A Ch'an̈ Schab'il Libro Yic Yab'ixal Eb' Rey 19:29 - Chuj San Sebastian Bible

²⁹ Xlajw cha, 'ix yaln Isaías 'ixtc 'a Ezequías: 'Ay jun senya 'oj ch'oxxoc eyil yuj tastc tot 'oj ujoc: 'Oj e wa 'ixm trigo mun tzpac' 'a jun ab'il tic yet' 'a junx ab'il; palta ax 'a yoxl ab'il, ax xo 'oj eyawc tas 'a lum lu'um, ax e jach'w paxi, 'oj eyawc eyuva ax e lon sat.

Chuj San Mateo Bible

²⁹ Ix yalanpax vin̈aj Isaías d'a vin̈aj rey Ezequías chi': A jun tic yechel ol ch'oxjoc eyila' yuj tastac toto ol ujoc: Ol e va ixim trigo munil syavej sb'a d'a jun ab'il tic yed' d'a junxo ab'il sjavi. Man̈oc exlaj ol yavej ixim. Axo val d'a yoxil ab'il jun, a exxo ol eyavej ixim e trigo chi', ol e jochanq'ue vaan. Ol eyavejpax eyuva, ol e loan sat.

A Ch'an̈ Schab'il Libro Yic Yab'ixal Eb' Rey 19:29 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:21

Yuj cha, xyaln Jehová jun tzo'n̈ paxti tic 'ixtc 'a yib'n̈ win rey cha: A eb' 'ix cob's 'ix 'aj Sión, ton̈j 'oj tzewjc eb' 'ix 'aych ach Senaquerib. A eb' 'aj Jerusalén 'oj ach sb'uch eb', ax spax ch'umnjoc eb' 'ayach, yic 'oj a meltzj 'a a patquil.

Salmos 107:37

Tzlaj yawnc eb' te uva 'a lum lum cha, til wal sb'al lum tzyac'a.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Is 37:30

Xlajw cha, 'ix yaln Isaías 'ixtc 'a Ezequías: 'Ay jun senya 'oj ch'oxxoc eyil yuj tastc tot 'oj ujoc: 'Oj e wa 'ixm trigo mun tzpac' 'a jun ab'il tic yet' 'a junx ab'il; palta ax 'a yoxl ab'il, ax xo 'oj eyawc tas 'a lu'um, ax e jach'w paxi, 'oj eyawc eyuva ax e lon sat.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Lv 25:6

A tas mun tz'el-l 'a sat lum lum cha, yic 'aycn lum 'iljoc, colb'il 'oj e c'ux yet' eb' e checab', eb' 'ix e ya'mal servil, eb' e munljum, eb' chuc chon̈b'al cajn 'a e cal,

Lc 2:12

'Oj eyila', b'ac'b'il 'och nip 'a jun tz'ulc 'unn cha, 'ayc' 'a yol jun sjucb' no chej 'aj tzwa no'. 'Ixta 'oj 'aj snachj 'el eyu'uj to a', xchi jun ángel cha.

A Ch'an̈ B'ab'el Libro Samuel 2:34

A jun tic 'oj 'och ch'oxnb'ilal 'ayach, to a chawn̈ eb' onnal, atn win Hofní yet' win Finees, to junn̈j c'u 'aj 'oj cham eb' schawn̈il.