A Ch'an̈ Schab'il Libro Yic Yab'ixal Eb' Rey 23:11 - Chuj San Sebastian Bible

¹¹ 'Ix ya'n pax win 'ijxoc 'el no chej 'aych yuj eb' sreyl Judá, yic tzya'n eb' 'emmquilal 'a c'u, 'ix ya'n win n̈usxoctz'a pax jun tzo'n̈ caruaje tzc'an eb'. Ata 'ayc' jun tzo'n̈ chi 'a jun 'amc' 'a sla'nil 'aj tzon̈ 'och 'a yol yatut Jehová, 'a stz'ey scuarto jun win 'ay yopiso tzcuch Natán-melec.

Chuj San Mateo Bible

¹¹ Ix yic'anpaxel noc' chej vin̈, noc' ayoch yuj eb' vin̈ sreyal Judá yic tz'och ejmelal d'a c'u. Ix sn̈usantz'a scarruaje noc' chej chi' vin̈. A juntzan̈ chi', a d'a jun amac' d'a slac'anil b'aj tz'och anima d'a yol stemplo Jehová, ata' ay, d'a stz'ey scuarto jun vin̈ ay yopisio scuchan Natán-melec.

A Ch'an̈ Schab'il Libro Yic Yab'ixal Eb' Rey 23:11 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:5

Xlajw cha, 'ix yi'n 'el win rey eb' ya'mal 'och sti eb' 'anma 'a jun tzo'n̈ comn dios eb' 'ac'b'il yopiso yuj eb' rey 'a Judá, yic tzya'n tz'a eb' incienso 'a jun tzo'n̈ macsej 'ay 'a jolmctac witz yet' 'a sti 'el chon̈b' Jerusalén, atn eb' tz'a'n pax tz'a incienso 'a Baal, 'a c'u, 'a 'uj, yet' 'a smasnil c'anal.

1 Cr 26:18

A 'a yamq'uil yatutal 'aj tzmolx jun tzo'n̈ yamc'ab', 'a stojlal 'aj tz'ejm c'u, chan̈wn̈ tztan̈wni 'a sti b'e, ax chawn̈ xo tztan̈wni 'a scoredoral cha.

2 Cr 14:5

An̈jtona', 'ix yi'n pax 'el smacsej eb' 'anma 'a jolmctac witz, yet' pax jun tzo'n̈ yechl 'a jun tzo'n̈ chon̈b' 'a yol yic Judá. Caw 'ay junc'ojlal 'a yol stiempoal win Asa yic xya'n reyal.

2 Cr 34:4

Caw q'ueln 'ochi, 'ix ya'n ma'xoc poj jun tzo'n̈ yet'l xajmb'al yic Baal. An̈jtona', 'ix ya'n ma'xoc poj jun tzo'n̈ yet'l xajmb'al 'aj tz'a incienso to 'ay q'ue 'a cha'an̈. Xya'n pax ma'x poj jun tzo'n̈ sch'oxnb'il Aserá cha, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc. Pococ x'aji, 'ix ya'n tzicxoc 'at spoccal chi 'a yib'n̈ 'aj mucn eb' xyac' xajmb'al 'a 'a.

Job 31:26

'Ix wil stzictznil yoc c'u, 'ix wiln pax sja'l yilx yoc 'uj 'a yic caw c'ojan,

Ez 40:17

Xlajw cha, in yi'n pax 'el jun winc chi 'a 'aj 'ay jun 'amc' 'a sti 'och cha. A jun 'amc' cha, latz'b'il 'ejm q'uen 'a 'a, ax 'a stitc cha, ata oyn 'och lajn̈schawinc cotc cuarto.

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.