A Ch'an̈ Schab'il Libro Yic Yab'ixal Eb' Rey 18:30 - Chuj San Sebastian Bible

³⁰ Tznib'j Ezequías to a Jehová tzeya'ch yipc e c'ojol, tzyaln cob' 'ixtic: Wal yel 'oj on̈ scolc Jehová qui Diosalec. Ax jun qui chon̈b' tic ma'oj ya'ch 'a yol sc'ab' sreyl chon̈b' Asiria, xchi cob'i'.

Chuj San Mateo Bible

³⁰ A vin̈aj Ezequías chi' snib'ej vin̈ to a Jehová tzeyac'och yipoc e c'ool. Syalan vin̈ icha tic: Val yel ol on̈ scol Jehová co Diosal. Man̈ ol ac'jococh co chon̈ab' tic d'a yol sc'ab' vin̈ sreyal Asiria chi' yuuj, xchi vin̈.

A Ch'an̈ Schab'il Libro Yic Yab'ixal Eb' Rey 18:30 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:29

'Ix yal win rey 'ixtic: Man̈ e cha 'ixtxoc paxti e b'a yuj Ezequías, yujto ma'oj stac' ex scoln 'el 'a yol in c'ab', xchi.

A Ch'an̈ Schab'il Libro Yic Yab'ixal Eb' Rey 18:31

Man̈ e cha eyab' 'a Ezequías cha. Yujto 'a win wajlil tzyac' win wal 'ayex to tzex 'och 'a junc'ojlal yet'oc, tzeya'n servil. Toto 'ixta', junjn ex, 'oj e lo sat eyawb'ente' ax eyu'n eyal joyb'il eyu'uj.

A Ch'an̈ Schab'il Libro Yic Yab'ixal Eb' Rey 19:10

A 'a Diosal tzalni, to ma'oj 'ajxc 'och Jerusalén 'a yol in c'ab'; palta man̈ a'ch yipc 'a c'ojl tas tzyal a Diosal cha, man̈ a cha 'ixtxoc paxti a b'a yu'uj.

A Ch'an̈ Schab'il Libro Yic Yab'ixal Eb' Rey 19:22

¿Mach jun 'aj tu 'ix ala, 'ix a xib'tn paxi?. ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxni.

A Ch'an̈ Schab'il Libro Yic Yab'ixal Eb' Rey 19:6

'ix schecn 'at win eb' 'at yal 'a win rey chi 'ixtic: 'Ixtc 'ix yutj Jehová yalni: Man̈ ach xiw yuj jun tzo'n̈ paxti 'ix ab' cha. Caw tu 'ix yal win schecb' sreyl chon̈b' Asiria chi 'ayin, to matz tac' wuj yalni.

Salmos 11:1

A Jehová a tzwa'ch yipc in c'ojol, nab'an̈ej tzeyal 'ixtc 'ayin: 'Ixic, 'at c'ub'j 'el a b'a 'a jolmctac witz 'icha no ch'ic.

Salmos 3:3

Palta wojtac to in Colmal aji, ach tzin ej cha'an̈, tza'n in te'nal.

Salmos 4:2

Ex wit 'anma'il, ¿b'a'n̈ wal 'oj eyactc eyaln in peclal? ¿B'a'n̈ wal 'oj eyactc can eyaln paxti to may yel'chi?

Salmos 42:4

A wal yic tzin nan cot jun tzo'n̈ tic, caw tz'och pitzn syal 'a in c'ojol. Tzin nan cot yic 'ayn 'och 'a scal eb' 'anma', yic tzin jucb'tzan eb' 'a yic tzin c'och 'a atut yet' eb' 'a yic tz'och q'uin̈. Til wal 'aw yic tzaljc'ojlal yet' alj yuj diosal tz'och ta'.

Salmos 71:11

Tzyaln eb' 'ixtic: Qui pechc b'eyc'oc, tzqui yamnec coti, man̈x 'ayc 'och Dios yet'oc, man̈x 'a mach tztac' scolni, xchi eb'.

Salmos 71:9

Man̈ in a patquilc can 'eli, yujto 'ichm in xo. Man̈ in actc cani, yujto man̈x 'a pax wip.

Mt 27:43

'Ix cob' ya'ch Dios yipc sc'ojol, yuj cha, colwj cab' Dios chi yet' quila', toto yel 'ay schamc'ojlal Dios 'a 'a. 'In xyala, to yunnal Dios, xchi ewinac.

Lc 23:35

A eb' 'anma', xlaj 'och q'ueln eb' 'a jun tzo'n̈ tas xlaj uj cha. Ax ewin yajal, 'ix syamn 'och ewin sb'uchwj 'a Jesús. 'Ix laj yalnc ewin 'ixtic: —'Ix cob' colchjoc ab' jun tzo'n̈ 'anma yu'uj. Ax ticnec, toto yel Cristo, toto sic'b'il 'el yuj Dios, scol cab' 'el sb'a quila', xchi ewinac.