A Ch'an̈ Schab'il Libro Yic Yab'ixal Eb' Rey 15:19 - Chuj San Sebastian Bible

¹⁹ ata 'ix jaw win Pul sreyl Asiria yet' eb' soldado yac' owl yet' Israel. Yuj cha, 'ix yac' Menahem 750 quintal q'uen tumn plata 'a win Pul cha yic tz'och win yet'oc, sec wach' te'n yaj 'a yopiso.

Chuj San Mateo Bible

¹⁹ ix javi vin̈aj Pul sreyal Asiria yac' oval d'a Israel chi'. Yuj chi' 750 quintal q'uen plata ix yac' vin̈ d'a vin̈aj Pul chi' yic tz'och vin̈ yed' vin̈ yic vach' scann̈ej vin̈ d'a yopisio.

A Ch'an̈ Schab'il Libro Yic Yab'ixal Eb' Rey 15:19 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:18

Palta ax Joás sreyl Judá, 'ix ya'cn syam sb'a smasnil jun tzo'n̈ ofrenda caw niwn yel'ch ya'jnac eb' smam yicham, atn rey Josafat, rey Joram yet' rey Ocozías, atn eb' sreyl Judá; yet' pax yic ya'jnac, yet' smasnil q'uen oro 'ayx 'ec' 'a yatut Jehová, yet' smasnil tas 'ay 'a yatut. A smasnil jun tzo'n̈ cha, 'ix ya't 'a Hazael sreyl chon̈b' Siria, sec wach' man̈xtzac jaw wul yac' owl yet' Jerusalén cha.

A Ch'an̈ Schab'il Libro Yic Yab'ixal Eb' Rey 14:5

A yic 'ix yi'n wal Amasías yip 'a yopiso, 'ix smiln cham eb' winc 'aych 'a yopiso, atn eb' miljnac cham smam Amasías cha.

A Ch'an̈ Schab'il Libro Yic Yab'ixal Eb' Rey 15:18

Caw maysch'olnil 'ix 'el sb'on 'a sat Jehová, yujto ma'ix yactj can sb'eylb'an smasnil smul Jeroboam yunnal Nabat, atn jun xjucb'tzan eb' yit israelal 'a maysch'olnil yic 'ix 'och smul eb'. A 'a yol stiempoal cha,

A Ch'an̈ Schab'il Libro Yic Yab'ixal Eb' Rey 15:20

'Ix ya'ch Menahem jun tojlb'al chi 'a yib'n̈ eb' yit chon̈ab'. A eb' rico jab'xoj man̈ chab'oc libra q'uen tumn plata tzyac' junjn eb' sec wach' tz'ajx jun tojlb'al chi 'a sreyl chon̈b' Asiria. 'Ixta 'ix 'aj smeltzj win sreyl Asiria yet' eb' soldado 'a slu'um, man̈xtoc 'ix 'och wan 'a yol yic Israel.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ Schab'il Libro Yic Yab'ixal Eb' Rey 16:8

Yuj cha, 'ix yij 'elt Acaz q'uen plata, q'uen oro 'ay 'a yatut Jehová, yet' q'uen 'ay 'a sdespacho, 'ix siyn 'at 'a sreyl chon̈b' Asiria.

A Ch'an̈ Schab'il Libro Yic Yab'ixal Eb' Rey 18:16

'Ix yi'n pax 'elt q'uen oro 'ac'b'il 'och yuj 'a spuertail yatut Jehová, yet' q'uen 'aych 'a smasnil smarcoal, 'ix ya'n 'a sreyl chon̈b' Asiria.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Salmos 83:8

yet' pax eb' 'aj Asiria. 'Ix ya'ch sb'a eb' yet' eb' yin̈tl can Lot.

Is 9:1

Palta man̈ smasnilc tiempo tzcan eb' tz'ixtx chi 'a scal scusc'ojlal. B'ab'el 'oj 'ijxoc can 'ejm lum Galilea yuj Dios, atn lum slum eb' yic Zabulón yet' eb' yic Neftalí, lum 'ay 'a sti a Jordán yet' 'a sti a mar, lum 'ay 'a smon̈jon eb' man̈ israeloc. Palta ax 'oj 'ajoc, 'oj 'ijxoc pax chan̈ eb' yu'uj.

Jeremías 17:5

'Ix yal Jehová 'ixtic: 'Oltac wal eb' tzin 'i'n 'el 'a sc'ojol, ax eb' 'anma tzya'ch eb' yipc sc'ojol, yic tzcolwj eb' yet' eb' snani.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Ez 23:5

A 'ix Ahola cha, xya'ch 'ix smul 'a yol in c'ab', sb'o 'ix 'ajmulal yet' ewin soldado 'aj Asiria.

Os 10:6

'Oj 'ijxoc 'at jun yechl swacx eb' chi 'a chon̈b' Asiria, yuj yajx 'a win rey b'inab'il. 'Ixta wal 'oj 'aj sq'uixw can 'el eb' 'aj chon̈b' Efraín. 'Oj q'uixwc pax 'el eb' israel yuj tas tzb'o eb' cha.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.