A Ch'an̈ Schab'il Libro Yic Yab'ixal Eb' Rey 16:9 - Chuj San Sebastian Bible

⁹ 'Ix syiclj sreyl chon̈b' Asiria sb'on tas 'ix yala, 'ix jaw yet' eb' soldado wul yac' 'owl yet' Damasco, 'ix smiln pax eb' win Rezin sreyl jun chon̈b' cha. Xyi'n 'at eb' soldado chi eb' 'anma cajn 'a jun chon̈b' cha, 'ix c'och eb' 'a chon̈b' Kir.

Chuj San Mateo Bible

⁹ Ix sc'anab'ajej vin̈ sreyal Asiria chi' tas ix yal vin̈aj Acaz chi', yuj chi' ix cot vin̈ yed' eb' soldado yac' oval d'a Damasco. Ix yac'an ganar jun chon̈ab' chi' vin̈. A eb' cajan ta', ix ic'jib'at eb' yuj vin̈ d'a Kir. Ix smilanpaxcham vin̈aj Rezín chi' vin̈.

A Ch'an̈ Schab'il Libro Yic Yab'ixal Eb' Rey 16:9 ပူးပေါင်းရင်းမြစ်များ

2 Cr 16:4

'Ix schaj sc'ojl Ben-hadad tas 'ix yalb't rey Asa, yuj cha, schecn cot eb' capitan̈ yet' eb' soldado, yic tzya'n eb' owl yet' jun tzo'n̈ chon̈b' 'a yol yic Israel. 'Ixta x'aj yajx ganar chon̈b' Iión, Dan, Abel-maim, yet' smasnil chon̈b' 'a yol yic Neftalí, atn 'a 'aj tzmolx smasnil tas tzc'uxxi.

2 Cr 28:21

Wach'xam 'ix yij to 'elt Acaz jun tzo'n̈ tas caw chan̈ stojl 'ay 'a yatut Jehová, yet' 'a sdespacho win rey cha, yet' pax 'a yatut eb' yajl yaj ta', yic tzya'n 'a sreyl eb' Asiria, palta nab'axoj, ma'ix colwj jac 'a 'a.

2 Cr 28:5

Yuj wal cha, 'ix 'ajx 'och yuj Jehová sDiosal 'a yol sc'ab' sreyl Siria. Caw niwn sb'isl eb' 'aj Judá xyij 'at eb' sirio 'a 'icha presoal 'a Damasco. An̈jtona', xya'n pax 'och Jehová eb' 'aj Judá chi 'a yol sc'ab' sreyl chon̈b' Israel, yuj cha, caw niwn eb' xchami.

Is 10:9

Lajn wutjnac can chon̈b' Calno yet' Carquemis, 'ixta pax wutjnac chon̈b' Hamat yet' Arfad, an̈jtona' lajn pax wutjnac Samaria yet' Damasco.

Is 17:1

Atn jun tzo'n̈ paxti tic 'ix alx can 'el 'a yib'n̈ chon̈b' Damasco: A Damasco, man̈x chon̈b'oc, palta to cojxn yet'l checl 'oj 'ajcn chan̈ b'ulan.

Is 22:6

A eb' 'aj Elam, wan sb'on eb' sjul-lab', 'ayx 'och eb' 'a yol scaruaje, 'ayx q'ue pax eb' 'a yib'n̈ schej; ax pax eb' 'aj Kir, wan yi'n 'elt eb' smacl sat jul-lab' tzc'anlb'ej.

Is 37:18

Yel wal Mamin Jehová, to a eb' sreyl chon̈b' Asiria cha, a eb' satjnac 'el jun tzo'n̈ nacion̈ cha.

Is 7:16

A 'a yic mantzac 'och snab'en jun 'unn cha, a chawn̈ rey yet' chab' chon̈b' 'aj wan a xiw tic, 'oj can eb' 'a sictaquil.

Is 9:10

Toto lan̈chjnac 'ejm xamital catutec, ax qui b'onec pax chan̈ yet' q'uen q'ue'en, toto ch'acb'il 'ejm te sicómoro, ax te c'ute 'oj ca'c pax 'och qui patzb'oc, 'oj schic cob' eb'.

Is 9:11

Ax Jehová, a 'oj 'i'nc cot eb' 'anma 'ajc'ojl yajch 'a win Rezín; ax yalni to tz'och eb' yac' owl 'a chon̈b' Israel.

Am 9:7

A Jehová chi tzaln 'ixtic: Ex israel, lajn ex 'a in sat 'icha eb' 'aj Etiopía. 'Icha wal wutjnac wi'n cot eb' e mam eyichm 'a Egipto, 'ixta pax xwutj wi'n cot eb' filisteo 'a Creta, yet' eb' arameo 'a Kir, xchi.