb' Rey 25:12

Cojxn̈ej jun tzo'n̈ eb' caw meb'a xcani, sec wach' a eb' tz'awn te uva yet' jun tzo'n̈ xo munljel.

1 Cr 9:1

'Ixtn tic 'ajnc stz'ib'x can smasnil eb' israel 'a ch'an̈ slibroal yic yab'xil eb' sreyl chon̈b' Israel. Palta a pax eb' 'anma 'ay 'a Judá, 'ix 'ijx 'at eb' 'icha presoal 'a Babilonia, yuj smaysch'olnilal eb'.

Esdras 2:1

Atn sb'isl eb' 'aj Judá 'ijxnac 'at 'icha presoal 'a Babilonia yuj rey Nabucodonosor. A yic 'ix lajw stiempoal yajc' eb' 'a jun lugar cha, 'ix meltzj eb' 'a Jerusalén, yet' 'a jun tzo'n̈ xo lugar 'a yol yic Judá. Junjn eb', xlaj c'ochx can eb' 'a 'aj 'aycn schon̈ab'. Ax eb' xjucb'tzan eb': Atn Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum yet' Baana.

Nehemías 1:2

A 'a yic jun tiempoal cha, 'ix jaw jun wu'tac tzcuch Hananí yet' jun tzo'n̈ xo eb' xcot yet' 'a Judá. Xlajw cha, xin c'anb'n 'a 'a, chajtl wal yilx Jerusalén, yet' eb' wulnc 'ec' 'a 'icha presoal 'a Babilonia tic.

Ester 2:6

A win Cis cha, locn win yet' eb' 'ijxnac cot 'icha presoal yuj win rey Nabucodonosor 'a Jerusalén, axta xjawcn eb' 'a Babilonia. Junn̈j x'aj eb' sjawcn yet' Jeconías win sreyl Judá.

Is 3:2

'Oj yi'l pax Jehová eb' yajl yaj 'a eb' soldado, yet' eb' soldado caw jeln 'a owal, eb' juez, eb' schecb' Dios, eb' 'a'm nab'en yet' eb' yichm wincal chon̈ab',

Jeremías 28:4

An Jehová in, an tzwala, to 'oj wi'x meltzjoc Jeconías yunnal Joacim sreyl Judá, yet' smasnil eb' 'anma 'ijxnac 'at 'icha presoal 'a Babilonia cha. Yowlal 'oj wi'x can 'el yopiso win sreyl Babilonia 'a eyib'an̈, xchi Dios, xchi Hananías.

Jeremías 39:10

Cojxn eb' caw meb'a 'ix yactj can win 'a yol yic Judá cha, atn eb' caw may jac tas 'ay 'a 'a. A yic cha, 'ix 'ajx slum eb' 'aj tzyawj yuva, yet' jun tzo'n̈ xo yawb'en eb'.

Jeremías 40:7

'Ay eb' comandante yet' eb' soldado yic chon̈b' Judá, 'ix sc'ub'j can 'el sb'a 'a calcte 'a eb' soldado 'aj Babilonia. 'Ix yab' eb' to a Gedalías yunnal Ahicam, a x'ajx can 'och gobernadoral 'a Judá chi yuj win sreyl Babilonia. A win x'ochcn yilmalc eb' winac, eb' 'ix 'ix, eb' 'unin, atn eb' caw meb'a cajn ta', eb' ma'ix 'ijx 'at 'a Babilonia.

Jeremías 52:16

Cojxn jun tzo'n̈ eb' caw meb'a xcani, sec tzmunlj eb', tzyawn pax eb' uva.

Jeremías 52:28

A sb'isl eb' 'anma yijnac 'at win Nabucodonosor, atn eb' tic: A yic yucl ab'il xo yoch win reyal, 'ay 3,023 sb'isl eb' 'anma 'aj Judá yijnac 'at winac;

Ez 17:14

sec 'ixta tz'aj yelcn yip yopiso winac, man̈xtzac stac' yi'n chan̈ sb'a, tzcann̈j 'ixta', sec tz'el'ch jun strato cha.

Ez 17:3

Tzaln 'a eb' to an tzwal jun ab'x tic 'ixtic: 'Ay wal jun no niwquil salt'iw xc'och 'a Líbano, caw niwc sc'axl no', tz'ib'quintac yilx xil no cha. Sn̈a'n cot no schon jun te c'ute'.

Mt 1:11

A Josías a 'ay yunnal Jeconías, yet' eb' yu'tac. A 'a jun tiempoal cha, ata 'ijxnac 'at eb' israel 'icha presoal 'a Babilonia.

Mt 1:12

A yic 'ayx 'ec' eb' 'a Babilonia cha, 'ix 'alj Salatiel yunnal Jeconías. Ax Salatiel a 'ay yunnal Zorobabel.

Mt 1:17

Yuj cha, chequel to 'ay chan̈lajn̈ c'aj smam yichm Jesucristo 'aycn 'a snan̈l Abraham yet' David. 'Ay chan̈lajn̈ c'aj pax eb' 'a David, masnto yic yijx 'at eb' israel 'icha presoal 'a Babilonia. 'Ay chan̈lajn̈ c'aj pax eb' yictax yijx 'at eb' 'a Babilonia cha, masnto yic yalj Cristo.

Dt 28:36

A Jehová 'oj eyi'n 'at yet' e reyl sic'b'il 'och eyu'uj, 'a junc nacion̈ to man̈ eyojcoc, man̈ yojcoc pax eb' qui mam quichmec. Ata 'oj eyac' servil jun tzo'n̈ comn dios, b'ob'il 'a te te', mto 'a q'uen q'ue'en.

A Ch'an̈ B'ab'el Libro Samuel 13:19

A 'a smasnil yol yic chon̈b' Israel, may xon junc eb' tzb'on q'uen hierro 'ay ta', yujto yaljnac eb' filisteo 'ixtic: May cab' junc eb' hebreo tic tztac' sb'on q'uen espada, mto q'uen lanza, xchi eb'.