A Ch'an̈ Schab'il Libro Yic Yab'ixal Eb' Rey 16:18 - Chuj San Sebastian Bible

¹⁸ Sec wach' tzcan win 'a sat win sreyl chon̈b' Asiria, 'ix yij 'el 'a yatut Jehová jun yet'l eb' rey yic sc'ul 'iljelal yaji, yet' spuertail 'aj tz'och eb' rey 'a yamq'uil yatut Dios.

Chuj San Mateo Bible

¹⁸ Yic vach' scan vin̈ d'a sat vin̈ sreyal Asiria chi', yuj chi' ix yiq'uel jun yed'tal b'aj scan eb' rey d'a sc'ual ic'oj ip vin̈ d'a stemplo Jehová yed' spuertail ay d'a spatiqueli, aton b'aj tz'och vin̈ rey d'a templo chi'.

A Ch'an̈ Schab'il Libro Yic Yab'ixal Eb' Rey 16:18 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 11:5

'Ix yaln 'a eb' mu'c 'ixtic: Atn tic 'oj e b'o'; 'ay jaywn̈oc ex 'oj e tan̈wc yatut win rey 'a sc'ul 'iljelal;

A Ch'an̈ Schab'il Libro Yic Yab'ixal Eb' Rey 16:17

'Ix ya'n win rey chi 'ijxc 'el smacl snan̈l yojl jun tzo'n̈ careta, 'ix 'ijx 'el jun tzo'n̈ palagan yet'l a 'a yib'n̈ jun tzo'n̈ cha, 'ix 'ijx pax 'el q'uen yechl mam wacx nab'a bronce 'aych 'a yaln̈ niwquil pila, ax 'a yib'n̈ q'uen q'uen 'ay 'a sat lum 'ix yac' 'ejmi.

A Ch'an̈ Schab'il Libro Yic Yab'ixal Eb' Rey 16:19

Ax jantcto yab'xil Acaz yet' smasnil tas 'ix 'el sb'oni, ata tz'ib'b'il can 'a ch'an̈ libro yic yab'xil eb' sreyl Judá.

1 Cr 9:18

Tztan̈wxn̈ej spuerta eb' rey yuj eb' levita 'a stojlal 'aj tzq'uel c'u. A jun tzo'n̈ eb' tic 'aych 'a yib'n̈ eb' stan̈wni spuertail camplamento 'a scal eb' yit levitail.

Ez 44:3

Cojn win syajlil chon̈ab', cojn win tztac' sjaw 'a wojltac, yic tzc'uxn jun tzo'n̈ xajmb'al to wic yaj an Jehová in. Ata tz'och win 'a corredor 'a sti 'amac'. A pax ta tz'elx winac, xchi.

Ez 46:2

A win yajl cha, ata tz'och win 'a jun puerta 'ay 'a sti 'el 'amc' cha. A yic tz'ochcn win 'a sti jun puerta 'ay 'a stojlal 'aj tzq'uel c'u, tz'och wan lin̈n win 'a stz'ey jun smarcoal jun puerta cha. Ya' sb'a cha, ax eb' ya'mal 'och sti eb' 'anma', wan ya'n tz'a eb' no xajmb'al tzyac' winac yet' pax no yic junc'ojlal, axn cha, tz'em n̈ojnjoc win yal sb'a 'ayn 'a yol sti puerta cha, tzlajw cha, tz'elx 'a 'aj tz'och cha. Ax jun puerta cha, tzjacw cani, at 'a caw yem c'ul xo tzmacchj can paxi.