A Ch'an̈ Schab'il Libro Yic Yab'ixal Eb' Rey 23:3 - Chuj San Sebastian Bible

³ 'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

Chuj San Mateo Bible

³ Ix och tec'tec' vin̈ rey chi' d'a stz'ey jun nivan oy, ix yac'an sti' vin̈ d'a yichan̈ Jehová to ol sc'anab'ajej juntzan̈ checnab'il vin̈ yed' c'ayb'ub'al d'a smasanil sc'ool, icha syal jun trato tz'ib'ab'ilcan d'a yol ch'an̈ uum chi'. An̈eja' masanil eb' anima chi', ix yac' sti' eb' sc'anab'ajani.

A Ch'an̈ Schab'il Libro Yic Yab'ixal Eb' Rey 23:3 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 11:14

Ax xyiln 'ix, ata 'ayc' win rey, lin̈n 'och win 'a stz'ey jun 'oy 'a scoredoral cha, 'icha xon sb'eyb'al eb'. A 'a smoch winac, ata 'ayc' eb' capitan̈, yet' eb' tzb'itn yet' jun tzo'n̈ yamc'ab', caw wal tzalj smasnil 'anma', tzyutz'n eb' strompeta. Xlajw cha, 'ix stziln jat 'ix Atalía spichul, 'ix 'el yaw 'ix, xyaln 'ix 'ixtic. —¡Pechm ex 'el rey ax tic! xchin̈j 'ix.

A Ch'an̈ Schab'il Libro Yic Yab'ixal Eb' Rey 11:17

Xlajw cha, 'ix yaln Joiada to tzb'o win rey yet' eb' chon̈b' junc strato yet' Jehová to tzya'cn 'och sb'a eb' schon̈b'oc. 'Ix yaln paxi to 'ay cab' junc strato win rey chi tzb'ocn yet' eb' chon̈ab'.

2 Cr 15:15

Smasnil eb' yic Judá, caw 'ix tzalj eb' yuj sti eb' xyac' cha, yujto smasnil sc'ojl eb' xyac' sti', 'ix 'el wal 'a sc'ojl eb' ya'n servil Dios. 'Ix 'ilchj wal scolwal yuj eb', yujto a Jehová 'ix yac' junc'ojlal 'a eb' yet' eb' cajn 'a sla'nil eb'.

2 Cr 23:13

Ax xyiln 'ix jun rey cha, lin̈n 'ec' 'a stz'ey jun 'oy 'a sti yatut Jehová. A 'a stz'ey cha, ata 'ayc' eb' syajlil eb' soldado, yet' eb' tz'utz'n trompeta. Caw tzalj eb' 'anma chi smasnil. 'Ay eb' tz'utz'n no cacha. 'Ay pax eb' tzb'itn yet' jun tzo'n̈ yamc'ab', yic tzjucb'tzax eb' tzb'itn yuj yaln eb' wach' paxti 'a Dios. Yuj cha, stzilnjat 'ix Atalía spichul, xyaln 'ixtic: —¡Pechm ex 'el yajl ax tic! ¡Pechm ex 'el yajal! xchi 'ix.

2 Cr 23:16

Xlajw cha, 'ix sb'on Joiada jun strato yet' smasnil eb' chon̈ab' yet' pax jun rey cha, to caw schon̈b' Jehová tz'ajcn eb'.

2 Cr 29:10

A ticnec, tox xin nalb'ej in b'on in trato yet' Jehová qui Diosalec an̈ israel on̈c tic, sec wach' tzyij 'el yowl sc'ojl 'a quib'n̈ec.

Esdras 10:3

A ticnec, tzqui b'o qui trato yet' qui Diosalec, to 'oj qui chec meltzjc eb' 'ix quistzil chi 'on̈, atn eb' 'ix chuc chon̈b'al yet' yune'. 'Oj qui yicljc tas tzal ach tic, yet' jun tzo'n̈ xo eb' tzxiw 'a schecnb'il Dios et'oc, ax qui b'on 'icha yaln sley.

