A Ch'an̈ Schab'il Libro Yic Yab'ixal Eb' Rey 17:18 - Chuj San Sebastian Bible

¹⁸ Yuj wal cha, caw 'ix cot yowl sc'ojl Jehová 'a chon̈b' Israel, 'ix yi'n 'el eb' 'a yojltac, palta cojxn̈ej jun 'in̈tal eb' 'ix cani, atn eb' yin̈tl Judá.

Chuj San Mateo Bible

¹⁸ Yuj chi' ix te cot yoval sc'ol Jehová d'a Israel, ix yic'anel eb' d'a yichan̈. Axon̈ej eb' yin̈tilal Judá ix can yuuj.

A Ch'an̈ Schab'il Libro Yic Yab'ixal Eb' Rey 17:18 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:13

Ma'oj wi'c yopiso chi smasnil, 'oj wa'cn jun macn̈oc eb' et israelal chi 'a 'a, yujn̈ej in chamc'ojlal 'a in checb' David cha, yuj pax in chamc'ojlal 'a Jerusalén tic, yujto caw an in si'jnac 'eli, xchi.

A Ch'an̈ B'ab'el Libro Yic Yab'ixal Eb' Rey 11:32

Ax 'a Salomón 'oj wa'cn jun macn̈ocx 'in̈tal 'a 'a, yuj in chamc'ojlal 'a in checb' David, yuj pax in chamc'ojlal 'a Jerusalén, atn jun in chon̈b' in si'jnac 'el 'a scal smasnil chon̈b' Israel.

A Ch'an̈ B'ab'el Libro Yic Yab'ixal Eb' Rey 11:36

A 'a jun yunnal cha, cojxn junc 'in̈tal 'oj wa'cn 'a 'a, sec wach' 'ayt mach 'oj nanc cot in checb' David 'a wojltac 'a Jerusalén, atn jun chon̈b' sic'b'il 'el wu'uj, yic tzb'inax in b'i ta'.

A Ch'an̈ B'ab'el Libro Yic Yab'ixal Eb' Rey 12:20

A yic xyab'n eb' israel, chajtlto a Jeroboam tox 'ix japx cajn 'a yol schon̈b' eb' yit israelal, x'at ya'nc eb' 'awtxoc coti, yic tzch'oxn sb'a 'a sat eb' chon̈ab'. Xlajw cha, 'ix ya'n 'och eb' sreyloc. Cojxn eb' yin̈tl Judá 'ix can yet' Roboam, win yin̈tl David.

A Ch'an̈ B'ab'el Libro Yic Yab'ixal Eb' Rey 8:46

Q'uinloc 'ay 'aj 'oj 'och qui mul 'aych on̈, yujto 'in may junc 'anma matz 'och smul, ax scot am owl 'ayn̈ on̈, ax am on̈ a'n 'a yol sc'ab' ewin 'ajc'ojl yajch 'ayn̈ on̈, ax on̈ yi'n can 'at ewin 'icha presoal 'a junc xo chuc chon̈b'al 'a najat, mto 'a lac'an.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

A Ch'an̈ Schab'il Libro Yic Yab'ixal Eb' Rey 17:6

Ax yic sb'aln̈il xo ab'il yoch Oseas reyal, 'ix 'ajx ganar chon̈b' Samaria chi yuj eb' soldado Asiria. Xlajw cha, 'ix 'ijx 'at eb' israel 'a chon̈b' Asiria yu'uj. Xya'n pural win scan cajn eb' 'a chon̈b' Halah 'a yol yic Habor 'a sti a a yic Gozán, yet' 'a jun tzo'n̈ xo chuc chon̈b'al 'a yol yic eb' Medo.

A Ch'an̈ Schab'il Libro Yic Yab'ixal Eb' Rey 21:14

Ax jaywn̈ xo eb' in chon̈b' tic, 'oj wactc can eb', ax wa'n can 'och eb' 'a yol sc'ab' eb' 'ajc'ojl yajch 'a 'a, sec wach' 'oj 'ijxoc can 'ec' smasnil tas 'ay 'a eb'.

A Ch'an̈ Schab'il Libro Yic Yab'ixal Eb' Rey 23:27

Yuj ton wal cha, 'ix yaln Jehová ixtic: 'Oj wi'l Judá 'a wojltac, 'icha wutjnac eb' israel. 'Oj in patquilc can 'el jun chon̈b' sic'b'il 'el wu'uj, atn Jerusalén yet' watut, jun waljnac yu'uj, to ata tz'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 24:3

Wal yel 'ix jaw jun tic 'a yib'n̈ Judá, yujto a Jehová 'ix alni, sec tz'elch can eb' israel 'a yojltac yuj smasnil smaysch'olnil 'ix 'el sb'on win Manasés,

Salmos 51:13

Yic wach' a eb' tz'ec' 'a yib'an̈, 'oj in cuy eb' 'a a b'eyb'al, ax eb' tzb'on maysch'olnil, 'oj meltzjoc pax 'och eb' wuj 'a yol a c'ab'.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Jeremías 7:15

'Oj ex in pechcn 'el 'a wojltac 'icha wutjnac eb' eyican, atn eb' yin̈tl can Efraín, xchi Dios, xa chi a eb'.

Os 11:12

A eb' 'aj Efraín, atn eb' israel tic, cojxn̈ej wal 'es tzlaj yac' eb' 'ayin, caw tzin yixtj paxti eb'. A eb' 'aj Judá, caw tenmtac eb' 'ayin, ticni Cojxn in Dios in, to tz'el'chn̈ej tas tzwala.

Os 12:3

'Intax yic mantzac 'alj xon Jacob, toxn yamb'il yich sq'uenlyoc yu'tac yu'uj, ax yic 'ichm winc xo, xyac' owl yet' Dios.

Os 9:3

Man̈x 'oj stac' eya'jc 'a schon̈b' Jehová. 'Oj e 'atx can 'a Egipto. A 'a chon̈b' Asiria, ata 'oj e c'ux tas man̈ wach'c 'icha yaln ley.

Dt 32:20

'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!

Josué 23:13

eyojc xon wal b'i'an, to a Jehová man̈x 'oj yi'l jun tzo'n̈ eb' 'anma chi 'a e cal. 'Oj sc'anlb'oc eb' 'icha junc ch'an̈ ya'al sec tzex 'em yuj eb'. 'Icha no tz'um tz'och 'a yich e patic, 'icha pax te q'uix tz'at 'a yol e sat, 'ixta 'oj ex yutc eb', masnto 'oj e satl 'a sat lum lum caw wach' 'ix yac' Jehová Dios 'ayn̈ec.

Josué 23:15

Palta 'icha wal x'aj yel'ch smasnil tas wach' 'aj ya'jnac can sti ya'n 'ayn̈ec, 'ixta pax 'oj yutc ya'n cot smasnil yailal 'a eyib'an̈, masnto 'oj e satl e masnil 'a sat lum lum caw wach' 'ix yac' 'ayn̈ec.

Jueces 18:30

Ax jun yechl comn dios tzeyb'il, sb'och eb' 'a yet'ul yic tz'och eb' 'emmquilal 'a 'a. Ajun jun ya'mal 'och sti eb' 'a Dios yet'oc, atn Jonatán yin̈tl Gersón, yunnal Moisés. Ax eb' yin̈tl Jonatán, 'ix 'ochn̈j eb' ya'malc 'och sti eb' yic yin̈tl Dan masnto yic x'atcn eb' 'icha presoal yuj eb' asirio.