A Ch'an̈ Schab'il Libro Yic Yab'ixal Eb' Rey 2:23 - Chuj San Sebastian Bible

²³ Xlajw cha, 'ix 'at Eliseo 'a chon̈b' Bet-el. A yic wan sb'ey 'a jun b'e tzq'ue'ch 'a chon̈b' cha, 'ix 'elt jun tzo'n̈ quelmtac winc 'aj chon̈b' chi 'a sat, 'ix syamn 'och eb' sb'ajni, 'ix yaln eb' 'a 'ixtic: Q'uen̈ta ach wacal jolom, xchin̈j eb'.

Chuj San Mateo Bible

²³ Ix lajvi chi', ix b'at vin̈ d'a Betel. Ayic van sq'ue vin̈ d'a sb'eal chi', ay jun n̈ilan̈ eb' vin̈ quelemtac ay d'a jun chon̈ab' chi' ix elta d'a yol sb'e vin̈, ix och ijan eb' vin̈ sb'ajan vin̈, ix yalan eb' vin̈: Q'uean̈ ach d'en jolom. Q'uean̈ ach d'en jolom, xchi eb' vin̈.

A Ch'an̈ Schab'il Libro Yic Yab'ixal Eb' Rey 2:23 ပူးပေါင်းရင်းမြစ်များ

Gn 21:9

Ax xyiln 'ix Sara to a win yunnal Abraham yet' 'ix Agar, 'ix 'aj Egipto, to tzb'uchwj win 'a win Isaac.

A Ch'an̈ Schab'il Libro Yic Yab'ixal Eb' Rey 2:11

Ya' sb'a wan sb'ey eb', wan pax spaxtin eb', yajn̈j wal cha, 'ix checlj q'ue wan jun caruaje c'ac' yilxi, toc'b'il yuj chawn̈ chej c'ac' pax yilxi. A x'i'n 'el Elías chi 'a stz'ey Eliseo, 'ix 'ijx 'at win 'a satchan̈ 'a scal jun chacxuxm 'ic'.

A Ch'an̈ Schab'il Libro Yic Yab'ixal Eb' Rey 2:2

'Ix yaln 'ixtc 'a Eliseo: —Cann̈ 'a tic, yujto tzin checx 'at yuj Jehová 'a Bet-el, xchi Elías. —Tzwac' in ti 'a yojltac Jehová to tzin 'at et'oc, xchi Eliseo cha. Xlajw cha, 'ix 'at eb' schawn̈il 'a Bet-el cha.

A Ch'an̈ Schab'il Libro Yic Yab'ixal Eb' Rey 2:22

'Ix b'ocn a', 'icha 'ix yutj Eliseo yalni, masnto ticnec.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Job 19:18

'Ixta pax eb' 'unn 'a b'esan, tzin schacl eb', a yic tzin laj yiln eb', tzin sb'uchn eb'.

Job 30:1

Palta ax ticnec, a eb' quelmtac winac ton̈j tzin stzetzj eb', a 'a yic yaln̈tax cha, man̈ smojc xin chaj 'och wan smam eb' yet' e no in tz'i tztan̈wni in calnelu.

Salmos 31:17

A 'aych wan waln in b'a, man̈ a cha wac' in q'uixwloc. A cab' eb' maysch'olnil tzyac' sq'uixwloc; 'a'cn 'at eb' 'a 'aj caw cusltac yilxi, atn 'a yet'l eb' chamnac.

Salmos 31:18

Sictac cab' tz'aj eb' 'a'm 'es, yujto tzyal eb' b'uchwal paxti', tzpatquiln can 'el smasnil eb' 'anma wach' snab'en.

Salmos 35:15

Palta ax yic in telw 'ejm yuj in yailal, 'ix q'ue somnjoc eb' in stzetzn smasnil; 'icha to chuc 'anmal eb', coynto man̈ in yojcoc eb', toc tzyactj eb' in sb'ajni.

Pr 20:11

Yuj sb'eyb'al junc mach tz'ojcax 'eli to wach' snab'en; wach'xam eb' 'unin, tzcheclj 'el 'a eb' toto wach' eb'.

Pr 22:15

A man̈ nab'enal 'aychn̈ej 'a eb' 'unin, ax yic tzma'x eb' yet' jixc'ab'te', tz'el jun chi 'a eb'.

Pr 22:6

Cuyc eb' 'unn 'a wach' b'eyb'al, sec ax yic 'oj 'och eb' 'ichm 'anma'il, ma'oj yi'l eb' snab'en 'a jun cuynb'il tic.

