A Ch'an̈ Schab'il Libro Yic Yab'ixal Eb' Rey 23:8 - Chuj San Sebastian Bible

⁸ Xlajw cha, 'ix ya'n 'awtxoc cot smasnil eb' ya'mal 'och sti eb' 'anma 'a Dios, eb' 'ay 'a smasnil chon̈b' 'a Judá. Sjun pax win smasnil macsej 'ay 'a jolmctac witz 'aj tzyac' eb' tz'a incienso tz'el yich 'a Geba 'a stojlal norte masnto tzc'och 'a Beerseba 'a stojlal sur. Sma'n pax 'ejm lan̈chjoc jun yet'l xajmb'al yic eb' demonio 'ay 'a sti puerta yic win Josué, atn gobernador yaj 'a chon̈b' cha, ata tzcan jun chi 'a qui surito yic tzon̈ 'och 'a yol chon̈ab'.

Chuj San Mateo Bible

⁸ Ix lajvi chi', ix yavtancot masanil eb' vin̈ sacerdote vin̈ rey chi', aton eb' vin̈ ay d'a junjun chon̈ab' d'a yol yic Judá, ix yixtanb'at masanil altar vin̈ d'a masanil lugar chaan̈ d'a Geba masanto d'a Beerseba, aton b'aj sn̈ustz'a incienso juntzan̈ eb' vin̈ sacerdote. Ix spojanpaxem juntzan̈ altar vin̈, juntzan̈ ay d'a spuertail chon̈ab' scan d'a stojolal sq'uexan mach tz'och d'a yol chon̈ab' chi', aton jun puerta yic vin̈aj Josué yajal d'a Jerusalén.

A Ch'an̈ Schab'il Libro Yic Yab'ixal Eb' Rey 23:8 ပူးပေါင်းရင်းမြစ်များ

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Gn 21:31

Yuj cha, scuchn can jun lugar chi Beerseba, yujto ata 'ix yac' eb' sti 'a jun jun.

Gn 26:23

Xlajw cha, x'atx 'a Beerseba.

A Ch'an̈ B'ab'el Libro Yic Yab'ixal Eb' Rey 15:22

Xlajw cha, 'ix ya'n win rey Asa 'awtxoc smasnil eb' winc 'aj Judá, xyaln winac to c'uxn tzc'och eb' smasnil. Xlajw cha, 'ix 'at yi'nc eb' q'uen q'uen xcan 'a chon̈b' Ramá, yet' te te sc'an win Baasa yic sb'on win jun chon̈b' chi yalni. Ax yet' jun tzo'n̈ chi sb'o win rey Asa lum chon̈b' Gueba 'a yol smacb'en eb' yin̈tl Benjamín, yet' chon̈b' Mizpa.

A Ch'an̈ B'ab'el Libro Yic Yab'ixal Eb' Rey 19:3

Ax xyab'n Elías to 'ay smay tas xalx 'a yib'an̈, yuj cha, 'ix 'at scolnc sb'a 'a chon̈b' Beerseba, sec matz chami. A jun chon̈b' cha, ata 'ay 'a yol yic Judá, axta xyactj can jun schecb' cha.

1 Cr 6:60

'Ix 'ajx pax jun tzo'n̈ xo chon̈b' 'a yol yic eb' yin̈tl Benjamín 'a eb': atn Geba, Alemet yet' Anatot. Yuj cha, 'ay 'oxlajn̈e chon̈b' 'ix yij eb' yin̈tl Aarón chi 'a smasnil.

Is 10:29

Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

Ez 44:10

A eb' levita, xyij 'el sb'a eb' 'a in tz'ey eyet'oc, 'ix 'at yalnc sb'a eb' 'a jun tzo'n̈ yechl comn dios, yuj cha, 'oj yab' eb' syal yuj smul cha.

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Zacarías 14:10

Smasnil jun c'aj lum lum cha, pan̈n 'oj 'ajcni, tzchaj 'at 'a Geba masnto 'a Rimón, 'a stojlal sur yic Jerusalén. Ax Jerusalén cha, caw chan̈ 'oj 'ajcn chan̈ 'icha junc tzalan. A 'aj 'oj 'aj cajn eb' 'anma 'a 'a, 'oj schaj 'at 'a jun puerta yic Benjamín, masnto 'a jun puerta yic yisquinyoal 'a 'aj 'ay jun b'ab'l puerta 'a yic pecti'. 'Oj 'atn̈j 'a jun torre yic Hananel, masnto tzc'och 'a 'aj tzpitz'x 'el yal yuva win rey.

Jueces 20:1

Yuj cha, 'ix syamn sb'a eb' israel 'a yojltac Jehová 'a Mizpa. 'Ix cot eb' 'a smasnil yol yic Israel, a chon̈b' Dan 'ay a stojlal norte masnto 'a Beerseb'a 'ay 'a stojlal sur yet' 'a Galaad 'a stojlal 'a 'aj tzq'uel c'u. Junxn̈ej xyutj sb'a eb'.