A Ch'an̈ Schab'il Libro Yic Yab'ixal Eb' Rey 2:15 - Chuj San Sebastian Bible

¹⁵ A yic 'ix yiln eb' schecb' Dios 'ayc' 'a Jericó cha, atn eb' najt xcan lin̈n yil eb', 'ix yaln eb' 'ixtic: A jun espíritu yic yopiso Elías a x'ochx can 'a Eliseo tic, xchi eb'. Xlajw cha, 'ix cot eb' wul scha', 'ix 'em n̈ojn eb' 'a yojltac.

Chuj San Mateo Bible

¹⁵ Ayic ix yilan eb' vin̈ schecab' Dios ay d'a Jericó, aton eb' vin̈ najat lin̈jab'can yila', ix yalan eb' vin̈ icha tic: A yopisio vin̈aj Elías ix ochcan d'a vin̈aj Eliseo tic, xchi eb' vin̈. Ix cot eb' scha vin̈, ix em n̈ojnaj eb' d'a yichan̈ vin̈.

A Ch'an̈ Schab'il Libro Yic Yab'ixal Eb' Rey 2:15 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:16

Ax win Jehú yunnal Nimsi, a win tza si'ch sreyloc chon̈b' Israel. Ax win Eliseo yunnal Safat, win 'aj chon̈b' Abel-meholá, a win tza si'x can 'och in checb'oc a jeloc.

A Ch'an̈ B'ab'el Libro Yic Yab'ixal Eb' Rey 20:35

Palta 'ay jun winc 'a scal eb' schecb' Dios, 'ix yaln 'a junx win ajun yet'oc, yujto a Dios 'ix aln 'a 'a, yuj cha, xyaln 'ixtic: —Tzwal 'ayach to tzin a mac' lajwoc, xchi. Palta ma'ix yal sc'ojl junx win cha.

A Ch'an̈ Schab'il Libro Yic Yab'ixal Eb' Rey 2:19

'Ix yaln eb' 'anma cajn 'a jun chon̈b' chi 'a Eliseo 'ixtic: —'Ilto, a jun lugar 'aj 'ay jun chon̈b' tic caw wach', 'in tzel quet'oc, palta may tas tz'el 'a sat qui lu'um, yujto man̈ wach'c a a 'ay 'a 'a, xchi eb'.

A Ch'an̈ Schab'il Libro Yic Yab'ixal Eb' Rey 2:7

Palta 'ay 50 eb' schecb' Dios 'ix jaw 'a yojltac 'at eb', najt 'ix cancn lin̈n eb' yilni. Ax eb' schawn̈il, 'ix c'och lin̈n eb' 'a sti a Jordán cha.

A Ch'an̈ Schab'il Libro Yic Yab'ixal Eb' Rey 4:37

'Ix snitzn 'o'ch sb'a 'ix 'a stz'ey Eliseo, squiln 'ejm 'ix snan̈l sat 'a sat lum 'a yojltac; xlajw cha, xyi'n pax 'elt 'ix jun yune cha.

A Ch'an̈ Schab'il Libro Yic Yab'ixal Eb' Rey 5:22

'Ix ta'w Giezi 'ixtic: —Ma'ay, wach'n̈j yaji. A win wajlil tzin checn wul wal 'ayach: At wal sjaw chawn̈ eb' quelmtac winc schecb' Dios tic 'ayin, ata 'ix cot eb' 'a eb' lum jolmctac witz 'a yol yic Efraín, tzin tew 'ayach to tzac' 'oxe'oc mil q'uen tumn plata 'ayin, yet' chab'oc mojn 'a't pichul, xchi winac, xchi 'a 'a.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

Is 11:2

A jun cha, 'aychn̈ej Yespíritu Jehová yet'oc, 'oj yac' sjelnal, 'oj yac' wach' nab'enal 'a 'a, 'oj yac' tojlal, 'oj yac' yip, 'oj yac' spoder, 'oj ya'n yojcoc 'el tas tznib'j Jehová, ax syiclni.