Ec 11:10

'Ijec 'el e b'a 'a 'ilc'ojlal, man̈ ex 'och 'il yuj junc yailal 'a e niwnal, yujto a eyip caw wal yajn̈ej tz'eq'ui, may jac yel'chi.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Is 3:5

Ax eb' 'anma', 'oj q'ue b'uynjoc eb' yac' owal, 'oj laj yac' eb' owl yet' eb' cajn 'a stz'ey. Ax eb' quelmtac, 'oj yac' eb' owl yet' eb' 'ichmtac winc to 'ay yel'ch 'a sat eb' 'anma'.

Jeremías 20:7

Mamin Jehová, caw ton̈j in 'a montej. 'Ix in yiclj tas 'ix ala. Yel xo wal caw 'ay ep, yuj cha, in 'ejm o'oj. Smasnil tiempo tzin tzetzxi, smasnil xoj 'anma tzin b'uchni.

Jeremías 20:8

A yic tzin paxtin 'a eb' 'a junjn 'ejem, tzwaln 'ixtc 'a eb': 'Oj jawc yailal 'a eyib'an̈, 'oj e lajw 'eli, xin chi 'a eb'. Yuj wal cha, 'ayn̈j 'och eb' yaln tu paxti 'ayin, tzin sb'uchn pax eb', yujn̈ej to tzwal-l a paxti'.

Jeremías 7:18

A eb' 'unnab'il tzsayn cot te c'atzitz, ax eb' mamb'il tzecn 'och te c'ac', ax eb' 'ix nunb'il tzb'on 'ixm c'oxox, yic tzya'n eb' ofrendail 'a jun comn dios tzcuch syajlil satcha'an̈. Caw tzuntzj cot eb' yowl in c'ojol, yic tzya'n eb' yal uva 'a jun tzo'n̈ chuc diosal.

Os 10:15

Yuj wal jun e niwquil mul cha, ax yec' smasnil jun tzo'n̈ chi 'a eyib'n̈ ex 'aj chon̈b' Bet-el. Yuj cha, a win e reyl ax 'aj Israel ex tic, a wal sq'uin̈lb'i 'eli, ax scham winac, xchi Dios.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Os 4:15

Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Lv 13:40

Toto 'ay junc winc tzpucl xil sjolom, tzann̈j 'aj tzpucl 'a sjolm cha, man̈x 'a xil tzcani, a jun cha, man̈ yab'iloc, may smay jun cha.

Am 3:14

A yic 'oj jawc jun c'u yic 'oj wa'nc 'och yailal 'a yib'n̈ eb' israel yuj jantc smaysch'olnilal eb' tzb'o'o, a yic cha, c'uxn 'oj in ma'cn lan̈chjoc jun tzo'n̈ yet'l xajmb'al eb' 'a Bet-el. A sch'ac jun tzo'n̈ yet'l xajmb'al cha, 'oj ma'xoc 'ejm b'uychjoc 'a sat lu'um.

Am 4:4

An Jehová in, an tzwala: 'In tze nib'j e b'o tas tze nib'ej, yuj cha, 'ixquec 'a Bet-el, yet' 'a Gilgal 'aj tz'och jun tzo'n̈ niwc yamnil, 'a'c e nab'en e b'on jantc maysch'olnilal tze nib'j e b'o ta'. 'Ijc 'at e xajmb'al 'a junjn sq'uin̈b'ial, 'a'c e diesmo 'a yoxtquil c'ual.

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Am 7:13

palta may cab' tas tzal-l 'a yib'n̈ Bet-el tic, yujto a 'a tic tz'och win rey 'emmquilal, caw niwn yel'ch jun n̈a tic 'a smasnil yol qui macb'en tic on̈, xchi Amasías cha.

Gl 4:29

Palta a 'a pecti cha, a win ton̈j 'aljnac, 'icha tz'aj yalj junjn 'anma', ya'jnac 'och yailal 'a yib'n̈ jun 'aljnac yuj spoder Yespíritu Dios. 'Icha yutjnac sb'a win cha, 'ixta tzon̈ yutjec eb' tz'ajx mandar yuj ley ticnec.

A Ch'an̈ Carta D'a Eb' Hebreo 11:36

'Ay jun tzo'n̈ xo eb' yab'jnac syal sb'uchxi, sma'xi. 'Ay eb' jalxjnac yet' q'uen cadena, yoch pax eb' 'a preso.