A Ch'an̈ Schab'il Libro Yic Yab'ixal Eb' Rey 19:7 - Chuj San Sebastian Bible

⁷ 'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Chuj San Mateo Bible

⁷ A in svala' to ol vac'och jun xivc'olal d'a vin̈, yuj chi' ayic ol yab'an junoc ab'ix vin̈, ol meltzaj vin̈ d'a schon̈ab', ata' ol vac' miljoccham vin̈, xchi Jehová, xchib'at vin̈aj Isaías chi'.

A Ch'an̈ Schab'il Libro Yic Yab'ixal Eb' Rey 19:7 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:28

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argolla 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

A Ch'an̈ Schab'il Libro Yic Yab'ixal Eb' Rey 19:33

An Jehová in an tzwala, to a 'a sb'e 'aj 'ix jawi, ata 'oj meltzjoc paxi, caw ma'oj stac' xon yoch 'a yol chon̈b' tic.

A Ch'an̈ Schab'il Libro Yic Yab'ixal Eb' Rey 7:6

Yujto a Jehová 'ix 'a'n yab' eb' sirio 'a scamplamento, 'icha to xc'an̈ yec' jun tzo'n̈ caruaje yic owal, no chej yet' nan̈l soldado. Yuj cha, 'ix laj yal-lanc eb' 'a jun jun, to a sreyl chon̈b' Israel 'ix tojn win sreyl eb' hitita yet' win sreyl Egipto yic tzya'n eb' owl yet' eb' yalni.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Job 15:21

A yic tzyab'n eb' sc'an̈ junc tas, caw tzxiw eb' yu'uj, ax yic cob' may tas tzna eb', a paxta tzjaw maysch'olnil chi 'a yib'n̈ eb'.

Job 4:9

'Icha tz'aj satl tas yuj chacxuxm'ic', 'ixta tzyutj Dios satn 'el eb' tzb'on maysch'olnil chi yuj yowl sc'ojol.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Salmos 94:23

Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Jeremías 49:14

'Ix jaw jun 'ab'x 'ayn yuj Jehová: Wan schecn cot jun schecab', yic tzwul yalnc 'a eb' nacion̈ 'ixtic: Molb'tzejc e b'a, tzlajw cha, tzex 'at 'a Edom, 'a'c lista e b'a yic tzex 'at 'a owal, xchi.

Jeremías 51:1

Tzyaln Jehová 'ixtic: 'Oj wa' cot wal junc 'icha niwquil 'ic' caw ow 'a Babilonia yet' 'a eb' cajn ta', 'oj satxoc 'el eb' yu'uj.

Jeremías 51:46

Man̈ ex 'och 'il, man̈ ex xiw yuj jun tzo'n̈ 'ab'x tzalx 'a yol chon̈b' cha. 'A junjn ab'il, chucchc tas tzb'inaxi, cojxn tas 'et'jnac yailal tzb'inaxi, 'ayxn̈ej 'och eb' yajl 'a owal.

Abdías 1:1

An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom: 'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi. Yuj cha, tzyaln Jehová 'ixtc 'a Edom: