A Ch'an̈ Schab'il Libro Yic Yab'ixal Eb' Rey 20:8 - Chuj San Sebastian Bible

⁸ A yic mantzac b'ox sc'ojl win Ezequías c'anb'n win 'a Isaías 'ixtic: —¿Tas junc senya 'oj wila' yic tznachj 'el wu'uj to a Jehová 'oj 'a'n b'oxc in c'ojol, yet' pax yic 'oj in 'at 'a yatut Jehová 'a chab'j cha? xchi 'a 'a.

Chuj San Mateo Bible

⁸ Ayic manto b'o jun remeyo chi', ix sc'anb'an vin̈aj Ezequías chi' d'a vin̈aj Isaías chi' icha tic: —¿Tas junoc yechel ol vila' yic ol nachajel vuuj to a Jehová ol ac'an b'oxoc in c'ool, yic syal in b'at d'a stemplo d'a chab'ej chi'? xchi vin̈.

A Ch'an̈ Schab'il Libro Yic Yab'ixal Eb' Rey 20:8 ပူးပေါင်းရင်းမြစ်များ

Gn 15:8

—'Ix yaln Abram 'ixtic: Ach Wajlil Jehová, ¿tas wal tzwutj wojcan 'eli toto yel 'oj wico'oc jun lum tic? xchi.

A Ch'an̈ Schab'il Libro Yic Yab'ixal Eb' Rey 19:29

Xlajw cha, 'ix yaln Isaías 'ixtc 'a Ezequías: 'Ay jun senya 'oj ch'oxxoc eyil yuj tastc tot 'oj ujoc: 'Oj e wa 'ixm trigo mun tzpac' 'a jun ab'il tic yet' 'a junx ab'il; palta ax 'a yoxl ab'il, ax xo 'oj eyawc tas 'a lum lu'um, ax e jach'w paxi, 'oj eyawc eyuva ax e lon sat.

A Ch'an̈ Schab'il Libro Yic Yab'ixal Eb' Rey 20:5

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

A Ch'an̈ Schab'il Libro Yic Yab'ixal Eb' Rey 20:7

Xlajw cha, 'ix ya'n pax Isaías chi tenxoc b'o jac sat te higo 'ix sucx 'och 'a sat jun syab'il win rey cha, 'ix b'ox can sc'ojl winac.

A Ch'an̈ Schab'il Libro Yic Yab'ixal Eb' Rey 20:9

—Atn jun senya 'oj sch'ox Jehová 'aych tic, sec wach' 'oj nachjc 'el o'oj, to 'oj 'el'choc tas 'ix yala: Ach 'oj ala', toto tz'at lajn̈c'ajoc swewenal yoc c'u 'a yojltac, mto tzmeltzj lajn̈c'ajoc 'a spatic yic tzch'oxn hora 'a sat q'uen reloj, xchi Isaías.

Is 38:21

Xlajw cha, 'ix ya'n Isaías chi tenxoc b'o jac te sat higo, 'ix sucx 'och 'a sat jun syab'il win rey cha; cojn cha, 'ix b'ox sc'ojl winac.

Is 38:22

Yuj cha, sc'anb'n win Ezequías chi 'ixtc 'a Isaías cha: ¿Tas wal junc senya 'oj ch'oxxoc wila', sec 'oj nachjoc 'el wu'uj, ax in 'atx 'a yatut Jehová? xchi winac.

Is 7:11

C'an el junc senya 'a Jehová qui Diosal. Tztac' sch'oxn el junc milagro 'a xab'l yich lum lum tic, mto pax 'a snajtil yib'n̈ satcha'an̈, xchi Isaías chi 'a winac.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Lc 18:10

'Ay chawn̈ winc x'at leslwoc 'a yatut Dios. 'Ay jun win fariseo yet' jun win tecm 'el tumin.

Lc 2:12

'Oj eyila', b'ac'b'il 'och nip 'a jun tz'ulc 'unn cha, 'ayc' 'a yol jun sjucb' no chej 'aj tzwa no'. 'Ixta 'oj 'aj snachj 'el eyu'uj to a', xchi jun ángel cha.

Jueces 6:17

—Toto wach'n 'a a sat, tzin tew 'ayach, ch'ox junc milagro wila', sec tznachj 'el wu'uj, chajtlto schecb' ach Dios.