A Ch'an̈ Schab'il Libro Yic Yab'ixal Eb' Rey 2:8 - Chuj San Sebastian Bible

⁸ Xlajw cha, 'ix spacn Elías te spotil, sma'n 'ejm 'a yib'n̈ a', yuj cha, chab' x'el a'. 'Ixta to b'i'an 'ix 'ec' eb' schawn̈il 'aj xtacj can lu'um.

Chuj San Mateo Bible

⁸ Ix lajvi chi' ix spacan jun sjucan pichul vin̈aj Elías chi', ix spajanem vin̈ d'a sat a' Jordán chi'. Ix spojan sb'a a', taquin̈ ix aj b'aj ix ec' eb' vin̈ d'a yol a' chi'.

A Ch'an̈ Schab'il Libro Yic Yab'ixal Eb' Rey 2:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:13

A yic xyab'n Elías, 'ix smacn sat yet' jun spotil, 'ix 'elta, axta xcan lin̈n 'a yol sti q'uen n̈aq'uen cha. At wal cha, 'ix 'och jun 'aw 'a 'a, 'ix yaln 'ixtic: Elías, ¿tas yuj 'aych 'ec' 'a tic? xchi.

A Ch'an̈ B'ab'el Libro Yic Yab'ixal Eb' Rey 19:19

'Ix meltzj Elías 'a jun lugar cha, ax x'aji, 'ix c'och 'a 'aj wan st'ocw lum Eliseo. 'Ay lajchwan̈ mojn no wacx tzt'ocw lum 'a 'a, a 'a no slajub', ata tza'n 'och Eliseo. Yajn̈ej 'ix 'ec' Elías 'a sat, 'ix spotn 'at jun spotl 'a yib'n̈ Eliseo cha.

A Ch'an̈ Schab'il Libro Yic Yab'ixal Eb' Rey 2:14

'Ix sma'n 'ejm jun spotl Elías chi 'a yib'n̈ a', 'ix yaln 'ixtic: ¿'Ajtil 'ay spoder Jehová sDiosal Elías? xchi. Wanto wal yejm te pichl chi 'a yib'n̈ a', ax x'aji, 'ix poj sb'a snan̈l a', 'ixta to b'i'an 'ix 'ec' Eliseo 'a yojl a'.

Ex 14:29

Ax smasnil eb' israel, caw wach' 'ix 'aj eb' yec' 'a jun b'e tacn̈ 'a yojl a mar cha, atn 'a snan̈l chab' a 'icha muro 'ix 'ajcn chan̈ 'a sti b'e cha.

Is 11:15

'Oj yac' Jehová tup chan̈ jun sc'ab' a Chac mar. Ax ya'n cot jun niwquil 'ic' caw c'ac' 'a yib'n̈ 'a niwn a Éufrates. 'Oj tupcn chan̈ a', uque 'oj 'elcn a 'a yet'l cha. Wach' 'oj 'ec' 'anma 'a yojl a', man̈x yowlalc tzyij 'el eb' xan̈ab'.

A Ch'an̈ Carta D'a Eb' Hebreo 11:29

A eb' israel cha, ya'jnac 'och eb' Dios 'a sc'ojol. Yuj cha, yec' eb' 'a snan̈l a Chac Mar, 'icha yic tzon̈ b'ey 'a tacn̈ lu'um. Palta ax eb' 'aj Egipto, yic cob' ya'lni eb' yeq'ui, c'uxn laj jic'w cham eb' yuj a'.

A Ch'an̈ Carta D'a Eb' Hebreo 11:37

'Ay eb' julxnac cham yet' q'uen q'ue'en. 'Ay eb' polb'il t'ucchjoc snan̈l yet' q'uen serucho. 'Ay eb' caw 'ajxnac prowal. 'Ay pax eb' chamnc yuj q'uen espada. 'Ay eb' 'icha xoj meb'a'il yeq'ui. Cojxn stz'umal no calnelu, no chiwo 'aych spichloc eb'. Caw meb'a eb', til wal yailal 'ec' yab'jnac eb', yajx pax 'och syailal eb'.

Apoc 16:12

Xlajw cha, ax jun swacl ángel, 'ix secn 'ejm sb'al svaso 'a yib'n̈ a niwquil a Éufrates. Ax jun a cha, 'ix tupi. 'Ix tacj can sb'e a'. 'Ixta x'aj sb'o jun sb'e eb' yajl xcot 'a stojlal 'aj tzq'uel c'u.

A Ch'an̈ B'ab'el Libro Samuel 28:14

—¿Tas yilx jun? xchi winac. —'Ay jun winc caw wal 'ichm xo, 'aych jun sjucn pichl yu'uj, xchi 'ix. Atta 'ix nachj 'el yuj Saúl, chajtlto a Samuel 'ix ch'ox sb'a. Yuj cha, 'ix 'em n̈ojnjoc, squiln 'ejm snan̈l sat 'a sat lu'um.