A Ch'an̈ Schab'il Libro Yic Yab'ixal Eb' Rey 15:25 - Chuj San Sebastian Bible

²⁵ Palta a win Peka yunnal Remalías, capitan̈ yaj win yuj Pekaía cha, 'ix 'och 'ajc'ojlal 'a 'a. 'Ix ya'ch sb'a 50 winc 'aj Galaad yet'oc, 'ix smiln cham eb' win Pekaía chi 'a sdespacho 'a chon̈b' Samaria, xlajw cha, ax x'ochcn reyl sjeloc.

Chuj San Mateo Bible

²⁵ Palta a vin̈aj Peka yuninal vin̈aj Remalías yajal eb' vin̈ soldado vin̈aj Pekaía chi', ix och vin̈ ajc'olal d'a vin̈aj Pekaía chi', ix yac'anoch sb'a 50 eb' vinac aj Galaad yed' vin̈. Ix miljicham vin̈aj Pekaía chi' yuj eb' vin̈ d'a scuartel d'a yol spalacio d'a Samaria yed' vin̈aj Argob yed' vin̈aj Arie. Axo vin̈aj Peka chi' ix ochcan reyal sq'uexuloc vin̈.

A Ch'an̈ Schab'il Libro Yic Yab'ixal Eb' Rey 15:25 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 16:18

Palta ax xyiln sb'a win Zimri, to oyn xo 'och eb' soldado chi 'a jun chon̈b' cha, 'ix 'och 'a yol sdespacho win rey cha, 'ix ya'n 'och sc'a'l jun n̈a chi 'a yib'an̈, 'ixta 'ix 'aj schami.

A Ch'an̈ B'ab'el Libro Yic Yab'ixal Eb' Rey 16:9

Palta 'ay jun win syajlil nan̈l eb' soldado tz'ec' yet' te caruaje yic owal, Zimri sb'i winac. 'Ix sc'ultac naj win 'a spatc win Ela. 'Ay jun c'u 'ix c'och win Ela 'a yatut win Arsa 'a Tirsa cha, smayltoma win rey yaj winac, ax x'aji, 'ix yu'n win rey 'an̈ yet' winac, caw xq'ue te 'an̈ chi 'a sjolom.

A Ch'an̈ Schab'il Libro Yic Yab'ixal Eb' Rey 15:10

Ax Salum, yunnal Jabes, a 'ix 'och 'ajc'ojlal 'a Zacarías cha, 'ix yac' owl yet'oc, 'ix smiln cham 'a sat eb' chon̈ab', ax x'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 15:24

Caw maysch'olnil 'ix 'el sb'on 'a sat Jehová, ma'ix yactj can sb'eylb'an smasnil smul Jeroboam, win yunnal Nabat, atn win xjucb'tzan eb' yit israelal 'a maysch'olnil yic 'ix 'och smul eb'.

A Ch'an̈ Schab'il Libro Yic Yab'ixal Eb' Rey 15:26

Ax jantcto yab'xil Pekaía yet' smasnil tas 'ix 'el sb'oni, ata tz'ib'b'il can 'a ch'an̈ libro yic yab'xil eb' sreyl chon̈b' Israel.

A Ch'an̈ Schab'il Libro Yic Yab'ixal Eb' Rey 15:27

A yic 52 ab'il xo yoch Azarías reyl 'a Judá, 'ix schan 'el yich Peka yunnal Remalías ya'n reyl 'a chon̈b' Israel. Junc'l ab'il 'ix yac' reyl 'a chon̈ Samaria.

A Ch'an̈ Schab'il Libro Yic Yab'ixal Eb' Rey 9:14

A win Jehú yunnal Josafat yixchicn Nimsi, caw tu 'ix sna 'a spatquil win rey Joram. A win rey cha, xit'c yet' eb' yit israelal yic tzcolx 'el chon̈b' Ramot 'a yol yic Galaad 'a yol sc'ab' win Hazael sreyl chon̈b' Siria yalni.

A Ch'an̈ Schab'il Libro Yic Yab'ixal Eb' Rey 9:5

A yic 'ix c'och ta', wocn 'ejm smasnil eb' scapitan̈il eb' soldado. Xlajw cha, 'ix yaln 'ixtic: —'Ay wal jab' tas tzin nib'j tzwal 'aych ach in capitan̈, xchi win quelm cha. —¿Mach junc on̈ 'aj 'oj a paxtin cha? xchi Jehú. Atn 'aych ach in capitan̈, xchi 'a Jehú cha.

2 Cr 28:6

A eb' soldado win Peka, sreyl Israel, yunnal Remalías, junn̈j c'u smil cham eb' jun 120 mil soldado 'aj Judá, eb' caw tec'an, yujn̈ej to xyactjcan eb' Jehová, atn sDiosal eb' yet' smam yicham.

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.