Is 59:21

Yuj cha, xyaln Jehová chi 'ixtic: A ticnec, tzin b'ocn jun in trato tic eyet'oc, tzwa'n can in ti', to a Wespíritu yet' jun tzo'n̈ cuynb'il xwa'cn 'ayex, may xon b'a'n̈ 'oj 'el 'ayex. 'Oj e cuycn eb' eyunnal 'a in checnb'il cha, ax eb' eyunnal chi 'oj cuync can pax yunnal b'aq'uin̈. Tzcan jun in trato tic eyet' 'a jun 'ejmn̈ej, xchi Dios.

Am 7:14

'Ix ta'w Amós 'a win 'ixtic: —An tic, man̈ schecb'oc Dios waji, matz in nib'j pax 'ixta tzin b'o'o. An tic, cajm in noc', si'm in sat calte'al higo, wach'n̈j yilchj tas tzin c'uxu.

Nm 27:20

Tza'n can jac a jelnal chi 'a 'a, sec wach' 'oj syiclc eb' 'anma tic tas 'oj yala'.

A Tas Sc'ulejnac Eb' Schecab' Jesús Hechos 1:8

Palta 'oj yac' Dios spoder 'ayex, yic 'oj 'ochcn Yespíritu 'ayx junjn ex. 'Oj lajwc cha, ax eyaln 'el wab'xil 'a Jerusalén tic, 'a smasnil yol yic Judea yet' 'a Samaria, masnto 'a jun tzo'n̈ xo lugar 'a 'aj tzlajw c'och yolyib'n̈q'uinl tic, xchi 'a eb'.

2 Co 12:9

Palta 'ixtc yutj yaln Cajlilec chi 'ayin: A in wach'c'ojlal, colb'iln̈ej 'ayach. Yujto a mach may spoder 'a yol yico', ata tzwach' checlj 'el in poder an tic, xchi 'ayin. Yuj cha, wach'xam may wel'ch an tic, palta caw tzin tzalji, sec tzwach' 'a'j Cristo spoder 'ayin.

Josué 3:7

Xlajw cha, xyaln Jehová 'ixtc 'a Josué: A ticnec, tz'el yich ach wi'n chan̈ yet' opiso 'a sat eb' et israelal tic, sec 'oj yil eb' to 'ayn 'och et'oc, 'icha 'ix wac' yet' Moisés.

Josué 4:14

A 'a yic jun c'u cha, 'ix yac' Jehová 'ijxoc chan̈ sjelnal Josué yuj eb' yit chon̈ab', to niwn yel'ch 'a sat eb', 'icha ya'jnac eb' yet' Moisés yic pitznto yet' eb'.

A Sb'ab'el Carta San Pedro 4:14

Toto 'ay eb' tzon̈ b'uchnec, yujto 'aych qui nab'enec 'a Cristo, caw tzaljc'ojlal quiquec. Yujto a Yespíritu Dios, atn jun caw niwn yel'chi, a cajn 'och 'ayn̈ec. [A eb' cha, tu tzyal eb' 'a spatc Cristo. Palta an̈ec xo tic, niwn yel'ch 'a qui satec.]

A Ch'an̈ B'ab'el Libro Samuel 10:5

'Oj lajwc cha, ax e c'och 'a Gabaa 'aj tzyal sb'a eb' 'anma 'a Dios. Ata 'ay yet'l junc'aj eb' soldado filisteo ta'. Ax yic 'oj eyoch 'a yol chon̈b' cha, 'oj 'ilchjoc jun tzo'n̈ eb' schecb' Dios eyu'uj, xoj sb'itn eb', wan spax 'emt eb' 'a 'aj tz'och 'emmquilal 'a Dios. B'ab'l eb' tzyucn salterio, pandero, amay yet' arpa.