A Ch'an̈ Schab'il Libro Yic Yab'ixal Eb' Rey 18:21 - Chuj San Sebastian Bible

²¹ 'Ix wila to a Egipto tzeya'ch yipc e c'ojol. Wach' toni yujto a Egipto cha, lajn 'icha junc te 'aj pojel, a yic tzon̈ 'och yamn 'a te', tz'at te 'a qui c'ab'. 'Ixtnta sreyl Egipto 'a smasnil mach to a win tzya'ch yipc sc'ojol.

Chuj San Mateo Bible

²¹ Ix vila' to a Egipto tzac'och yipoc a c'ool. Vach' toni, yujto a Egipto chi' lajan val icha junoc te' aj pojeltacxo. Ayic sco c'ocochan te', tz'ec' pacnaj te', axo sjayil sn̈i' te' sb'at d'a co c'ab'. Icha chi' yaj vin̈ sreyal Egipto d'a mach tz'ac'anoch vin̈ yipoc sc'ool.

A Ch'an̈ Schab'il Libro Yic Yab'ixal Eb' Rey 18:21 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:4

Palta a win Oseas cha, xyactj win ya'n stojlb'al a win Salmanasar 'icha xon 'a junjn ab'il. 'Ix checn 'at win schecb' a win So sreyl Egipto, yic tzcolwj win yi'n 'elt win 'a yaln̈ schecnb'il win sreyl Asiria cha. Yuj cha, 'ix ya'n Salmanasar yamchjoc Oseas, 'ix ya'n 'och 'a preso.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Is 20:5

Ax eb' 'anma cob' yipc'ojlal yaj Etiopía yu'uj, yet' eb' cob' tzb'an̈ sb'a yuj jun nacion̈ cha, 'oj xiw chan̈ eb', ax sq'uixw can 'el eb'.

Is 30:1

A Jehová a tzaln 'ixtic: 'Oltac wal eb' 'anma 'e'nc 'a yib'an̈, til wal tas tzna eb' sb'on 'a mun yol yico'. Matz yal eb' wab'i', tzcomn b'on eb' junc strato 'a mun yol yico', palta man̈oc in tzwac' sb'o eb', yuj ton wal cha, caw tzniwtj smul eb' 'a yib'an̈.

Is 30:7

A jun nacion̈ cha, matz tac' yu'uj, matz techj scolwji. Yuj cha, xwa'n sb'ic 'ixtic: Noc' to 'ay smay yel yaw, palta may pax tas tztac' yu'uj, xin chi, xchi Dios.

Is 36:6

'Ix wila to a Egipto tzeya'ch yipc e c'ojol. Wach' toni, yujto a Egipto cha, lajn 'icha junc te 'aj cotc lisb'il, a yic tzon̈ 'och yamn 'a te, tz'at te 'a qui c'ab'. 'Ixtnta faraón sreyl Egipto 'a smasnil mach to a win tzya'ch yipc sc'ojol.

Jeremías 46:17

'A'c sb'ic win sreyl Egipto chi 'ixtic: Win Lec'ti', xe chi 'a 'a.

Jeremías 46:2

Yic schan̈l ab'il xo yoch Joacim yunnal Josías reyl 'a Judá, atnta 'ix uj jun tic. A win Necao sreyl Egipto yet' eb' soldado 'ix 'ajx ganar eb' 'a Carquemis 'a stz'ey a niwn a Éufrates yuj win Nabucodonosor sreyl Babilonia yet' soldado. 'Ixtc 'ix yutj Jehová yaln 'ayn yuj eb' soldado yic Egipto:

Os 1:1

An Oseas in tic, yunnal in Beeri, 'ix paxtin Jehová 'ayin, yic xya'n ewin tic reyl 'a chon̈b' Judá: Atn Uzías, Jotam, Acaz, yet' Ezequías, ax Jeroboam yunnal Joás, a 'aych reyl 'a chon̈b' Israel.