A Ch'an̈ Schab'il Libro Yic Yab'ixal Eb' Rey 18:27 - Chuj San Sebastian Bible

²⁷ Palta 'ix yaln win syajlil eb' soldado chi 'ixtic: —Man̈ cojnocn̈ej 'ayex yet' 'a eyajlil 'aj in checx coti, yic tzwul walnoc jun tzo'n̈ paxti tic yuj sreyl Asiria; palta wal yel atn 'a smasnil eb' 'anma 'ay q'ue 'a yib'n̈ muro chi tzwala, yujto locn eb' 'oj yab' syal eyet'oc, caw 'oj e lo e tza', ax eyu'n pax e chul yet' eb', xchi winac.

Chuj San Mateo Bible

²⁷ Ix tac'vi vin̈ yajal eb' soldado chi': —Man̈ocn̈ej d'ayex yed' d'a vin̈ e reyal b'aj ix in checjicot yuj vin̈ in reyal yic tzul valan juntzan̈ lolonel tic. Palta aton val d'a masanil eb' anima ayq'ue d'a yib'an̈ muro chi' b'aj svala', yujto ol yab' syail eb' eyed'oc, ol e lo e tza', ol eyuc'an e chul tato tz'och oval.

A Ch'an̈ Schab'il Libro Yic Yab'ixal Eb' Rey 18:27 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:17

Xlajw xoj cha, 'ix schecn 'at sreyl Asiria schecb' 'a win Ezequías, atn 'oxwn̈ ewin syajlil eb' soldado, yet' jun b'uln̈ eb' soldado to caw wal jeln ya'n owal, caw 'ay yip, 'ix 'el eb' 'a Laquis, 'ix jaw eb' 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

A Ch'an̈ Schab'il Libro Yic Yab'ixal Eb' Rey 18:26

Xlajw cha, 'ix ta'w Eliaquim, Sebna, yet' Joa 'ixtc 'a win syajlil eb' soldado asirio cha: Tzon̈ tew 'ayach, to tzach paxtin 'ayn̈ 'a sti arameo, yujto tznachj 'el cuj an̈ tic on̈. Man̈ al 'ayon̈ 'a sti hebreo, yujto tzyab' eb' 'anma 'ay q'ue 'a yib'n̈ smuroal chon̈b' tic, xchi eb'.

A Ch'an̈ Schab'il Libro Yic Yab'ixal Eb' Rey 18:28

Xlajw cha, 'ix q'ue lin̈n win syajlil eb' soldado asirio cha, caw 'ip 'ix yal 'ixtc 'a sti eb' hebreo: —'Ab'tec wal tas tzyal win niwquil rey, atn sreyl chon̈b' Asiria.

A Ch'an̈ Schab'il Libro Yic Yab'ixal Eb' Rey 6:25

Yuj cha, 'ix jaw wal jun niwquil wejl 'a Samaria. 'Ix q'ue stojl smasnil tas. A junc no sjolm b'uru 80 q'uen tumn plata x'aj stojol, ax junc 'echb'al stza no parama, o'e q'uen tumn plata x'aj stojol.

Salmos 73:8

Yuj sb'an̈quintacl eb', tzb'uchwj eb', tzyixtn eb' yit 'anma'il, matz q'uixw eb' xib'tn eb'.

Is 36:12

Palta 'ix yaln win syajlil eb' soldado chi 'ixtic: —Man̈ cojnocn̈ej 'ayx yet' 'a eyajlil 'aj in checx coti, yic tzwul walnoc jun tzo'n̈ paxti tic yuj sreyl Asiria; palta wal yel atn 'a smasnil eb' 'anma 'ay q'ue 'a yib'n̈ muro chi tzwala, yujto locn eb' 'oj yab' syal eyet'oc, caw 'oj e lo e tza', ax eyu'n pax e chul yet' eb', xchi winac.

Lm 4:4

A eb' 'unn tzat chuwi, caw wal 'ay stacn̈til eb', tzcan tzayn yac' eb' 'a yol sjom. Tzcob' sc'an eb' tas tzc'uxu, palta may mach tz'a'n 'a eb'.

Lm 4:5

'Ay wal eb' 'anma caw 'ay tas tzc'ux xon 'a pecti', ax ticnec, wan scham eb' yuj wejl 'a yoltc caye. A eb' xq'uib' 'a yol n̈a caw wach' yilxi, ax ticnec, ata cajn eb' 'a 'aj tzjulx 'el c'alem.

Ez 4:13

Xlajw cha, xyaln pax Jehová 'ayn 'ixtic: A jun tzo'n̈ 'oj a c'ux cha, caw man̈ wach'c eb' 'a sat ley, palta 'oj a c'uxu', yic tza ch'oxn 'eli, to 'ixta tas 'oj sc'ux eb' et israelal yic 'oj in pechnc can 'at eb' 'a yol slugar jun tzo'n̈ xo nacion̈, xchi 'ayin.

Ez 4:15

Xlajw cha, xyaln 'ayn 'ixtic: A ticnec 'an, man̈ a c'a'c stza 'anma cha, a cab' stza no wacx tza c'atztzej yic tza b'on tas tza c'ux cha, xchi 'ayin.