Nehemías 10:1

A eb' xya'cn 'ejm sb'i 'a ch'an̈ un̈ 'ix stz'ib'x can cha, atn eb' tic: Nehemías yunnal Hacalías, atn win gobernador. Xya'n pax eb' ya'mal 'och sti eb' 'anma 'a Dios yico': atn Sedequías, Seraías, Azarías, Jeremías, Pasur, Amarías, Malquías, Hatús, Sebanías, Maluc, Harim, Meremot, Obadías, Daniel, Ginetón, Baruc, Mesulam, Abías, Mijamín, Maazías, Bilgai yet' Semaías.

Nehemías 5:13

An̈jtona', xin tzicb'tan̈n 'el in pichul, xwaln 'ixtic: 'Ixtnta 'oj yutc pax Dios ex stzicn 'elt 'a eyatut yet' 'a e munljel, atn jantcn̈ej smasnil mach ma'oj syiclc sb'on jun tzo'n̈ cha, 'ixtnta pax 'oj yutc yi'n 'ec' tastc 'ay 'ayex, xin chi 'a eb'. 'Ix ta'w eb' smasnil: B'o cab' 'ixta', xchi eb'. Xlajw cha, xyaln eb' wach' paxti 'a Jehová. 'Ix syiclj eb' sb'on 'icha xyutj yaln cha.

Nehemías 9:38

A yuj smasnil jun tzo'n̈ tic, tzca'n can qui ti an̈ tic, to tz'ib'xcani, chajtlto 'oj qui yiclc 'a caw yel. Yuj cha, a ch'an̈ un̈ 'aj tz'ib'x cha, to tz'och seyo yet' sb'i eb' qui yajlil a ch'an̈, eb' levita yet' eb' ya'mal 'och qui ti', xchi eb' 'a slesal.

Ex 24:3

Xlajw cha, 'ix pax 'emt Moisés 'a lum jolm witz cha, 'ix yaln 'a eb' 'anma yuj smasnil checnb'il 'ix yal Jehová. 'Ix ta'w smasnil eb' 'anma chi 'ixtic: —Smasnil tas 'ix yal Jehová, 'oj qui yiclc on̈, xchi eb'.

Ec 8:2

Yiclum cab' tzcutjec qui b'a 'a tas tzyal win rey, yujto 'ixta xcutjec ca'n qui ti 'a yojltac Dios.

Jeremías 34:15

'Ixta pax xeyutj e b'a ax tic, palta 'ix e jel e b'eyb'al, yujto wan e b'on tas caw tzchaj in c'ojol, atn yujto xeya'l eb' eyit chon̈b' 'aych mosoal 'ayx 'a libre, 'ix eya'n can e ti 'a jun e trato 'ix e b'o 'a wojltac, atn 'a watut to wicn̈ej yaji.

Jeremías 34:8

Xlajw cha, xyaln pax Jehová 'ayin, yic tox 'ix lajw ya'n Sedequías jun strato yet' smasnil eb' cajn 'a Jerusalén, yic tz'ajx 'el eb' 'aych mosoal 'a eb' 'a libre.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 11:13

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil,

Dt 13:4

Tza'nex cab'n̈ej yuj qui Diosalec, 'ijec chan̈ sb'i; yicljec smasnil schecnb'il, chajec eyab' tas tzyala, 'ochn̈ec 'emmquilal 'a 'a, sec junxn̈ej tzex can yet'oc.

Dt 29:1

Atn jun tzo'n̈ paxti tic xyac' Jehová yal Moisés 'a eb' yit chon̈ab', yic 'ayc' eb' 'a yol smacb'en lum Moab; atn strato Dios chi sb'ojnac yet' eb' israel yic 'ayc' eb' 'a yich witz Sinaí.

Dt 6:1

'Ix yaln pax Moisés 'ixtic: Atn wal jun tzo'n̈ checnb'il tic, ley yet' cuynb'il tzyac' Jehová qui Diosalec wal 'ayex, sec a jun tzo'n̈ tic 'oj e b'eylb'oc 'a sat lum lum 'oj eyico'oc cha.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Dt 8:19

Palta toto tzeyac' sat e c'ojl 'a Jehová qui Diosalec, tzex 'och tza'n yuj jun tzo'n̈ tzalx 'och diosal, tzeya'n 'e'jm e b'a 'a 'a, toto 'ixta 'oj eyutc e b'a, 'a jun rato tic tzwaln cani, to 'oj ex satl Jehová e masnil.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.