A Ch'an̈ Schab'il Libro Yic Yab'ixal Eb' Rey 18:12 - Chuj San Sebastian Bible

¹² 'Ixta 'ix 'aj eb' israel yujn̈ej to ma'ix syiclj eb' spaxti Jehová sDiosal. Tenmtac 'ix yutj sb'a eb' 'a strato sb'ojnac yet' eb' smam yichm eb'. 'Ix spatquilj can 'el eb' smasnil tas alb'il can yuj Moisés, atn win schecb' Jehová.

Chuj San Mateo Bible

¹² Icha chi' ix uji yujto man̈ c'anab'ajumoc ix yutej sb'a eb' israel d'a Jehová sDiosal, ix spitej sb'a eb' d'a strato, maj schalaj yab' eb' tas alb'ilcan yuj vin̈aj Moisés schecab' Jehová.

A Ch'an̈ Schab'il Libro Yic Yab'ixal Eb' Rey 18:12 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 9:6

Palta toto ax tic yet' eb' eyunnal, 'oj eyi'l e b'a 'a in tz'ey, toto ma'oj eyiclc in checnb'il yet' in ley 'ix wa'cn 'ayex, ax 'a jun tzo'n̈ comn dios 'oj eyac' 'emmquilal, ax eya'n servil eb',

A Ch'an̈ Schab'il Libro Yic Yab'ixal Eb' Rey 21:8

Toto 'oj eyiclc e b'on smasnil tas 'ix wac' e b'o', atn smasnil in checnb'il 'ix wac' yal in checb' Moisés 'ayex, ma'oj ex wi'l 'a sat lum lum 'ix wac' 'a eb' e mam eyicham, xchi Dios.

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Salmos 107:17

'Ay eb' maysch'olnil snab'en, 'ix laj 'och syailal eb', caw tzyab' eb' syal yuj tas maysch'olnil tzb'o'o.

Salmos 78:10

Ma'ix syiclj eb' strato yet' Dios, ma'ix snib'j xon eb' syiclj scuynb'il.

Salmos 81:12

Yuj cha, xwa'n can 'at eb' 'a scal stenmtaquil, 'ix ya'n eb' sgana 'icha tznib'ej.

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Ez 11:12

ax eyojcan 'eli, to an ton Jehová in. Ma'ix eyiclj in ley yet' in checnb'il, a sb'eyb'al jun tzo'n̈ xo nacion̈ 'ay 'a e la'nil, a xe b'eylb'ej, xchi Dios, xin chi 'a eb'.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Miqueas 3:4

'Ay wal jun c'ual, 'oj cob' to eyawtc Jehová, palta man̈x 'oj ta'wc 'ayex. A wal 'a yic jun c'ul cha, 'oj sc'ub'c 'el sb'a 'ayx yuj tas maysch'olnil 'ix e b'o'o, xin chi 'a eb' yajl cha.

Nm 12:7

Palta ax yet' in checb' Moisés, man̈ 'ichcta tzwutej, yujto cojn wal jun in checb' tic caw yiclum tzyutj sb'a 'a scal eb' wico',

Dt 11:28

'Oj e cha catab', toto tenmtac tzeyutj e b'a 'a schecnb'il Jehová qui Diosalec, matz eyiclej, ax 'a jun tzo'n̈ comn dios man̈ 'ojcab'iloc ata tzex 'och tzac'an.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

Dt 31:17

Yuj wal cha, 'oj cot wowl 'a eb', ax wactn can eb' sch'ocoj. Man̈x 'oj in na cot eb', man̈x yalnb'ilc yailal yet' pax b'ilc'ojlal 'oj jawc 'a yib'n̈ eb', masnto 'oj yal eb' 'ixtic: ¿Tas wal yuj tzcab'c syail, yuj am to man̈x 'ayc 'ec' qui Diosalec quet'oc? 'oj schic eb'.

Dt 34:5

Yuj cha, a win Moisés schecb' Dios, ata chamnc can win 'a yol yic lum Moab, 'icha wal yutjnac Jehová yaln 'a winac.

Dt 8:20

'Icha wal 'oj yutc Jehová satn 'el jun tzo'n̈ chon̈b' 'aj 'oj e c'och cha, 'ixta pax 'oj eyaj e satl jun xo, yujto matz eyiclj tas tzyal Jehová qui Diosalec, xchi Moisés.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

2 Ti 2:24

A eb' tz'a'n servil Cajlil, matz tac' scomn 'a'n 'och sb'a eb' 'a scal owal. Yowlal manso tzyutj sb'a eb' 'a smasnil 'anma'. Yowlal wach' tzyutj cuywjoc sb'a eb', niwn pax tzyutj eb' sc'ojol.

Josué 1:1

A yic tox xcham Moisés win schecb' Dios, ax 'a Josué win yunnal Nun, win colwjum 'a Moisés, ata xpaxtin pax Jehová, xyaln 'ixtic:

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?