A Ch'an̈ Schab'il Libro Yic Yab'ixal Eb' Rey 22:14 - Chuj San Sebastian Bible

¹⁴ Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

Chuj San Mateo Bible

¹⁴ Yuj chi' ix b'at vin̈aj sacerdote Hilcías, vin̈aj Ahicam, vin̈aj Acbor, vin̈aj Safán yed' vin̈aj Asaías yil ix schecab' Dios, ix scuchan Hulda yetb'eyum vin̈aj Salum yuninal vin̈aj Ticva, yixchiquin vin̈aj Harhas. A vin̈aj Salum chi', a vin̈ stan̈van b'aj sic'chaj c'apac pichul d'a templo. A ix Hulda chi', a d'a junxo macan̈ yic Jerusalén toto b'onac, ata' cajan ix. Ayic ix lolonb'at eb' vin̈ d'a ix,

A Ch'an̈ Schab'il Libro Yic Yab'ixal Eb' Rey 22:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 10:22

'Ix yaln Jehú 'a jun mach 'aj cuenta smoln pichul: 'Ac' 'elt jun tzo'n̈ pichl tzya'ch eb' 'anma tz'och 'emmquilal 'a Baal, xchi. 'Ix ya'n 'elt win jun tzo'n̈ pichl cha, 'ix ya'n 'och eb' 'anma cha.

A Ch'an̈ Schab'il Libro Yic Yab'ixal Eb' Rey 22:15

'ix ta'w 'ix 'a eb' 'ixtic: —'Ixtc 'ix yutj Jehová yalni, atn qui Diosalec an̈ israel on̈ec tic: Alc 'a jun winc chi ex checn cot wul e c'anb'c 'ayin,

2 Cr 34:22

Xlajw cha, 'ix 'at Hilcías yet' jun tzo'n̈ xo eb' xchecx 'at yuj win rey, yic tz'at sc'umnc eb' 'ix Hulda 'ix schecb' Dios, yistzil Salum, yunnal Ticva, yixchicn Harhas, atn scuenta smoln smasnil pichl 'a yatut Jehová. Ata cajn 'ix 'a jun schamacn̈il chon̈b' 'a Jerusalén.

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Jeremías 39:14

a ewin in 'at 'a'nc 'ijxoc cot 'a 'amc' 'a 'aj 'ayn 'och 'a preso. In ya'n can 'och eb' 'a yol sc'ab' win Gedalías yunnal Ahicam win yixchicn Safán, sec tzin ya'ilx yu'uj. In ya'n win 'ijxoc 'at 'a yatut, 'ixta in 'aj in can cajn 'a scal eb' wit chon̈b' 'aycn 'a Judá.

Ez 13:17

Ach 'anma', a ticnec al 'a jun tzo'n̈ eb' 'ix et chon̈ab', eb' 'ix cob' xyalch sb'a in checb'oc. A eb' 'ix cha, mun cob' tzyal eb' 'ix junc tas 'a yol yico'.

Miqueas 6:4

'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

Sofonías 1:10

An Jehová in an tzwala: A 'a yic jun c'ul cha, til wal 'oj 'ab'xoc yoch 'aw 'a spuertail yic no chay, yet' pax 'a junx stz'acb' chon̈b' tot b'ob'il. 'Oj 'ab'xoc pax yel yaw eb' 'anma yuj c'acp 'oj laj cot lan̈njoc 'a lum tzalctac.

Lc 2:36

Ata 'ayc' pax jun 'ix 'ix tzyac' Dios alnc 'el spaxti'. Ana sb'i 'ix. Yisl win Fanuel yin̈tl can Aser, caw chichm xo 'ix. A yic cob's to 'ix, yijnac 'ix jun yichmil, uquen̈ej ab'il yij sb'a 'ix yet' winac, scham winac.

A Tas Sc'ulejnac Eb' Schecab' Jesús Hechos 21:9

'Ay chan̈wn̈ yisl Felipe cha, mant 'a yichmil eb', cob'stact eb'. Tzyac' Dios yal-l eb' spaxti'.

1 Co 11:5

Ax eb' 'ix 'ix, toto may jac tas 'ay q'ue 'a sjolm eb', tzleslwi eb', tzyaln 'el eb' spaxti Dios, a sjolm eb' chi tzyac' sq'uixwloc. 'Icha to joxb'il 'el sjolm eb' cha.

Jueces 4:4

A 'a yic jun tiempoal cha, 'ay jun 'ix 'ix 'aych yajlil 'a scal eb' israel, Débora sb'i 'ix, schecb' Dios yaji, yistzil jun win tzcuch Lapidot.