A Ch'an̈ Schab'il Libro Yic Yab'ixal Eb' Rey 2:19 - Chuj San Sebastian Bible

¹⁹ 'Ix yaln eb' 'anma cajn 'a jun chon̈b' chi 'a Eliseo 'ixtic: —'Ilto, a jun lugar 'aj 'ay jun chon̈b' tic caw wach', 'in tzel quet'oc, palta may tas tz'el 'a sat qui lu'um, yujto man̈ wach'c a a 'ay 'a 'a, xchi eb'.

Chuj San Mateo Bible

¹⁹ Ix yalan eb' anima cajan d'a jun chon̈ab' chi' d'a vin̈aj Eliseo chi' icha tic: —Mamin, ilnab' val yilji jun lugar tic, te vach', palta malaj tas tz'el d'a sat luum yujto man̈ vach'oc a a' ay d'a luum, xchi eb'.

A Ch'an̈ Schab'il Libro Yic Yab'ixal Eb' Rey 2:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 16:34

A 'a yic 'aych win Acab reyal, ata 'ix scha b'oj pax chan̈ win Hiel 'aj Betel chon̈b' Jericó. A wal yem yipnub'al yich jun chon̈b' cha, 'ix cham jun sb'ab'l 'unnal win tzcuch Abiram. Ax yic x'och spuertail jun chon̈b' cha, ata 'ix cham junx yunnal tza'n 'unin, tzcuch Segub. 'Ixtnta x'aj yel'ch tas yaljnac can Jehová 'a win Josúe, win yunnal Nun.

A Ch'an̈ B'ab'el Libro Yic Yab'ixal Eb' Rey 18:13

¿Tom may mach 'ix aln ab'i', tas xin b'o an tic yic 'ix smiln cham 'ix Jezabel eb' schecb' Jehová? An 'ix in c'ub'j 'el jun ciente eb' schecb' Jehová, nan̈l ciente xwutj in c'ub'n 'el eb' 'a yojl chab' q'uen n̈aq'ue'en, 'ix wa'n wa eb', xwa'n yuc' eb' a'.

A Ch'an̈ B'ab'el Libro Yic Yab'ixal Eb' Rey 18:7

A yic wan yec' win Abdías sayj yan̈ chej cha, a yic cha, 'ix 'el-l win Elías 'a yol b'e. Yajn̈ej 'ix yiln 'ochi. 'Ix 'em n̈ojnjoc win 'a yojltac, 'ix yaln 'ixtic; —¿Mamin, man̈oc ach am Elías ach? xchi.

A Ch'an̈ Schab'il Libro Yic Yab'ixal Eb' Rey 2:18

Xlajw cha, 'ix meltzj eb' 'a Jericó, yujto ata 'aycn Eliseo. 'Ix yaln 'a eb' 'ixtic: —'In 'ix wal 'ayex, may mach tz'ati, xin chi, xchi 'a eb'.

A Ch'an̈ Schab'il Libro Yic Yab'ixal Eb' Rey 2:20

—Xlajw cha, 'ix yaln 'ixtc 'a eb': —'Ijec cot 'atz'm 'atz'm 'ayn 'a yol junc niwquil 'a't 'uc'ab', xchi. 'Ix yi'n cot eb' jun 'uc'b' 'atz'm chi 'a 'a.

Ex 15:23

'Ix jaw eb' 'a lum lum 'aj 'ay cob' a a', palta ma'ix stac' yu'n eb', yujto caw wal c'a a'; yuj cha, Mara 'ix ya'cn eb' scuch jun lugar cha.

Ex 23:26

'Oj wac' najtxb'oc e q'uinal. Ax 'a yol e chon̈b' cha, may junc 'ix 'ix ton̈j 'oj 'ec' yune', may pax junc 'ix ma'oj 'unewoc.

Ex 7:19

An̈jtona', 'ix yaln pax Jehová 'a Moisés 'ixtic: —Al 'a Aarón to tzya't sc'ab' yet' sc'occh 'a yib'n̈ smasnil a a 'a yol yic Egipto tic: a spac'b'a', a cotc a', a ton̈j pan̈n 'eq'ui, a 'ay 'a yol q'ue'en yet' a 'ay 'a yol jucub', 'oj 'och eb' a chic'al. An̈jtona a molb'il 'a yol b'el, 'a yol tzu, 'a yol q'uen ch'ub', c'uxn 'oj 'och a chic'al, xchi.

Os 9:14

'Ix waln 'a Dios chi 'ixtic: Mamin Jehová, a tas smoj a'n 'a jun chon̈b' tic, 'ac' 'a 'a. Man̈x 'a cab eb' 'ix 'ix tz'unewi. Toto 'ayt eb' 'ix tzat 'alj yune jun, man̈x 'a cab' pax yal yim eb' 'ix, sec man̈xtzac stac' ya'n chuw eb' 'ix yune cha, xin chi 'a 'a.

Nm 12:11

Yuj cha, 'ix yaln Aarón 'ixtc 'a Moisés: ¡'Ac' wal niwnc'ojlal 'ayn̈ on̈ mamin, man̈ a'ch jun yailal tic 'a quib'n̈ on̈, yuj qui man̈ nab'enal on̈, yuj cha, 'ix 'och qui mul on̈!

Dt 28:11

A Jehová caw 'oj sch'ox swach'c'ojlal 'ayex, til wal 'oj 'aj eyunnal. Til wal 'oj 'aj yune e cajb'en noc'. Til wal pax 'oj 'aj sat eyawb'en 'a sat lum lum 'aj ya'jnac sti ya'n 'a eb' qui mam quichmec.

1 Ti 5:17

A eb' anciano wach' tzyutj ya'n cuenta eb' yit creyenteal, yowlal caw 'ay yel'ch eb' 'a sat eb' creyente smasnil, tzyac' eb' yip scuywji, tzyaln 'el eb' spaxti Dios, yowlal yel xo niwn cab' yel'ch eb' 'a sat eb' yit creyenteal.

Josué 6:17

Tox 'ix yala to tzsatl jun chon̈b' tic yet' smasnil 'anma cajn 'a 'a. Cojxn 'ix Rahab, 'ix 'ajmul 'ix, cojxn 'ix 'oj colchjoc can 'el yet' eb' xc'och scol sb'a 'a yatut 'ix, yujto a 'ix xc'ub'n 'el eb' 'ilwjum qui checjnaquec coti.

Josué 6:26

Xlajw cha, xyaln Josué jun tzo'n̈ spaxti tic 'ixtic: Scatb'oc cab' Jehová junc mach tznib'j b'onc pax chan̈ jun chon̈b' tic b'aq'uin̈. Cham cab' sb'ab'l 'unnal yic tz'em smuroal yich, ax yic tz'och spuertail, a cab' win stza'n 'unn tzchami, xchi.