A Ch'an̈ Schab'il Libro Yic Yab'ixal Eb' Rey 23:2 - Chuj San Sebastian Bible

² A yic 'ix jaw eb' 'ix 'at win rey 'a yatut Jehová yet' smasnil eb' 'anma 'ay 'a Judá, yet' eb' 'ay 'a Jerusalén, yet' eb' ya'mal 'och sti eb' 'anma 'a Dios, yet' eb' schecb' Dios, yet' smasnil eb' 'anma 'a jun nacion̈ cha, eb' may yel'chi, yet' eb' niwn yel'chi. A yic yamn xo eb' 'anma smasnil 'ix ya'n win rey 'awtxoc ch'an̈ slibroal trato x'ilchj 'a yatut Jehová.

Chuj San Mateo Bible

² Ayic ix javi eb' vin̈, ix b'at vin̈ yed' eb' vin̈, eb' vin̈ sacerdote, eb' vin̈ schecab' Dios yed' masanil eb' comon anima, eb' malaj val yelc'ochi yed' eb' nivac yelc'ochi. Ix b'at eb' smasanil d'a stemplo Jehová. Ata' ix yal vin̈ rey chi' to a ch'an̈ yumal strato Jehová ix chax d'a stemplo, tz'avtaj ch'an̈ d'a yichan̈ eb' anima chi'.

A Ch'an̈ Schab'il Libro Yic Yab'ixal Eb' Rey 23:2 ပူးပေါင်းရင်းမြစ်များ

Gn 19:11

Xya'n eb' ángel chi somchjc 'el snab'en ewinac, yuj cha, smasnil eb' 'ayc' 'a spatc n̈a cha, man̈xtoc stac' yiln xon eb'. Smasnil eb' quelem yet' eb' 'ichmtac winac, man̈x 'a junc mach tztac' yilni, caw 'ix c'unb' eb' sayn 'ec' smac te n̈a cha.

A Ch'an̈ B'ab'el Libro Yic Yab'ixal Eb' Rey 8:9

May junc xo tas 'ay 'ejm 'a yojl te caxa cha, cojn wal chapachn̈ q'uen q'uen ya'jnac can 'ejm Moisés 'a yojl te 'a Horeb, tzcuch pax Sinaí, atn q'uen 'aj tz'ib'b'il can 'och strato Jehová ya'jnac can yet' eb' israel, yic yelt eb' 'a lum Egipto.

A Ch'an̈ Schab'il Libro Yic Yab'ixal Eb' Rey 22:8

Xlajw cha, 'ix yaln Hilcías sat ya'mal 'och sti eb' 'anma 'a Dios 'a win 'ajtz'ib' Safán, chajtlto 'ix chax ch'an̈ slibroal ley 'a yol yatut Jehová. 'Ix yac' Hilcías ch'an̈ 'a win Safán yic tzyawtni.

2 Cr 15:13

'Ix ya'n pax eb' sti', tzann̈j mach to man̈oc Jehová sDiosal chon̈b' Israel tzyac' servil, wach'xam 'ichm 'anma', mto 'unin, winac mto 'ix, a jun cha, yowlal tzchami.

2 Cr 17:9

'Ix checx 'at eb' tic yet' ch'an̈ libro yic sley Jehová, yic tz'at cuyxc eb' 'anma 'a smasnil chon̈b' 'a yol yic Judá cha.

Nehemías 13:1

A 'a yic jun tiempoal cha, 'ix 'awtx ch'an̈ libro yic Moisés yab' eb' chon̈ab'. X'ilchj 'a ch'an̈ chajtlto a eb' amonita yet' eb' moabita, may b'a'n̈ tztac' yoch eb' 'a scal eb' schon̈b' Dios

Nehemías 9:3

Ya' sb'a lin̈n chan̈ eb' 'a yet'l cha, 'oxe hora 'ix 'awtx ch'an un̈ yic sley Jehová Dios 'a sat eb', ax 'a junx 'oxe hora, ata xyal q'uet eb' smul, xyaln sb'a' eb' 'a Jehová.

Ester 1:5

Xlajw cha, 'ix ya'n 'och win rey chi uque xo c'u q'uin̈ 'a yamq'uil sti jun despacho cha, atn 'a 'aj 'awb'il te 'awb'ente'. Smasnil eb' cajn 'ec' 'a yol chon̈b' Susa, eb' niwn yel'chi, yet' eb' may yel'chi c'uxn 'ix 'awtx cot eb'.

Job 3:19

Atnta 'ayc' eb' niwc winac yet' eb' may wal yel'chi. A pax ta 'ayc' eb' colchjnacx 'el 'a yol sc'ab' spatron̈, lajn xoj yaj eb' smasnil ta'.

Salmos 115:13

'Oj yac' swach'c'ojlal 'a quib'n̈ec an̈ yiclum tzcutjec qui b'a 'a 'a, 'a mach niwn yel'chi, yet' pax 'a mach may wal yel'chi.

Jeremías 34:8

Xlajw cha, xyaln pax Jehová 'ayin, yic tox 'ix lajw ya'n Sedequías jun strato yet' smasnil eb' cajn 'a Jerusalén, yic tz'ajx 'el eb' 'aych mosoal 'a eb' 'a libre.

A Tas Sc'ulejnac Eb' Schecab' Jesús Hechos 26:22

Palta a Dios colwjnac 'ayin. Yuj cha, caw te'n wutjnac in b'a. An̈jtona pax ticnec, te'nn̈ej tzwutj in b'a waln 'el spaxti Dios 'a smasnil 'anma'. Tzwaln̈j 'a eb' niwn yel'chi. Tzwaln̈j pax 'a eb' may yel'chi. A eb' schecb' Dios pecti', yet' Moisés, 'aycto, stz'ib'n can eb' tastc tzjawi. An̈j tz'ec' wal-li.

Dt 31:26

Chajec jun ch'an̈ un̈ yic ley tic, tzeya'n 'och ch'an̈ 'a stz'ey scaxail strato Jehová qui Diosalec, yic tz'och testigoal 'ayex.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.

A Ch'an̈ B'ab'el Libro Samuel 30:2

'Ix 'ijx 'at eb' 'ix 'ix, eb' 'unin, yet' eb' 'ichm 'anma 'ayc' ta yuj eb', palta may junc mach smil cham eb'.

A Ch'an̈ B'ab'el Libro Samuel 5:9

A yic xlajw 'at ya'nc can eb', ax Jehová 'ix 'a'n 'och eb' 'anma chi 'a somc'ojlal. 'Ix laj mal 'elt jun tzo'n̈ yab'il chi 'a eb'. 'Ix 'elt 'a eb' nene 'unin yet' 'a eb' 'ichmtac 'anma'.