A Ch'an̈ Schab'il Libro Yic Yab'ixal Eb' Rey 19:6 - Chuj San Sebastian Bible

⁶ 'ix schecn 'at win eb' 'at yal 'a win rey chi 'ixtic: 'Ixtc 'ix yutj Jehová yalni: Man̈ ach xiw yuj jun tzo'n̈ paxti 'ix ab' cha. Caw tu 'ix yal win schecb' sreyl chon̈b' Asiria chi 'ayin, to matz tac' wuj yalni.

Chuj San Mateo Bible

⁶ ix schecanxib'at eb' vin̈ vin̈ yal d'a vin̈ rey icha tic: Icha val tic yalan Jehová: Man̈ ex xiv yuj tas ix yal jun vin̈ schecab' vin̈ sreyal Asiria chi', te chuc tas ix yal vin̈ d'ayin, max yal-laj in colvaj yalan vin̈.

A Ch'an̈ Schab'il Libro Yic Yab'ixal Eb' Rey 19:6 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:17

Xlajw xoj cha, 'ix schecn 'at sreyl Asiria schecb' 'a win Ezequías, atn 'oxwn̈ ewin syajlil eb' soldado, yet' jun b'uln̈ eb' soldado to caw wal jeln ya'n owal, caw 'ay yip, 'ix 'el eb' 'a Laquis, 'ix jaw eb' 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

A Ch'an̈ Schab'il Libro Yic Yab'ixal Eb' Rey 18:30

Tznib'j Ezequías to a Jehová tzeya'ch yipc e c'ojol, tzyaln cob' 'ixtic: Wal yel 'oj on̈ scolc Jehová qui Diosalec. Ax jun qui chon̈b' tic ma'oj ya'ch 'a yol sc'ab' sreyl chon̈b' Asiria, xchi cob'i'.

A Ch'an̈ Schab'il Libro Yic Yab'ixal Eb' Rey 18:35

¿Mach junc 'a scal jun tzo'n̈ sdiosal jun tzo'n̈ chon̈b' cha, tztac' scoln can 'el slum eb' 'a yol sc'ab' sreyl chon̈b' Asiria? ¿Tas yuj tze na'a to a Jehová 'oj stac' scoln 'el Jerusalén? xchi winac.

A Ch'an̈ Schab'il Libro Yic Yab'ixal Eb' Rey 19:22

¿Mach jun 'aj tu 'ix ala, 'ix a xib'tn paxi?. ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxni.

A Ch'an̈ Schab'il Libro Yic Yab'ixal Eb' Rey 19:5

A yic xyab'n Isaías tas 'ix yal eb' schecb' win rey Ezequías cha,

A Ch'an̈ Schab'il Libro Yic Yab'ixal Eb' Rey 6:16

—Man̈ 'ach xiwoc, caw niwn mach 'ayc' quet'oc, 'ec'b'al 'a yib'n̈ eb' 'ayc' yet' eb' cha, xchi Eliseo.

2 Cr 20:15

'Ix yaln Jahaziel chi 'ixtic: Sictac tzex 'aj eyab'n e masnil ex 'aj Judá, yet' e masnil ex cajn 'a Jerusalén, yet' ach rey Josafat. 'Ixtc 'ix yutj Jehová yalni: Man̈ ex xiwoc, man̈ eyec xiw e b'a 'a yojltac jun tzo'n̈ soldado caw niwn sb'isl cha, yujto a jun owl cha, man̈ eyico'oc, wic an Dios in tic.

2 Cr 20:17

Man̈oc ex 'oj eyac' owal. Ton̈j 'oj eyaj ta', may tas 'oj e b'o', ax eyilni tas 'oj wutc ex in coln 'el an Jehová in, xchi. Ex 'aj Jerusalén yet' ex 'aj Judá, man̈ ex xiwoc, man̈ eyac' chab'c'ojlal. Q'ui'nto tz'ex 'at eyac' owl yet' eb', yujto a Jehová 'aych quet'ec, xchi Jahaziel.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

Salmos 74:23

Man̈ ac' sat a c'ojl 'a eb' tzmeltzj 'och 'ayach, caw tzq'ue somnjoc eb' yel yaw.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Is 10:24

Yuj cha, xyaln Jehová 'ixtic: Ex in chon̈b' cajn 'a Sión, man̈ ex xiw yuj eb' 'aj Asiria, wach'xam tzex cob' smac' eb' yet' jixc'ab'te', mto yet' sc'ococh, 'icha yutjnacx eb' 'aj Egipto.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Jeremías 42:9

'Ix waln 'a eb' 'ixtic: A Jehová qui Diosalec an̈ israel on̈c tic jun 'aj in eyac' tewc yuj tas 'ix eyal 'ayin, a tzaln 'ixtic:

Lm 3:57

A 'a yic ach wawtn 'a jun c'u cha, ach jaw 'a in tz'ey, 'ix aln 'ayn 'ixtic: Man̈ ach xiwoc, xa chi.

Lv 26:8

Toto own̈ e b'ey ax tic, 'oj 'at 'elc junc ciente eb' eyu'uj, ax toto jun ciente e b'ey ax tic, lajn̈e mil eb' 'oj 'at 'elc eyu'uj. A eb' 'ajc'ojl cha, 'oj cham eb' eyu'uj.

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Josué 11:6

Palta xyaln Jehová 'ixtc 'a Josué: —Man̈ ach xiw 'a eb' 'anma cha, yujto yab'n 'icha hora tic q'uic'an, 'oj cham eb' smasnil 'a eyojltac wu'uj. 'Oj e mac' wecchjoc schej eb', ax e n̈usn pax scaruaje eb' cha, xchi.

Apoc 13:6

Caw tu xyal 'a spatc Dios. 'Ix b'uchwj pax 'a sb'i Dios cha, yet' 'a yatut Dios. 'Ix b'uchwj pax 'a eb' 'ay 'a satcha'an̈.