A Ch'an̈ Schab'il Libro Yic Yab'ixal Eb' Rey 17:39 - Chuj San Sebastian Bible

³⁹ palta cojn 'ayn an Jehová e Diosal in, an̈j 'ayn tzeyal e b'a. 'Ixta to b'i'an ax ex in coln 'el 'a yol sc'ab' eb' 'ajc'ojl yajch 'ayex, xchi Dios.

Chuj San Mateo Bible

³⁹ palta an̈ej d'ayin Jehová e Diosal in tic tzex och ejmelal. Tato icha chi' tze c'ulej, ol ex in colel d'a yol sc'ab' eb' eyajc'ool, xchi Jehová.

A Ch'an̈ Schab'il Libro Yic Yab'ixal Eb' Rey 17:39 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:36

Palta a 'ayn Jehová e Diosal in, a 'ayn tzeyal e b'a, yujto an ex wij 'elt 'a Egipto yet' in niwquil poder. Cojxn̈ej 'ayn tzex 'och 'emmquilal, tzeya'n e xajmb'al.

A Ch'an̈ Schab'il Libro Yic Yab'ixal Eb' Rey 17:38

Matz 'at cab' 'a satc'ojlal in trato in b'ojnac eyet'oc,

A Ch'an̈ Schab'il Libro Yic Yab'ixal Eb' Rey 17:40

Palta a jun tzo'n̈ 'anma cha, ma'ix schaj xon eb' yab'i'; a yic eb' to 'ix wach' 'atcn eb' 'a scal yichm b'eyb'al; wach'xam tzcob' yaln sb'a eb' 'a Jehová yalni, palta an̈ja yaln sb'a eb' 'a jun tzo'n̈ sdiosal cha. 'Ixta pax eb' yin̈tl eb', 'ix sb'eylb'ej eb' 'icha sb'eyb'al eb' smam yichm eb' cha, an̈jan̈ej to sb'eylb'an eb'.

Nehemías 9:27

Yuj wal cha, 'ix a'n 'och eb' 'a yol sc'ab' eb' 'ajc'ojol, atn eb' chi x'ixtn eb'. Palta a yic wan yab'n eb' syal yixtx cha, x'awj eb' 'ayach, sc'ann eb' a colwal. Ach xo pax tic, 'aych 'ec' 'a satcha'an̈, yuj a niwquil chamc'ojlal, xa chaj ab' tas xyal eb'; achxo 'ix 'ac' eb' winc xwul colnc 'el eb' 'a yol sc'ab' eb' 'ajc'ojol.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Lc 1:50

Smasnil tiempo tz'o'ch sc'ojl 'a jantcn̈ej mach 'ay xiwc'ojlal 'a 'a.

Lc 1:71

Ata yaljnac cani, to 'oj on̈ scolc 'elt 'a yol sc'ab' eb' 'ajc'ojl yajch 'ayn̈ec, yet' 'a yol sc'ab' jantcn̈ej eb' tzchichn 'och 'ayn̈ec.

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.