A Ch'an̈ Schab'il Libro Yic Yab'ixal Eb' Rey 16:14 - Chuj San Sebastian Bible

¹⁴ Ax pax jun yet'l xajmb'al to nab'a bronce 'ay 'a yojltac yatut Jehová, 'ix ya'n win rey Acaz 'ijxoc 'el jun chi 'a snan̈l jun 'a't yet'l xajmb'al yet' yatut Jehová, ax 'a stojlal norte 'a jun 'a't yet'l xajmb'al cha, ata 'ix yac' 'ejmi.

Chuj San Mateo Bible

¹⁴ Axo pax altar bronce ay d'a yichan̈ stemplo Jehová, ix yiq'uel vin̈ d'a scal jun ac' altar chi' yed' stemplo Jehová chi', ix yac'an can vin̈ d'a stojolal snorteal jun ac' altar chi'.

A Ch'an̈ Schab'il Libro Yic Yab'ixal Eb' Rey 16:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 16:11

'Ix sb'on chan̈ win Urías chi jun yet'l xajmb'al cha, 'icha wal yaj yechl 'ix ya' cot rey Acaz 'a chon̈b' Damasco; wach' xo yaji yic 'ix paxt win rey chi 'a Damasco cha.

A Ch'an̈ Schab'il Libro Yic Yab'ixal Eb' Rey 16:13

'Ix ya'n tz'a win jun tzo'n̈ xajmb'al to tz'a'i. Xya'n pax win 'ixm trigo ofrendail. 'Ix secn q'ue yal uva ofrendail 'a yib'an̈, 'ix stzicn pax 'och schic'l no xajmb'al yic junc'ojlal 'a spatquil jun yet'l xajmb'al cha.

A Ch'an̈ Schab'il Libro Yic Yab'ixal Eb' Rey 16:15

Xlajw cha, 'ix yaln win rey Acaz 'a win Urías chi 'ixtic: A ticnec, a smasnil no xajmb'al tz'ajx 'a sq'uin̈b'ial yet' yic yemc'ual yet' ofrenda 'a tas tzc'uxxi yet' yal uva, cojxn 'a yib'n̈ jun yet'l xajmb'al tic tz'ajxi. A jun tzon̈ xajmb'al yic eb' chonn̈ab' yet' wic an reyn tic, an̈j pax 'a yib'n̈ tz'ajxi. Tzicx pax 'och schic'l smasnil no xajmb'al 'a spatquil. Palta ax jun yet'l xajmb'al to nab'a bronce wic tz'ajcni, sec ata tzin c'anb'j in b'a 'a Jehová, xchi.

2 Cr 1:5

A pax jun yet'l xajmb'al to nab'a bronce ya'jnac b'o Bezaleel yunnal Uri, yixchicn Hur, ata 'aycn 'a Gabaón, 'a yojltac scajnub' Jehová. 'Ix 'at Salomón yet' smasnil eb' chon̈b' ta', yic tz'at sc'anb'noc sb'a eb' 'a Dios.

2 Cr 29:19

An̈jtona', tox 'ix qui sacb'tzej can smasnil jun tzo'n̈ yamc'ab' 'elnc can 'a yopiso yuj rey Acaz, yic yoch stenmtaquil yic ya'n reyal. Ax ticnec tox 'ix qui b'ox can 'och eb' 'a yet'l on̈. 'Ayx 'ec' eb' 'a yojltac yet'l xajmb'al yic Jehová, xchi eb' 'a 'a.

2 Cr 4:1

An̈jtona', 'ix ya'n b'o jun yet'l xajmb'al to nab'a bronce, b'aln̈e metro spac'b'il, b'aln̈e metro schiquin, nan̈l yol metro ste'il.

Ex 27:1

'Ix yaln pax Jehová 'ixtic: Tza'n b'o pax junc yet'l xajmb'al to lajn tz'aj spac'b'il 'a schan̈il. A te 'a'nte acacia tz'och 'a 'a. Chab' metro yet' o'e schawinc centímetro tz'aj junjn spac'b'il, jun metro yet' o'eschawinc centímetro tz'aj ste'il.

Ex 27:2

Tza'n 'ajxoc 'och sch'ac 'a junjn yisquinyoal. A jun tzo'n̈ sch'ac cha, junn̈j tz'aj sb'o yet' jun yet'l xajmb'al cha. Tzlajw cha, tza'n 'ajxoc 'och bronce 'a 'a.

Ex 40:6

Tza'n 'ajxoc b'o 'ejm jun yet'l xajmb'al 'a yet'ul, atn 'aj 'oj tz'a no xajmb'al 'a sti 'elt Mantiado cha.

Ez 43:8

Man̈x 'oj sb'o eb' sreyl israel chi sdespacho chi 'a stz'ey watut, yujto 'a a yic yalan̈, cojn jun muro 'aycn 'a snan̈l watut yet' sdespacho eb'. 'Ixta pax yaj spuertail watut yet' spuertail yic eb' cha. Caw man̈x 'a yel'ch xyutj can eb' in b'i, yujto til wal tas yajb'entac sb'ojnac eb'; yuj wal cha, scot wowl 'a eb', 'ix wa'n cham eb'.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.