A Ch'an̈ Schab'il Libro Yic Yab'ixal Eb' Rey 23:7 - Chuj San Sebastian Bible

⁷ An̈jtona', 'ix sma'n 'ejm lan̈chjoc yet'l yic 'ajmulal, atn 'aj smuln eb' winac, jun 'aych 'a yol yatut Jehová. A pax ta tzjal eb' 'ix 'ix te pichl yic jun comn dios tzcuch Asera.

Chuj San Mateo Bible

⁷ Ix pojjipaxem juntzan̈ yed'tal eb' vin̈ ix-vinac yuj vin̈, aton b'ob'il d'a yamaq'uil stemplo Jehová. Ata' sch'alvipax eb' ix ix sb'oan c'apac mantiado yic Asera.

A Ch'an̈ Schab'il Libro Yic Yab'ixal Eb' Rey 23:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:24

'Ay pax eb' winc tzb'on 'ajmulal yet' eb' yit wincal yic tz'och eb' 'emmquilal 'a sdiosal. Tzb'on pax eb' jun tzo'n̈ 'ajmulal to caw yajb'entac, 'icha sb'ojnac jun tzo'n̈ nacion̈ yijnac 'el Jehová 'a 'aj c'ochnc eb'.

A Ch'an̈ B'ab'el Libro Yic Yab'ixal Eb' Rey 15:12

'Ix spechl win smasnil eb' winc tzb'on 'ajmulal yet' yit wincal 'a yol nacion̈ cha, 'ix yi'n 'el smasnil jun tzo'n̈ yechl comn dios b'ob'il yuj smam 'icham.

A Ch'an̈ B'ab'el Libro Yic Yab'ixal Eb' Rey 22:46

Spechl win ewin winc tzb'on 'ajmulal yet' yit wincal 'a yol smacb'en cha, atn ewin cannc to yuj win Asa smam Josafat chi 'a yic ya'n win reyal.

2 Cr 34:33

'Ix ya'n Josías 'ijxc 'el smasnil yechl to yajb'entac 'a smasnil yol smacb'en eb' israel. Xyaln 'a smasnil mach 'ayc' 'a yol yic Israel to tzyac' servil eb' Jehová sDiosal. A 'a yic pitzn Josías, ma'ix yij 'el sb'a xon eb' 'a Jehová, atn sDiosal eb' yet' smam yicham.

Ez 16:16

Ax yet' jun tzo'n̈ spichl wach' yilx cha, a yet' sb'o jun tzo'n̈ mantiado 'aj tz'och 'emmquilal 'a jun tzo'n̈ comn dios 'a lum tzalctac. Atn wal yet' jun tzo'n̈ chi say smuloc, caw man̈ smojc wal ton sb'on jun tzo'n̈ cha.

Ez 8:14

In yi'n 'at pax 'a jun puerta yic 'amc' tzcan 'a stojlal norte, ax in c'och ta', 'ix wilni, 'ay jun tzo'n̈ eb' 'ix 'ix wocn 'ejmi, wan yoc' eb' yuj schamlil jun yechl comn dios tzcuch Tamuz.

Os 2:13

An Jehová in, an tzwala: To 'oj wa'ch yailal 'a yib'an̈, yujto niwn tiempo sb'achch incienso 'a yojltac jun tzo'n̈ yechl comn dios Baal. Xlaj sb'onc sb'a 'icha tzyac' junc 'ix tzya'ch syumchiquin, ston̈, tz'och tza'n yuj eb' winc nib'b'il yu'uj, tzya'n sat sc'ojl 'a yichmil, 'ixta in yutj chon̈b' Israel.

Os 4:13

Xlaj 'at eb' 'a lum jolmctac witz yet' 'a lum tzalctac, axta xlaj sn̈us eb' te incienso, tzya'n pax eb' xajmb'al 'a yich eb' te álamo pim xi'il, 'a eb' te pocjiy yet' 'a eb' te ma'ach'. Yuj cha, xlaj ya'nc 'och sb'a yisl eb', yet' yalb' eb' 'a 'ajmulal.

Os 4:14

Palta ma'oj wac' syailal eb' 'islab'il yet' eb' 'ix 'alb'al chi yuj yajmulal cha, yujto a eb' winc chi tzch'oxn yil eb'; tzyac' ewin xajmb'al yet' eb' 'ix tzb'eylb'an 'ajmulal. Yuj cha, a jun chon̈b' may snab'en tic, 'oj juwc 'eli.

Nm 25:1

A yic 'ix can cajn eb' israel 'a lum Sitim, til wal eb' winc israel 'ix muln yet' eb' 'ix moabita.

Dt 23:17

May cab' junc winac, mto junc 'ix quit chon̈b'ec tzya'ch sb'a 'ajmulal, yuj ya'n 'och sb'a 'emmquilal 'a jun tzo'n̈ comn dios.