A Ch'an̈ Schab'il Libro Yic Yab'ixal Eb' Rey 2:5 - Chuj San Sebastian Bible

⁵ 'Ix 'elt eb' schecb' Dios 'ay 'a Jericó cha, yic tzwul schaxoc eb', 'ix yaln eb' 'a Eliseo 'ixtic: —¿Ojc ama to 'oj yi'l Jehová win a cuymal tic 'a a tz'ey ticnec? xchi eb'. —N', wojc xo, man̈ eyal 'ayin, xchi.

Chuj San Mateo Bible

⁵ Ix eltapax eb' vin̈ schecab' Dios ayec' ta' scha eb' vin̈, ix yalan eb' d'a vin̈aj Eliseo chi': —¿Ojtac ama to a ticnaic ol ic'joquel vin̈ a c'ayb'umal tic d'ayach yuj Jehová? xchi eb' vin̈. —Vojtacxo, tz'inec xe chi, xchi vin̈.

A Ch'an̈ Schab'il Libro Yic Yab'ixal Eb' Rey 2:5 ပူးပေါင်းရင်းမြစ်များ

Gn 48:19

Palta ma'ix yal sc'ojl smam cha, xlajw cha, xyaln 'ixtic: —Wojc xo ach wunnal, a ni tic niwn nacion̈ 'oj 'el 'a eb' yin̈tl ni b'aq'uin̈, palta ax ni tza'n tic, yel xo wal caw niwquil 'oj 'aj 'el'ch ni b'aq'uin̈. A eb' yin̈tl na, til wal nacion̈ 'oj 'aj 'el'ch eb', xchi winac.

A Ch'an̈ B'ab'el Libro Yic Yab'ixal Eb' Rey 20:35

Palta 'ay jun winc 'a scal eb' schecb' Dios, 'ix yaln 'a junx win ajun yet'oc, yujto a Dios 'ix aln 'a 'a, yuj cha, xyaln 'ixtic: —Tzwal 'ayach to tzin a mac' lajwoc, xchi. Palta ma'ix yal sc'ojl junx win cha.

A Ch'an̈ Schab'il Libro Yic Yab'ixal Eb' Rey 2:3

'Ix 'elt eb' schecb' Dios 'ay 'a Bet-el cha, yic tzwul schaxoc eb', 'ix yaln eb' 'a Eliseo 'ixtic: —¿Ojc ama to 'oj yi'l Jehová win a cuymal tic 'a a tz'ey ticnec? xchi eb' 'a 'a. —N', wojc xo, man̈ eyal 'ayin, xchi.

A Ch'an̈ Schab'il Libro Yic Yab'ixal Eb' Rey 4:1

'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic: —A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.

A Ch'an̈ Schab'il Libro Yic Yab'ixal Eb' Rey 5:22

'Ix ta'w Giezi 'ixtic: —Ma'ay, wach'n̈j yaji. A win wajlil tzin checn wul wal 'ayach: At wal sjaw chawn̈ eb' quelmtac winc schecb' Dios tic 'ayin, ata 'ix cot eb' 'a eb' lum jolmctac witz 'a yol yic Efraín, tzin tew 'ayach to tzac' 'oxe'oc mil q'uen tumn plata 'ayin, yet' chab'oc mojn 'a't pichul, xchi winac, xchi 'a 'a.

A Ch'an̈ Schab'il Libro Yic Yab'ixal Eb' Rey 6:1

Ax eb' schecb' Dios 'ix aln 'a Eliseo 'ixtic: —'Ilto, a jun lugar 'aj cajn on̈c 'ec' tic, caw wal witz'an.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

Ec 3:7

'Ay yorail tzjat junc tas, 'ay pax yorail snipxi. 'Ay yorail sictac tzon̈ 'ajec, 'ay pax yorail tzon̈ paxtinec.

Is 41:1

Tzyal Dios 'ixtic: Ex chon̈b' cajn 'a sti a mar, sictac tzex 'aj 'a wojltac. Te'wtzejc e b'a e masnil ex nacion̈. Cotn̈ec, yamn tzon̈ 'ajec, tzqui mol alnec jun tzo'n̈ tic.

Am 7:14

'Ix ta'w Amós 'a win 'ixtic: —An tic, man̈ schecb'oc Dios waji, matz in nib'j pax 'ixta tzin b'o'o. An tic, cajm in noc', si'm in sat calte'al higo, wach'n̈j yilchj tas tzin c'uxu.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Lc 24:51

Wanto sc'ann jun cha, 'ix 'ijx 'at 'a satcha'an̈, xcan eb' yu'uj.

A Tas Sc'ulejnac Eb' Schecab' Jesús Hechos 1:11

'Ix yaln eb' 'a eb' 'ixtic: —Ex winc 'aj Galilea, ¿tas yuj an̈ja q'ueln ex q'ue 'a satcha'an̈? A Jesús tic, 'ix 'ijx 'el 'a e cal, 'ix pax 'a satcha'an̈. 'Icha xeyil s'at tic, 'ixta 'oj jawc paxi, xchi eb' 'a eb'.

A Tas Sc'ulejnac Eb' Schecab' Jesús Hechos 1:2

masnto xjaw jun c'u yic 'ix pax 'a satcha'an̈. Yic mantzac paxi, 'ix yaln can jun tzo'n̈ schecnb'il 'a eb' schecab', atn eb' sic'b'il 'el yu'uj. 'Ixta x'ajx yal yuj Yespíritu Dios.

A Tas Sc'ulejnac Eb' Schecab' Jesús Hechos 26:25

Palta 'ix ta'w Pablo chi 'ixtic: —Ach gobernador Festo, man̈ in owyaoc. A jun tzo'n̈ paxti tzwal 'ayx tic, caw yel, caw 'ay yel'chi.

A Ch'an̈ B'ab'el Libro Samuel 10:5

'Oj lajwc cha, ax e c'och 'a Gabaa 'aj tzyal sb'a eb' 'anma 'a Dios. Ata 'ay yet'l junc'aj eb' soldado filisteo ta'. Ax yic 'oj eyoch 'a yol chon̈b' cha, 'oj 'ilchjoc jun tzo'n̈ eb' schecb' Dios eyu'uj, xoj sb'itn eb', wan spax 'emt eb' 'a 'aj tz'och 'emmquilal 'a Dios. B'ab'l eb' tzyucn salterio, pandero, amay yet' arpa.