A Ch'an̈ Schab'il Libro Yic Yab'ixal Eb' Rey 22:4 - Chuj San Sebastian Bible

⁴ —'Ixc 'a Hilcías win sat ya'mal 'och qui ti 'a Dios, tzaln 'a 'a, to tzyac' syam sb'a q'uen tumn tzwul 'ajxoc 'a yatut Jehová, q'uen tzchaj eb' tztan̈w puerta 'aj tz'och eb' 'anma'.

Chuj San Mateo Bible

⁴ —Ixic d'a vin̈aj Hilcías vin̈ sat sacerdote, tzalan d'a vin̈ to smolb'ej q'uen tumin vin̈ tz'ac'ji d'a stemplo Jehová, q'uen scha eb' stan̈van puerta b'aj tz'och eb' anima,

A Ch'an̈ Schab'il Libro Yic Yab'ixal Eb' Rey 22:4 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:4

'Ay jun c'ual, 'ix yaln Joás 'a eb' ya'mal 'och sti eb' 'anma 'a Dios 'ixtic: —Tzeyac' syam sb'a q'uen tumin, q'uen ofrenda tzwul 'ajxoc can 'a yatut Jehová, 'icha q'uen to yowlal tzyac' junjn eb' 'anma', yet' jantcn̈ej q'uen ofrenda to tz'el 'a sc'ojl eb' 'anma ya'ni. Junjn ex 'oj eyac' q'uen tumn chi 'oj e cha yuj sb'omb'il yatut Dios 'a 'aj juwnac, xchi Joás 'a eb'.

A Ch'an̈ Schab'il Libro Yic Yab'ixal Eb' Rey 18:18

Yajn̈j cha 'ix yawtn eb' win rey. Ax Eliaquim yunnal Hilcías, smayltomail sdespacho winac, yet' Sebna tz'ib'n 'ab'ix, yet' Joa yunnal Asaf, yajtz'ib' win rey, atn eb' tic 'ix wul chanc eb'.

1 Cr 9:11

Azarías, yunnal Hilcías, a Hilcías yunnal Mesulam, a Mesulam, yunnal Sadoc, a Sadoc yunnal Meraiot, a Meraiot yunnal Ahitob. A Azarías cha, a yajl yaj 'a yatut Dios.

1 Cr 9:19

A Salum, yunnal Coré, yixchicn Ebiasaf, yin̈tl Coré, yet' jun tzo'n̈ xo yican eb', atn eb' coreita, a eb' 'aych 'a yib'n̈ stan̈wni spuertail yatut Dios, 'icha yutjnac eb' smam yichm eb' stan̈wni spuertail scajnub' Jehová 'a pecti'.

2 Cr 8:14

An̈jtona', sb'on pax 'och munljel 'a stzolil, 'icha yaj yuj smam, atn David, sec wach' a eb' ya'mal 'och sti eb' 'anma', tztac' yiln eb' yopiso, yet' eb' levita, atn eb' 'aych 'a yib'n̈ sb'itn 'a Dios, tzcolwj pax eb' yet' eb' ya'mal 'och sti eb' 'anma 'a junjn c'u 'a tas yowlal tzc'anxi. Yet' pax yic tas tz'aj yoch eb' tan̈m puerta 'a stzol-l 'a junjn puerta, yujto 'ixta yutjnac can David yalni, atn schecb' Dios.

Nehemías 11:19

A eb' tan̈m puerta: atn Acub, Talmón yet' eb' yican eb', 'ay 172 eb' tztan̈wni puerta chi 'a smasnil.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.